چیئرمین پی سی بی کی سٹیڈیمز اپ گریڈیشن پراجیکٹ پر کام تیز کرنے کا حکم

لاہور: چیئرمین پی سی بی محسن نقوی نے سٹیڈیمز کی اپ گریڈیشن کے منصوبے پر کام تیز کرنے کی ہدایت کر دی۔ چیئرمین پاکستان کرکٹ بورڈ محسن نقوی کی زیر صدارت اہم اجلاس ہوا جس میں فیصل آباد میں جاری آئی سی سی چیمپئنز ٹرافی ٹورنامنٹ، چیمپئنز کپ کی تیاریوں کا جائزہ لیا گیا۔ اور اسٹیڈیمز کی اپ گریڈیشن کے منصوبے کا جائزہ لیا گیا۔محسن نقوی نے چیمپئنز ٹرافی ٹورنامنٹ کے لیے ضروری کمیٹیاں بنانے کی ہدایت کرتے ہوئے کہا کہ ہر کمیٹی کی ذمہ داریاں طے کرکے کام شروع کیا جائے، دنیا کی بڑی ٹیمیں آ رہی ہیں۔ چیمپئنز ٹرافی ٹورنامنٹ کے انتظامات بہتر ہونے چاہئیں۔ .چیئرمین پی سی بی نے سٹیڈیمز کی اپ گریڈیشن پراجیکٹ پر کام کی رفتار تیز کرنے کی ہدایت کرتے ہوئے کہا کہ سٹیڈیمز کا کام مقررہ مدت میں مکمل کرنے میں کوئی کسر اٹھا نہ رکھی جائے، اپ گریڈیشن کے بعد شائقین کرکٹ کو بہتر نظارہ ملے گا۔ اور میچ سے بھرپور لطف اندوز ہوں گے۔ان کا مزید کہنا تھا کہ چیمپئنز کپ کے میچز میں فیصل آباد کے شہریوں کا جوش و خروش قابل ستائش ہے، وہ فیصل آباد میں پی ایس ایل کے میچز کے انعقاد کا بھی جائزہ لیں گے۔