- الإعلانات -

کیا لیپ ٹاپ مردوں کو بانجھ بنا سکتے ہیں؟ ویب

یپ ٹاپ کو گود میں رکھ کر استعمال کرنے کی عادت مردوں میں بانجھ پن کے خطرے کو بڑھانے کا باعث بن سکتی ہے۔

یہ انتباہ امریکا میں ہونے والی ایک طبی تحقیق میں سامنے آیا۔

کیلیفورنیا یونیورسٹی کی تحقیق میں بتایا گیا کہ لیپ ٹاپ سے خارج ہونے والی حرارت بانجھ پن کا باعث بن سکتی ہے۔

تحقیق میں بتایا گیا کہ کسی بھی طرح کی گرم چیز جو کمر سے نیچے جسمانی حصوں پر اثرانداز ہوں وہ مردوں میں بانجھ پن کا باعث بن سکتا ہے۔

تحقیق کے مطابق اس طرح کی حرارت مردوں کی اولاد کی صلاحیت پر منفی اثرات مرتب کرتی ہے اور لیپ ٹاپ اس حوالے سے کافی خطرناک ثابت ہوسکتے ہیں۔

ان کا کہنا تھا کہ لیپ ٹاپ کو گود میں رکھ کر ایک گھنٹے استعمال کرنا بھی اس حوالے سے اثرات مرتب کرسکتا ہے۔