ترقیاتی مالیاتی ادارے جامع پروفائلز کا اشتراک کریں، وزیر خزانہ

اسلام آباد: نگران وزیر خزانہ شمشاد اختر نے کہا ہے کہ ترقیاتی مالیاتی ادارے جامع پروفائلز کا اشتراک کریں۔نگران وفاقی وزیرخزانہ، محصولات اور اقتصادی امور ڈاکٹر شمشاد اختر نے چیئرمین ایس ای سی پی اورڈی ایف آئیزکے سربراہان کیساتھ ایک اجلاس کی صدارت کرتے ہوئے کہا ہے کہ مطلوبہ مہارت، استعداد اور لچک رکھنے والے ترقیاتی مالیاتی ادارے (ڈی ایف آئیز) کیپٹل مارکیٹ کی ترقی اور ترقی کے ممکنہ محرک ثابت ہو سکتے ہیں۔اجلاس میں ترقیاتی مالیاتی اداروں کی جانب سے پرائیویٹ ایکویٹی اینڈ وینچر کیپٹل (PE&VC) فنڈ کے قیام پر پیش رفت کا جائزہ لیا گیا۔ وزیر خزانہ نے اس بات پر زور دیا کہ ترقیاتی مالیاتی ادارے کا کردار کمرشل بینکوں سے الگ ہے۔