- الإعلانات -

کورونا وائرس کے ٹیسٹ اور روزے، متحدہ عرب امارات نے فتویٰ جاری کر دیا

متحدہ عرب امارات کی فتویٰ کونسل نے کہا ہے کہ رمضان المبارک میں کورونا ٹیسٹ کرانے سے روزہ نہیں ٹوٹے گا۔ فتویٰ کونسل کا مزید کہنا ہے کہ مہلک وائرس کے ٹیسٹ کیلئے کاٹن کے ذریعے ناک سے نمونہ لیا جاتا ہے لہٰذا روزہ ٹوٹنے کے ڈر سے کورونا ٹیسٹ کرانے سے گریز نہ کیا جائے۔ خیال رہے کہ اس سے قبل بھی فتویٰ کونسل نے رمضان المبارک کے حوالے سے گائیڈ لائن جاری کی تھی جس میں کہا گیا تھا کہ ایسے افراد جن میں کورونا کی علامات ظاہر ہوں وہ روزے چھوڑسکتے ہیں۔ خیال رہے کہ سعودی عرب سمیت دنیا بھر کے کئی مسلمان ممالک میں نمازوں کی باجماعت ادائیگی محدود کردی گئی ہے جبکہ پاکستان میں بھی مساجد کیلئے 20 نکاتی حفاظتی اقدامات پر اتفاق کیا گیا ہے۔