Home » صحت » انسان صحیح معنوں میں 30 سال میں بالغ ہوتا ہے، نئی تحقیق

انسان صحیح معنوں میں 30 سال میں بالغ ہوتا ہے، نئی تحقیق

اگرچہ پاکستان سمیت دنیا کے کئی ممالک میں کسی بھی انسان کے بالغ ہونے کی قانونی عمر 18 برس ہے، تاہم ایک حالیہ تحقیق کے مطابق اسی عمر میں انسان صحیح معنوں میں بالغ نہیں ہوتا۔

پاکستان سمیت دنیا کے کئی ممالک میں 18 سال کے بعد تمام افراد کو نہ صرف شناختی کارڈ کا اجرا کیا جاتا ہے، بلکہ انہیں شادی کرنے، ووٹ کاسٹ کرنے، کوئی بھی ملکیت خریدنے اور فروخت کرنے سمیت انہیں قانونی طور پر بالغ سمجھا جاتا ہے۔

اگر کوئی بھی شخص 18 سال سے چند ماہ پہلے بھی کسی جرم کے الزام میں گرفتار کیا جائے تو اس کے خلاف نابالغ افراد یعنی بچوں کے قوانین کے تحت کارروائی کی جاتی ہے۔

تاہم 18 سال کے ہوتے ہی ہر شخص کی قانونی حیثیت تبدیل ہوجاتی ہے۔

لیکن آکسفورڈ یونیورسٹی کے دماغی ماہرین کا کہنا ہے کہ دراصل انسان صحیح معنوں میں 30 سال کی عمر میں بالغ ہوتا ہے۔

18 سال کے بعد انسان بہتر بالغ ہونا شروع ہوتا ہے، ماہرین—فوٹو: ون میڈ ڈائریکٹ
18 سال کے بعد انسان بہتر بالغ ہونا شروع ہوتا ہے، ماہرین—فوٹو: ون میڈ ڈائریکٹ

ماہرین کا کہنا تھا کہ انسان کا بالغ ہونا بھی دنیوی نظام تعلیم یا اس طرح کے دیگر نظاموں کی طرح ہوتا ہے۔

امریکی نشریاتی ادارے ’اے بی سی 6‘ کے مطابق آکسفورڈ یونیورسٹی کے ماہرین نے مثال دی کہ اگرچہ 18 سال کے افراد کو پولیس بالغ افراد کے طور پر گرفتار کرتی ہے اور عدالتیں بھی ان کے خلاف بالغ افراد کے طور پر ہی مقدمہ چلاتی ہیں۔

تاہم اگر عدالت میں 18 برس اور 30 برس کے ملزموں کو پیش کیا جائے تو ججز دونوں کی عمر کی وجہ سے 18 سال کی عمر کے ملزم کو منظم جرائم پیشہ نہیں مانتے اور 30 سال والے شخص کو عادی مجرم مانا جاتا ہے۔

بالغ ہونے کے مختلف مراحل ہوتے ہیں، ماہرین—فوٹو: ایڈلٹ ارنر
بالغ ہونے کے مختلف مراحل ہوتے ہیں، ماہرین—فوٹو: ایڈلٹ ارنر

ماہرین کا کہنا تھا کہ اگرچہ 18 سال کی عمر کو پہنچے ہی انسان جسمانی و قانونی طور پر بالغ ہوجاتا ہے اور اسے کئی حقوق حاصل ہوجاتے ہیں، تاہم وہ سنجیدہ شخص نہیں بنتا۔

ماہرین کا کہنا تھا کہ 30 سال کی عمر تک پہنچتے پہنچتے انسان سنجیدہ ہوجاتا ہے اور وہ صحیح معنوں میں بالغ بنتا ہے۔

دماغی ماہرین کے مطابق انسان کے بالغ ہونے اور سنجیدہ بالغ ہونے میں کسی تجربہ کار اور ناتجربہ کار انسان کی طرح کا فرق ہوتا ہے۔

ماہرین نے یہ باتیں آکسفورڈ یونیورسٹی کے ڈپیارٹمنٹ اکیڈمی آف میڈیکل سائنسز میں ہونے والی ایک تقریب میں کہیں۔

18 سال اور 30 کے بالغ میں فرق ہوتا ہے، ماہرین—فوٹو: شٹر اسٹاک
18 سال اور 30 کے بالغ میں فرق ہوتا ہے، ماہرین—فوٹو: شٹر اسٹاک

About Admin

Google Analytics Alternative