- الإعلانات -

حکومت سے کسی ڈیل کا سوال ہی پیدا نہیں ہوتا، عمران خان کا دو ٹوک اعلان

اسلام آباد : چیئرمین تحریک انصاف عمران خان نے حکومت کے ساتھ معاہدے کی خبروں پر دو ٹوک اعلان کیا کہ کسی ڈیل کا سوال ہی پیدانہیں ہوتا، اسمبلیوں کی تحلیل اور الیکشن کےاعلان تک اسلام آبادمیں رہیں گے۔

تفصیلات کے مطابق سابق وزیر اعظم عمران خان اور چیئرمین تحریک انصاف عمران خان نے سماجی رابطے کی ویب سائٹ ٹوئٹر پر حکومت اور تحریک انصاف کے درمیان معاہدے کی خبروں سے متعلق کہا کہ افواہیں اور غلط معلومات کہ ڈیل ہو گئی ایسا بالکل نہیں، اسلام آباد کی طرف بڑھ رہے ہیں ،کسی ڈیل کا سوال ہی پیدانہیں ہوتا۔

عمران خان کا کہنا تھا کہ اسمبلیوں کی تحلیل اور الیکشن کےاعلان تک اسلام آبادمیں رہیں گے، اسلام آباد اور پنڈی کے تمام لوگوں کو جوائن کرنےکیلئےکال کی جاتی ہے۔

رہنما پی ٹی آئی فرخ حبیب نے بھی اپنے ٹوئٹ میں معاہدے اور مذاکرات سےمتعلق اطلاعات کو بے بنیاد قرار دیتے ہوئے کہا تھا کہ حکومتی افوا سازکارخانوں کی اختراع ہیں، سمبلیاں تحلیل کرکےفوری انتخابات کےانعقاد کی تاریخ کا اعلان کریں ، قوم واپس لوٹ جائےگی۔ وگرنہ حقیقی آزادی مارچ جاری ہے، مطالبات کی منظوری تک کہیں نہیں جائیں گے۔

اس سے قبل چیئرمین پاکستان تحریک انصاف عمران خان نے ہر قسم کی رکاوٹوں کو عبور کرتے ہوئے ڈی چوک پہنچنے کا اعلان کرتے ہوئے شرکا سے سوال کیا تھا کہ راستےمیں رکاوٹیں ہیں، کیا آپ ان کنٹینرز کو ہٹانے کیلئےتیار ہیں۔

عمران خان نے شہباز حکومت کو آڑے ہاتھوں لیتے ہوئے کہا تھا کہ یہ چوروں کا ٹولہ ہےجس میں امریکا کے نوکر اور کرپٹ ترین لوگ ہیں، یہ ٹولہ خوف زدہ ہے جس نے پورے پاکستان میں کنٹینرز لگادیئے، ہمیں عوام سے کوئی ڈر نہیں بلکہ ان کو عوام سے خوف ہے، انہوں نے ہمارے لوگوں کو گرفتار کیا، رات کو گھروں میں چھاپے مارے، پولیس نےدیواریں پھلانگ کر ہمارے لوگوں کو پکڑا اور تنگ کیا۔