کراچی: موسم خشک اور خنک رہنے کا امکان

کراچی میں آئندہ 24 گھنٹوں کے دوران موسم خشک اور خنک رہنے کا امکان ہے۔ محکمہ موسمیات کے مطابق کراچی میں 24 گھنٹوں میں کم سے کم درجہ حرارت 11.5 ڈگری سینٹی گریڈ ریکارڈ ہوا۔شہرِ قائد کم سے کم درجہ حرارت 11 سے 13 ڈگری سینٹی گریڈ تک رہنے کا امکان ہے۔ کراچی میں شمال سے 5 کلو میٹر فی گھنٹہ کی رفتار سے ہوائیں چل رہی ہیں، جن میں نمی کا تناسب 60 فیصد ہے۔ دوسری جانب ماہرِ موسمیات کا کہنا ہے کہ کراچی میں آج یا منگل سے درجہ حرارت میں اضافے کا امکان ہے۔انہوں نے بتایا ہے کہ شہرِ قائد میں آج یا منگل کو کم سے کم درجہ حرارت 11 سے 13 ڈگری جبکہ دن کے اوقات میں درجہ حرارت 26 سے 28 ڈگری تک جانے کا امکان ہے۔