پاکستان تحریک انصاف اسلام آباد ریجن کے صدر علی نواز اعوان نے کہا ہے کہ محسن نقوی کی بطور نگران وزیر اعلیٰ تقرری پی ڈی ایم الیکشن کمیشن گٹھ جوڑ کا نتیجہ ہے چیف الیکشن کمشنر اہم ترین ملکی ادارے کے سربراہ کی بجائے پی ڈی ایم کے ورکر کے طور پر کام کر رہے ہیں، من پسند تقرریوں کے باوجود پنجاب اور خیبر پختونخوا اسمبلیوں کے انتخابات کی تاریخ کا اعلان نہ کرنا آئین کی سنگین خلاف ورزی ہے، پیر کو ایک بیان میں علی نواز اعوان نے کہا کہ محسن نقوی کی بطور نگران وزیر اعلیٰ پنجاب تقرری الیکشن کمیشن اور پی ڈی ایم کے گٹھ جوڑ کا نتیجہ ہے چونکہ پی ڈی ایم ٹولہ نیب زدہ لیڈرز پر مشتمل ہے اس لیے نگران وزیر اعلیٰ بھی نیب زدہ ہی لگایا گیا جس میں چیف الیکشن کمشنر نے بطور پی ڈی ایم “ورکر” کے بھرپور کردار ادا کیا، انہوں نے کہا کہ موجودہ الیکشن کمیشن ایک غیر جانبدار آئینی ادارے کے بجائے پی ڈی ایم کی ذیلی تنظیم کا کردار نبھا رہا ہے علی نواز اعوان نے کہا کہ اپنی من پسند تقرریوں کے باوجود پنجاب اور خیبر پختونخوا اسمبلیوں کے انتخابات کی تاریخ کا اعلان نہیں کیا جارہا ہے جو سنگین آئینی خلاف ورزی کے زمرے میں آتا ہے انہوں نے کہا کہ پی ڈی ایم پورے ملک میں الیکشن سے راہ فرار اختیار کر رہی ہے یہی وجہ ہے کہ الیکشن کمیشن کے ساتھ مل کر حیلے بہانوں سے پنجاب اور خیبر پختونخوا اسمبلیوں کے انتخابات میں بھی تاخیری حربے اختیار کیے جا رہے ہیں






تبصرے (0)
اپنا تبصرہ لکھیں