پاکستان خاص خبریں

پی ٹی آئی دھرنا: ریاست کے سامنے کوئی کھڑا نہیں ہو سکتا، ہائیکورٹ

احتساب عدالت نے وزیراعظم کے داماد کی عبوری ضمانت میں توسیع کردی

اسلام آباد ہائیکورٹ کے چیف جسٹس عامر فاروق نے پی ٹی آئی دھرنے سے متعلق کیس کی سماعت کے دوران ریمارکس د یئے ہیں کہ ریاست کے سامنے کوئی کھڑا نہیں ہو سکتا۔پاکستان تحریک انصاف کے متوقع دھرنے کے خلاف تاجروں کی درخواست پر سماعت کرتے ہوئے چیف جسٹس عامر فاروق نے کہا کہ دھرنے سے متعلق سپریم کورٹ اور اسلام آباد ہائی کورٹ کا فیصلہ موجود ہے۔ کنٹینر لگانا کوئی مسئلے کا حل نہیں۔ انتظامیہ کوئی جدید طریقہ اختیار کرے۔چیف جسٹس اسلام آباد ہائیکورٹ جسٹس عامر فاروق نے ریمارکس د یئے کہ ریاست کے سامنے کوئی کھڑا نہیں ہو سکتا۔ اگر راولپنڈی میں کچھ ہوتا ہے تو بھی اسلام آباد آنے والوں کو دشواری ہو سکتی ہے۔ عدالت نے پی ٹی آئی کی طرف سے درخواست واپس لیے جانے پر تاجروں کی درخواست نمٹادی۔عدالت نے اسلام آباد میں جلسے و دھرنے کی اجازت نہ دینے کے خلاف پی ٹی آئی کی درخواست بھی نمٹادی۔چیف جسٹس عامر فاروق کے روبرو سماعت کے دوران تحریک انصاف نے اسلام آباد ہائیکورٹ سے اپنی درخواست واپس لے لی، جس پر عدالت نے درخواست نمٹادی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

güvenilir kumar siteleri