اسلام آباد:خنجراب پاس کو پاکستان، چین اور وسط ایشیائی ریاستوں کے درمیان تجارت کے لیے سال بھر کے لیے فعال بنا دیا گیا، یہ اہم سنگ میل آزادی کے 77 سال بعد پہلی بار عبور کیا گیا۔خنجراب پاس سے مشینری، ٹیکسٹائل، الیکٹرانکس اور اشیا خور و نوش سمیت دیگر تجارتی سامان کی نقل و حمل ہوتی ہے، جو ہمسایہ ممالک کی معاشی ترقی کے لیے نہایت اہمیت کا حامل ہے۔گزشتہ برسوں کے دوران، پاکستان نے اس راستے کو وسط ایشیائی ریاستوں خصوصا تاجکستان، کرغزستان اور قازقستان کو صنعتی اور زرعی مصنوعات کی ترسیل کے لیے بھی استعمال کیا ہے۔خنجراب پاس کے سال بھر کھلنے سے چین، پاکستان اور خطے کے دیگر ممالک کے درمیان اقتصادی تعلقات مزید مضبوط ہوں گے جس سے علاقائی تجارت کو فروغ ملے گا۔نیشنل لاجسٹکس کارپوریشن (این ایل سی)نے سوست ڈرائی پورٹ پر سرحد پار تجارت کے لیے جامع اقدامات اٹھائے ہیں جن میں حکام اور تاجر برادری کے لیے سینٹرل ہیٹنگ سسٹم کی تنصیب اور دیگر سہولیات شامل ہیں۔ ان سہولیات کا مقصد سال بھر تجارتی سرگرمیوں کو خوش اصلوبی سے سر انجام دینا ہے۔
ہمارے بارے میں
ڈیلی پاکستان سینئر ترین صحافی سردار خان نیازی کی زیر نگرانی ایک پاکستان کا قومی اخبار ہے جو پاکستان کا اصل چہرہ دکھا رہا ہے۔
Categories
Contact Info
Patriot Building, Street 24, G-8/4 Islamabad, Islamabad Capital Territory 46000 dailypakistansocialmedia@gmail.com 051-233-1690Follow Us
