شاہد آفریدی نے پرویز مشرف کیساتھ یادگار تصویر شیئر کردی

قومی کرکٹ ٹیم کے سابق کپتان شاہد آفریدی اور شعیب ملک نے سابق صدر جنرل ریٹائرڈ پرویز مشرف کے انتقال پر اظہار افسوس کیا۔سماجی رابطے کی ویب سائٹ ٹوئٹر پر شاہد آفریدی نے پرویز مشرف کے ساتھ یادگار تصویر شیئر کی۔شاہد آفریدی نے اپنے پیغام میں لکھا کہ ہم اسی کے بندے ہیں اور اسی کی طرف لوٹ کر جانا ہے۔انہوں نے کہا کہ اللّٰہ تعالیٰ پرویز مشرف کے لیے آسانیاں پیدا کرے۔سابق کپتان نے پرویز مشرف کے اہل خانہ سے اظہار تعزیت بھی کی۔