اسلام آباد – اسٹیبلشمنٹ ڈویژن نے جمعہ کو تمام وفاقی وزارتوں، ڈویژنوں اور محکموں کو ایک میمو جاری کیا، جس میں ان سے مطالبہ کیا گیا ہے کہ وہ سائز کم کرنے کے جاری اقدام کے تحت نئی آسامیوں کی تخلیق روک دیں۔
حکومتی کارروائیوں کو ہموار کرنے کے مقصد کے لیے اسٹیبلشمنٹ ڈویژن نے فیصلہ کیا کہ نئی یا خالی آسامیوں پر بھرتی کے لیے رائٹ سائزنگ کے عمل کی تکمیل تک نو آبجیکشن سرٹیفکیٹ (NOCs) جاری نہ کیے جائیں۔ وفاقی وزارتوں اور محکموں کو گریڈ 1 سے 22 تک کی 150,000 آسامیوں کو کم کرنے کا ہدف رکھتے ہوئے 60 فیصد موجودہ آسامیوں کو ختم کرنے کی ہدایت کی گئی تھی۔ اس وقت وفاقی وزارتوں، ڈویژنوں اور محکموں میں 1.1 ملین سے زیادہ منظور شدہ آسامیاں ہیں۔ حکم نامے میں یہ بھی کہا گیا ہے کہ وہ تمام آسامیاں جو کئی سالوں سے خالی پڑی تھیں، ختم کر دی جائیں۔ اسٹیبلشمنٹ ڈویژن نے اس بات پر زور دیا کہ ڈائون سائزنگ کا عمل مکمل ہونے تک کوئی نئی آسامیاں نہ بنائی جائیں۔
