پنجاب ، ڈینگی کے اعداد وشمارجاری

محکمہ پرائمری اینڈ سیکنڈری ہیلتھ کیئر پنجاب نے ڈینگی کے اعداد و شمار جاری کر دیے۔محکمہ صحت پنجاب کے ترجمان کے مطابق گزشتہ 24 گھنٹوں میں پنجاب میں ڈینگی کے 79 کیسز رپورٹ ہوئے ہیں۔ترجمان نے بتایا کہ رواں سال اب تک ڈینگی کے 1 ہزار 631 کیسز رپورٹ ہو چکے ہیں۔انہوں نے بتایا کہ 24 گھنٹوں کے دوران راولپنڈی سے ڈینگی کے 69 اور لاہور سے 3 کیسز رپورٹ ہوئے ہیں۔ان کا کہنا ہے کہ فیصل آباد، گوجرانوالہ، اٹک، میانوالی، سرگودھا اور رحیم یار خان سے ایک ایک کیس رپورٹ ہوا ہے۔