پیٹرول اور ڈیزل کی قیمت میں نمایاں کمی کا امکان

وفاقی حکومت نے پیٹرول اور ہائی اسپیڈ ڈیزل (ایچ ایس ڈی)کی قیمتوں میں خاطر خواہ کمی کرنے کا فیصلہ کیا ہے۔بزنس ریکارڈر کی رپورٹ کے مطابق آئل مارکیٹنگ کمپنیوں کے تخمینے کے مطابق یکم اگست 2024 سے لاگو ہونے سے پیٹرول کی قیمت میں 6 روپے فی لیٹر کمی متوقع ہے جبکہ ہائی اسپیڈ ڈیزل فی لیٹر 11.50 روپے سستا ہوسکتا ہے۔مزید برآں، مٹی کا تیل اور لائٹ ڈیزل آئل بھی بالترتیب 6.10 روپے فی لیٹر اور 5.50 روپے فی لیٹر کی قیمتوں میں کمی ہوسکتی ہے۔ ایندھن کی متوقع کم قیمتیں بین الاقوامی تیل کی قیمتوں میں کمی کی وجہ ہوگی۔گزشتہ دو ہفتوں کے دوران پیٹرول کی اوسط قیمت $89.50 سے کم ہوکر $87.50 فی بیرل ہوگئی ہے، جب کہ ڈیزل $96.93 سے گھٹ کر $94 فی بیرل ہوگئی ہے۔مزید برآں، پیٹرول اور ڈیزل دونوں پر درآمدی پریمیم میں بھی کمی دیکھی گئی ہے۔ پیٹرول کی نئی قیمت 269.60 روپے فی لیٹر ہونے کا امکان ہے۔