گوادر: چیف جسٹس آف پاکستان یحییٰ آفریدی نے فوری انصاف کو یقینی بنانے کے لیے ملک کے دور دراز علاقوں کا دورہ کرنے کا فیصلہ کیا۔
چیف جسٹس آفریدی کی زیر صدارت پیر کو گوادر میں عدالتی اصلاحات کے حوالے سے اہم اجلاس ہوا۔ اجلاس میں فیصلہ کیا گیا کہ چیف جسٹس ضلعی عدلیہ کی کارکردگی کو بہتر بنانے کے لیے خود دور دراز علاقوں کا دورہ کریں گے۔ سپریم کورٹ سے جاری بیان کے مطابق چیف جسٹس آفریدی نے دورہ بلوچستان کے دوران پیر کو تربت، چاغی اور پنجگور کے ڈسٹرکٹ اینڈ سیشن ججز سے ملاقاتیں کیں۔ یہ بھی پڑھیں: چیف جسٹس آفریدی نے جیل میں اصلاحات لانے کے لیے اہم اجلاس کی صدارت کی۔
انہوں نے ملک کے دور دراز علاقوں میں اپنے فرائض سرانجام دینے والے عدالتی افسران کی خدمات کو سراہا۔ اجلاس میں بلوچستان کے لیے ذیلی کمیٹی بھی تشکیل دی گئی۔ ذیلی کمیٹی مختلف جیلوں کے دورے کرے گی اور نظام کو بہتر بنانے کے مقصد سے اصلاحات کا ایک جامع پیکیج پیش کرے گی۔ ملاقات میں چیف جسٹس بلوچستان ہائی کورٹ ہاشم خان کاکڑ اور مانیٹرنگ جج برائے جیل خانہ جات جسٹس عبداللہ بلوچ نے بھی شرکت کی۔
