جے سوریا کو سری لنکا کی ٹیم کا فل ٹائم ہیڈ کوچ تعینات کرنے کا فیصلہ

سری لنکا کرکٹ نے سنتھ جے سوریا کو ایک سال کے لیے کل وقتی ہیڈ کوچ مقرر کرنے کا فیصلہ کیا ہے۔سری لنکن میڈیا کے مطابق سنتھ جے سوریا سری لنکن کرکٹ ٹیم کے عبوری ہیڈ کوچ کی ذمہ داریاں نبھا رہے تھے۔میڈیا رپورٹس کے مطابق سنتھ جے سوریا کا نیا دور نیوزی لینڈ کے خلاف ٹیسٹ سیریز کے بعد شروع ہوگا۔سنتھ جے سوریا کی کوچنگ میں سری لنکن ٹیم نے بھارت کو ون ڈے سیریز میں شکست دی ہے اور انگلینڈ کو اس کے ہوم گرانڈ پر ٹیسٹ میچ میں شکست دی ہے۔سری لنکن کرکٹ ٹیم بھی نیوزی لینڈ کے خلاف سیریز جیتنے کے قریب ہے۔