بلوچستان میں گردوں کے مریضوں کی تعداد میں اضافہ

بلوچستان میں گردوں کے امراض میں مبتلا مریضوں کی تعداد میں ہر سال اضافہ ہو رہا ہے۔صوبے میں سہولتوں کے فقدان باعث مریضوں کے علاج میں مشکلات پیش آرہی ہیں۔ کوئٹہ میں قائم صوبے کا واحد ادارہ بھی مالی مشکلات کا شکار ہے۔ادارے میں گردوں کی پیوندکاری کا عمل بھی رکا ہوا ہے۔واضح رہے کہ آج گردوں کے امراض سے بچاو سے متعلق آگہی کا عالمی دن بھی ہے۔اس حوالے سے ایک مریض نے بتایا کہ ڈاکٹر یہی کہتے تھے کہ بھائی آپ کے کڈنی میں اسٹون تھے، بہت علاج کیا ناممکن تھا۔ یہاں پر ماشااللہ علاج ہو رہا بہت صحیح ہوا ہے اور مجھے یقین ہے میں ٹھیک ہو جاوں گا۔گردوں کے امراض کی گھمبیر ہوتی صورتحال اپنی جگہ، دوسری جانب ان کے علاج کے لیے سہولتوں کا فقدان اورحکومتی عدم توجہی پریشان کن ہے۔کوئٹہ میں گردوں کیعلاج کیلئے قائم واحد ادارے کو فنڈز کی کمی کے باعث مشکلات پیش آرہی ہیں، پیوند کاری کا سلسلہ بھی ایک عرصے سے رکا ہوا ہے۔