سابق بھارتی کپتان سارو گنگولی کا موبائل فون گھر سے چوری

سابق بھارتی کپتان اور بھارتی کرکٹ بورڈ کے سابق صدر سارو گنگولی کا موبائل فون ان کے گھر سے چوری ہوگیا۔بھارتی میڈیا کے مطابق سابق بھارتی کپتان سارو گنگولی کا فون کولکتہ میں ان کے گھر سے چوری ہوگیا، انہوں نے پولیس میں رپورٹ درج کرادی ہے۔میڈیا رپورٹس کے مطابق سارو گنگولی کے چوری شدہ فون کی مالیت 1.6 لاکھ روپے ہے۔اس حوالے سے سارو گنگولی کا کہنا ہے کہ جب فون چوری ہوا تو وہ گھر پر موجود نہیں تھے اور فون ایک مخصوص جگہ پر رکھا ہوا تھا۔انہوں نے کہا کہ میرے فون میں اہم ذاتی معلومات ہیں جب کہ فون میں اہم شخصیات کے نمبرز بھی ہیں، حکام سے درخواست ہے کہ فون میں اہم شخصیات کے نمبرز کی وجہ سے فون کے غلط استعمال کو روکنے کے لیے اقدامات کیے جائیں۔