- الإعلانات -

افغانستان میں سیکیورٹی فورسز کے قافلے پر حملے میں 6 انٹیلی جنس اہلکار ہلاک

کابل: افغانستان میں سیکیورٹی فورسز کے قافلے پر حملے  کے نتیجے میں 6 انٹیلی جنس اہلکار ہوگئے۔

بین الاقوامی خبر رساں ادارے کے مطابق دہشت گردوں نے افغانستان میں دارالحکومت کابل کے ضلع پغمان سے گزرنے والے افغان انٹیلی جنس ایجنسی اور نیشنل ڈائریکٹوریٹ سیکیورٹی کی آپریشنل ٹیم کے قافلے کو کار بم دھماکے کے ذریعے نشانہ بنایا گیا۔

دھماکا خیز مواد سے بھری ایک کار سیکیورٹی فورسز کے قافلے میں شامل ہوکر زور دار دھماکے سے پھٹ گئی۔ کار کو ریموٹ کنٹرول ڈیوائس سے دھماکے سے اُڑایا گیا۔ قافلے میں شامل دیگر اہلکار زخمی ہیں جنہیں طبی امداد فراہم کی جا رہی ہے۔

افغان حکومت کی جانب سے خودکش دھماکے میں 6 انٹیلی جنس اہلکاروں کی ہلاکت کی تصدیق کی ہے تاہم دھماکے کی نوعیت، زخمیوں کی تعداد اور ہلاک ہونے والے اہلکاروں کی شناخت ظاہر نہیں کی گئی۔

پولیس نے جائے وقوعہ کا گھیراؤ کر کے شاہراہ کو آمدورفت کے لیے بند کردیا، سیکیورٹی اداروں نے قریبی علاقوں میں سرچ آپریشن کا آغاز کردیا تاہم اس حوالے سے کوئی گرفتاری میں عمل میں نہیں آئی ہے۔

گزشتہ 3 ماہ سے افغانستان میں طالبان جنگجوؤں کے حملوں میں شدت دیکھنے میں آئی ہے لیکن تاحال کسی شدت پسند جماعت نے حملے کی ذمہ داری قبول نہیں کی ہے۔