اداکارہ انعمتا قریشی کا ساس کی جانب سے گھریلو تشدد کا نشانہ بننے کا انکشاف

پاکستان شوبز کی اداکارہ انعمتا قریشی نے ساس کی جانب سے گھریلو تشدد کا نشانہ بننے کا انکشاف کر دیا۔سُنو چندا ڈرامے میں اداکاری کے جوہر دکھانے والی انعمتا نے سوشل میڈیا پر اسٹوری پوسٹ کرتے ہوئے سسُرال میں اپنے ساتھ ہونے والی زیادتیوں کے حوالے مداحوں کو آگاہ کیا ہے۔انعمتا قریشی نے انکشاف کیا کہ ان کے شوہر کام کے سلسلے میں گھر سے دور ہوتے ہیں اس دوران ان کی ساس اُن پر ظلم و ستم ڈھاتی ہیں یہاں تک کہ انہیں کھانے کو نہیں دیتیں اور ساس کی وجہ سے انہیں بھوکا رہنا پڑتا ہے۔اداکارہ نے بتایا کہ ان کے شوہر اور انہوں نے جب والدہ کی جانب سے مشکلات سامنے آنے پر الگ گھر لینا چاہا تو یہ بھی ان کی ساس کو برداشت نہ ہوا اور انہوں نے مجھے گالیاں دیں مجھ پر ہاتھ اُٹھایا جبکہ میری والدہ اور بہنوں کو بھی بُرا بھلا کہا۔انعمتا نے اپنی انسٹا اسٹوری پر بتایا کہ ان کی ساس کا کہنا ہے کہ میں ایک اداکارہ ہوں اس لئے گھر بسانے کے لائق نہیں ہوں۔اداکارہ نے مزید بتایا کہ ان کی ساس کی بہن نے ایک جھگڑے کے دوران ان کی والدہ پر بھی تشدد کیا جس کی وجہ سے ان کی والدہ کا پاؤں فریکچر ہوگیا تھا۔