عمران خان پر فائرنگ کرنے والے شخص کو روکنے والے ہیرو ابتسام منظر عام پر

عمران خان کے کنٹینر پر فائرنگ کرنے والے حملہ آور کو روکنے والے نوجوان کی شناخت ابتسام کے نام سے ہوئی ہے جس نے میڈیا سے بات کی ہے۔

تفصیلات کے مطابق ابتسام نامی نوجوان نے بتایا کہ وہ عمران خان کے کنٹینر سےتقریباً 10 سے 12 فٹ دور تھا ، اسی دوران حملہ آور کیا ، اس نے پسٹل نکال کر جیسے ہی میگزین لوڈ کیا ہے تو میں اس کی طرف بھاگا، اس نے اوپر کی طرف کرکے ایک فائر نکال دیا تھا

اس کے بعد میں نے اس کا ہاتھ نیچے کی طرف کردیا جس سے نشانہ غلط ہوگیا، اس کے باقی فائر غلط ہوگئے۔ابتسام کے مطابق میں اس کے پیچھے سے بھاگا اور اس کو پکڑ لیا، آگے سے اسے پولیس پکڑ کر لے گئی۔