سونے کی فی تولہ قیمت میں 11 ہزار روپے سے زائد کی کمی ہوگئی

ملک میں کئی روز اضافے کے بعد آج سونے کی قیمت میں آج ہزاروں روپے کی کمی ہوگئی۔آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 11 ہزار 700 روپے کی کمی ہوئی، جس کے بعد ملک میں سونے کی فی تولہ قیمت 3 لاکھ 52 ہزار روپے ہوگئی۔
ایسوسی ایشن کے مطابق ملک میں 10 گرام سونے کی قیمت میں 10 ہزار 31 روپے کمی ہوئی ہے، جس کے بعد 10 گرام سونے کا بھا 3 لاکھ ایک ہزار 783 روپے ہوگیا۔
عالمی صرافہ میں سونے کا بھا 116 ڈالر کم ہو کر 3338 ڈالر فی اونس ہے۔