الیکشن کمیشن نے سربراہ تحریک انصاف عمران خان کے خلاف توہین کمیشن پر شوکاز نوٹس معطل کرنے کا لاہور ہائیکورٹ کا عبوری حکم سپریم کورٹ میں چیلنج کر دیا۔
سپریم کورٹ میں دائر شدہ درخواست میں مؤقف اختیار کیا گیا ہے کہ الیکشن کمیشن ایک آئینی ادارہ ہے جس نے قانون کی پیروی کرتے ہوئے عمران خان، اسد عمر اور فواد چودھری کو نوٹس جاری کیے، تینوں افراد کی طرف سے تسلی بخش جواب نہ ملنے پر شوکاز نوٹس جاری کیے گئے۔
درخواست میں کہا گیا ہے کہ الیکشن ایکٹ کا سیکشن 10 آئین کے آرٹیکل 175 اور 204 سے متصادم نہیں ہے، لاہور ہائیکورٹ راولپنڈی بینچ کے عبوری حکم سے الیکشن کمیشن کا اختیار گھٹانے کی کوشش کی گئی ہے۔
الیکشن کمیشن کی طرف سے درخواست میں استدعا کی گئی ہے کہ لاہور ہائیکورٹ کا 21 ستمبر کا عبوری حکم کالعدم قرار دیا جائے۔