- الإعلانات -

سری لنکا کے خلاف پاکستان کرکٹ ٹیم کا تربیتی کیمپ جاری

لاہور:  سری لنکا کے خلاف سیریز سے قبل قومی کرکٹرز کا تربیتی کیمپ لاہور میں جاری ہے جب کہ پلیئرز کی دو ٹیمیں تشکیل دے کر میچ کھیلا گیا جو ڈرا ہو گیا۔

گزشتہ روز پی سی بی وائٹس نے چائے کے وقفے تک 27 اوورز میں بغیر کسی وکٹ کے نقصان کے 82 رنز بنائے تھے جب بارش کے باعث کھیل روک دیا گیا تھا۔ اسد شفیق کی قیادت میں پی سی بی وائٹس نے اپنی اننگز کا دوبارہ آغاز کیا تو اوپنر سمیع اسلم 50 اور شان مسعود 43 ریٹائرڈ ہو گئے، محمد رضوان 25 رنز پر ناقابل شکست رہے، اسد شفیق 13 رنز بنا سکے۔ وائٹس نے 55 اوورز میں 3 وکٹ پر 144رنز بنا کر اننگز ڈیکلیئر کر دی۔