مداحوں کے سامنے پرفیکٹ زندگی مت شیئر کریں، صحیفہ جبار کا فنکاروں سے اپیل

پاکستانی اداکارہ صحیفہ جبار خٹک نے سوشل میڈیا انفلوئنسرز اور ساتھی فنکاروں سے مطالبہ کیا ہے کہ وہ مداحوں کے سامنے پرفیکٹ زندگی کی جھوٹی تصاویر مت پوسٹ کریں۔انسٹا گرام میں پوسٹ پر انہوں نے لکھا ہے کہ انفلوئنسر اور فنکار صرف اچھے لمحات شیئر کرتے ہیں اور ناخوش گوار واقعات کو خفیہ رکھتے ہیں۔اداکارہ نے ساتھی شوبز شخصیات سے درخواست کی کہ وہ فالوورز اور مداحوں کو وہ سکھائیں جو والدین نے ہمیں سکھایا کہ کیسے شادی جیسے نازک رشتے کو نبھانا ہے اور کیسے اس رشتے میں رہ کر مشکلات کا سامنا کرنا ہے۔انہوں نے نے مزید لکھا ہے کہ جب لوگ سوشل میڈیا پر اپنی خوشی کی تقریبات شیئر کرتے ہیں تو انہیں یہ بھی بتانا چاہئے کہ اس کے حصول کیلئے انہیں کتنی قربانیاں دینی پڑیں۔