لندن – سابق وزیراعظم اور مسلم لیگ ن کے صدر نواز شریف اپنے معالج کے ہمراہ لندن سے امریکا روانہ ہوگئے۔
نواز ہفتہ کو لندن پہنچے اور دو دن قیام کے بعد علاج کے لیے امریکا روانہ ہوگئے۔ ان کے ذاتی معالج ڈاکٹر عدنان اور ان کے صاحبزادے حسن نواز بھی ان کے ہمراہ ہیں۔ مسلم لیگ ن کے رہنما احسن ڈار، زبیر گل اور دیگر سیاسی شخصیات ایون فیلڈ اپارٹمنٹس میں انہیں رخصت کرنے کے لیے جمع تھیں۔ نواز شریف کے نجی دورے پر چار روز تک امریکا میں قیام متوقع ہے۔ مزید پڑھیں: وزیر اعظم شہباز ایف آئی آئی موٹ میں شرکت کے لیے سعودی عرب کے دورے پر روانہ روانگی سے قبل نواز شریف نے صحافیوں کے سوالات پر مختصراً جواب دیا۔ جب ان سے پوچھا گیا کہ وہ وزیراعظم کیوں نہیں بنے تو انہوں نے جواب دیا کہ کیا میرے دورہ امریکا سے پہلے یہ پوچھنا ضروری ہے؟ حکومتی کارکردگی کے حوالے سے پوچھے گئے سوال کے جواب میں انہوں نے کہا کہ میں چند دنوں میں واپس آکر اپنے خیالات سے آگاہ کروں گا۔
