- الإعلانات -

انتخابی اصلاحات: سیاسی جماعتوں کی رجسٹریشن کیلئے کڑی شرائط تجویز

انتخابی اصلاحات کا نیا مسودہ قانون، سیاسی جماعتوں کی رجسٹریشن کے لئے کڑی شرائط تجویز، تانگہ پارٹیوں کی چھٹی، دو ہزار سے کم ممبر شپ رکھنے والی سیاسی جماعت الیکشن کمیشن میں رجسٹرڈ نہیں ہو گی، پہلے سے رجسٹرڈ سیاسی جماعتیں بھی قانون بننے کے بعد تیس دن کے اندر عمل کرنے کی پابند ہوں گی۔

انتخابی اصلاحات کے نئے مسودے میں کہا گیا ہے کہ پارٹی ارکان کے شناختی کارڈ نمبر بھی الیکشن کمیشن کو فراہم کرنا ہوں گے جبکہ سیاسی جماعت کی رجسٹریشن فیس دو لاکھ روپے مقرر کی گئی ہے۔ نئے قانون کا اطلاق الیکشن کمیشن میں موجود تمام سیاسی جماعتوں پر ہو گا۔ سیاسی جماعت کو ایک لاکھ روپے سے زائد چندہ دینے والے کی تفصیلات بھی الیکشن کمیشن کو فراہم کرنا ہوں گی۔