Site icon Daily Pakistan

پاکستان کی بڑی کامیابی ، سلطان اذلان شاہ ہاکی کپ میں پاکستانی ٹیم کی 11 سال بعد وکٹری

پاکستان کی بڑی کامیابی ، سلطان اذلان شاہ ہاکی کپ میں پاکستانی ٹیم کی 11 سال بعد وکٹری

پاکستان کی بڑی کامیابی ، سلطان اذلان شاہ ہاکی کپ میں پاکستانی ٹیم کی 11 سال بعد وکٹری

سلطان اذلان شاہ ہاکی کپ میں پاکستان نے ایشین چیمپئن جاپان کو 3-5 سے شکست دیکر 11 سال بعد ایونٹ میں وکٹری سٹینڈ پر جگہ بنالی۔
ملائیشیا کے شہر ایبوہ میں کھیلے جانے والے سلطان اذلان شاہ ہاکی کپ میں تیسری و چوتھی پوزیشن کا میچ پاکستان اور جاپان کے مابین کھیلا گیا۔
میچ میں پاکستان نے جاپان کو سنسنی خیز مقابلے میں تین کے مقابلے میں پانچ گول سے ہرادیا۔
پاکستان کی جانب سے 11ویں منٹ میں حنان شاہد نے فیلڈ گول، 18ویں منٹ میں افراز احمد نے پینلٹی کارنر کے ذریعے، 27ویں اور 31ویں منٹ میں رومان نے دو فیلڈگولز کیے جبکہ 53ویں منٹ میں رانا عبدالوحید نے فیلڈ گول اسکور کیا جبکہ جاپان کی جانب سے 10ویں منٹ میں کینٹارو نے، 31ویں اور 50ویں منٹ میں یوما نے دو گول اسکور کیے۔
ایونٹ میں 11 سال بعد پاکستان تیسری پوزیشن حاصل کرکے برونز میڈل جیتنے میں کامیاب ہوگیا۔
اس سے قبل پاکستان نے ایونٹ کا فائنل آسٹریلیا کے مدمقابل 2011 میں کھیلا تھا۔
یاد رہےکہ پاکستان ہاکی ٹیم میں 9 باصلاحیت اور نوجوان کھلاڑیوں نے اس ایونٹ سے اپنے انٹرنیشنل کیریئرکا آغاز کیا اور ایونٹ میں شاندار کارکردگی دکھائی۔
11 سال بعد وکٹری اسٹینڈ پر پہنچنے والی پاکستان ہاکی ٹیم نے اسٹیڈیم سے واپسی پر بس میں جشن بھی منایا اور ناگن ناگن گانے پر رقص کیا۔
مذکورہ ایونٹ میں 6 ٹیموں نے شرکت کی جن میں میزبان ٹیم ملائیشیا، پاکستان، جاپان ، کوریا، ساؤتھ افریقا اور مصر شامل ہیں۔
سلطان اذلان شاہ ہاکی کپ کا فائنل کل میز بان ٹیم ملائیشیا اور کوریا کے مابین کھیلا جائےگا۔

Exit mobile version