سرکاری حج اسکیم ،درخواست وصولی کیلئے آج آخری دن

وزارت مذہبی امور کے ترجمان کا کہنا ہے کہ سرکاری حج اسکیم کے تحت حج درخواستوں کی وصولی کا آج آخری دن ہے۔ترجمان نے کہا ہے کہ اب تک 75 ہزار 337 حج درخواستیں موصول ہوئی ہیں، نامزد بینک آج بھی حج درخواستوں کی وصولی جاری رکھیں گے۔انہوں نے کہا کہ 2 لاکھ روپے کی پہلی قسط کے ساتھ نزدیکی بینک میں درخواست جمع کرائی جا سکتی ہے۔ترجمان کا کہنا ہے کہ سمندر پار پاکستانی اسپانسر شپ اسکیم میں بلاقرعہ اندازی شامل ہو سکتے ہیں۔ان کا یہ بھی کہنا ہے کہ نئے درخواست گزار پہلے سے کامیاب عزیز و اقارب کے گروپ میں شامل ہو سکتے ہیں۔