معروف کامیڈین اسماعیل تارا انتقال کر گئے

کراچی:پاکستان کے معروف اداکارہ اسماعیل تارا73برس کی عمر میں کراچی میں انتقال کر گئے۔روزنامہ پاکستان کے مطابق اسماعیل تارا گردوں کے عارضے میں مبتلا تھے اور کچھ دن سے نجی ہسپتال میں زیر علاج تھے۔جمعرات کی صبح ہی انہیں وینٹی لیٹر پر منتقل کیا گیا تھا پھر ان کی حالت سنبھل نہ سکی اور وہ اپنے خالق حقیقی کو جاملے۔مرحوم کے پسماندگان میں بیوہ ایک بیٹی اور 4بیٹے شامل ہیں۔اسماعیل تارا کے صاحبزادے شیراز تارا کے مطابق مرحوم کی نماز جنازہ آج بعد نماز جمعہ شہید ملت روڈ پر ادا کی جائے گی۔