اسلام آباد – وفاقی حکومت نے پیٹرولیم مصنوعات کی قیمتوں میں 3 روپے 40 پیسے فی لیٹر تک کمی کردی ہے، نئی قیمتوں کا اطلاق آج رات 10 بجے سے ہوگا۔
حکومت نے پیٹرول کی قیمت میں 2 روپے 07 پیسے فی لیٹر کمی کی ہے جس کے بعد نئی قیمت 249.10 روپے سے کم ہو کر 247.03 روپے فی لیٹر ہوگئی ہے۔ ہائی اسپیڈ ڈیزل کی قیمت میں 3 روپے 40 پیسے فی لیٹر کمی کی گئی ہے جس کے نتیجے میں نئی قیمت 246.29 روپے فی لیٹر ہوگئی ہے جو کہ 249.69 روپے فی لیٹر سے کم ہے۔ اسی طرح لائٹ ڈیزل کی قیمت میں 1.03 روپے فی لیٹر کی کمی ہوئی ہے جس سے یہ 141.93 روپے سے کم ہو کر 140.90 روپے فی لیٹر ہو گئی ہے۔ مٹی کے تیل کی قیمت میں 3.57 روپے فی لیٹر کی کمی ہوئی ہے جس سے یہ 154.90 روپے فی لیٹر ہو گئی ہے۔
