Home » 2019 » July » 07

Daily Archives: July 7, 2019

نواز شریف کو سزا دباؤ پر سنائی، احتساب عدالت کے جج ارشد ملک کی مبینہ ویڈیو جاری

لاہور: مسلم لیگ (ن) نے احتساب عدالت کے جج ارشد ملک کی مبینہ ویڈیو جاری کی ہے جس میں ان کا کہنا ہے کہ نواز شریف کو سزا دباؤ پر سنائی۔

 

لاہور میں مسلم لیگ (ن) کے صدر شہباز شریف، نائب صدر مریم نواز، شاہد خاقان عباسی اور  احسن اقبال نے مشترکہ پریس کانفرنس کی۔ شہباز شریف نے کہا کہ نواز شریف کو نیب ریفرنس میں سزا بدترین ناانصافی ہے، امید ہے انہیں ضرور انصاف ملے گا۔

مریم نواز نے کہا کہ پاناما سے اقامہ تک ریفرنسز کا سفر آج بھی جاری ہے، انتقام پر مبنی فیصلے سنائے گئے، نوازشریف پر لگنے والے الزامات کے ثبوت نہیں ملے لیکن پھر بھی انھیں سزا ہوئی، مفروضوں اور انتقام پر مبنی فیصلے سنائے گئے، نواز شریف پر مقدمات شروع ہونے سے پہلے ہی فیصلے ہوئے، نواز شریف کی بے گناہی کی غیبی مدد آئی ہے، سزا دینے والا خود بول اٹھا کہ نواز شریف کے ساتھ زیادتی ہوئی ہے۔

مسلم لیگ (ن) نے پریس کانفرنس میں نواز شریف کو العزیزیہ ریفرنس میں سزا سنانے والے احتساب عدالت کے جج ارشد ملک کی خفیہ ویڈیو دکھائی جس میں انہوں نے ن لیگ کے ہمدرد ناصر بٹ کو اپنے گھر پر بلاکر ملاقات کی اور ان سے نواز شریف کے خلاف نیب ریفرنس کے فیصلے پر گفتگو کی۔

ارشد ملک نے ویڈیو میں مبینہ طور پر کہا کہ نواز شریف کو سزا سنانے کے بعد میرا ضمیر ملامت کررہا ہے اور مجھے ڈراؤنے خواب آتے ہیں، میں اس کا ازالہ کرنا چاہتا ہوں، نواز شریف پر نہ ہی کوئی الزام ہے نہ ہی کوئی ثبوت ہے، میں نے میاں صاحب سے زیادتی کی۔ جج نے کہا کہ نواز شریف تک یہ بات پہنچائی جائے کہ ان کے کیس میں جھول ہے اور ان کے خلاف ایک دھیلے کی بھی منی لانڈنگ کا ثبوت نہیں، جے آئی ٹی نے بیرون ملک جائیداد کی تحقیقات ہی نہیں کی۔

جج نے کہا کہ سزا کا فیصلہ قانون سے متصادم ہے اور کیس میں دہرا معیار اپنایا گیا جو غیر قانونی ہے اور معاملات کو مشکوک بناتا ہے، لندن فلیٹس کا پاناما کیس سے کوئی تعلق نہیں بنا، حسین نواز پاکستانی شہری نہیں،حسین نواز کے متعلق کوئی ثبوت نہیں ملا کہ پیسے سعودی عرب بھجوائے گئے۔ ویڈیو میں جج ارشد ملک نے کہا کہ ان کی غیر اخلاقی ویڈیو کے ذریعے انہیں نواز شریف کو سزا کا فیصلہ سنانے کے لیے بلیک میل کیا گیا۔

مریم نواز نے کہا کہ وعدہ کیا تھا نوازشریف کیلئے آخری حد تک جاؤں گی اور انہیں مرسی نہیں بننے دوں گی، تو یہ وہ آخری حد ہے، ذوالفقار علی بھٹو کی سزا کو بھی بعد میں جوڈیشل مرڈر قرار دیا گیا، لیکن میں اب ایک اور سابق وزیراعظم کو غلط فیصلےکی بھینٹ نہیں چڑھنےدوں گی، اس پریس کانفرنس کے بعد مجھے بھی خطرہ ہے، آج پوری دنیا نے دیکھ لیا امپائر سے مل کر کون کھیلتا رہا، دھرنوں کے پیچھے کیا محرکات تھے آج انہیں جاننے کی ضرورت نہیں رہی، عمران خان تم سلیکٹڈ ہو تو تمہیں سلیکٹڈ ہی کہیں گے، تم تاریخ میں کبھی بھی سلیکٹڈ کے لفظ سے جان نہیں چھڑا سکو گے، تمہارے لیے نوازشریف کے خلاف بساط بچھائی گئی، اداروں کی بیساکھیاں چھوڑو میدان میں آ کر مقابلہ کرو۔

مریم نواز نے مطالبہ کیا کہ آج کے بعد نوازشریف کے خلاف تمام فیصلے دم توڑ چکے ہیں اور اس ویڈیو کے بعد نوازشریف کو قید میں رکھنے کی کوئی وجہ نہیں رہتی، لہذا انہیں فوری طور پر باعزت بری کرتے ہوئے رہا کیا جائے۔ مریم نواز نے خبردار کیا کہ کوئی اس حوالے سے سازش کرنے کی کوشش نہ کرے ورنہ میرے پاس اس سے بھی بڑے ثبوت اور ویڈیوز ہیں جن میں نام بھی ہیں جو میں سامنے لے آؤں گی، میری کسی ادارے سے کوئی لڑائی نہیں اور نہ ہی لڑنا چاہتی ہوں۔

وزیراعظم نے پیوٹن کی جانب سے دورہ روس کی دعوت قبول کرلی

 اسلام آباد: روسی صدر پیوٹن نے وزیراعظم عمران خان کو روس کے دورے کی دعوت دی ہے۔

روس کے صدر ولادی میر پیوٹن نے وزیراعظم عمران خان کو ایسٹرن اکنامک فورم میں شرکت کیلئے روس کے دورے کی دعوت دیدی، وزیراعظم نے دورہ روس کی دعوت قبول کرلی۔

ذرائع کے مطابق وزیراعظم عمران خان کے ستمبر میں روس جانے کا امکان ہے جہاں وہ کثیرالملک ایسٹرن اکنامک فورم میں شرکت کریں گے، ایسٹرن اکنامک فورم 4 تا 6 ستمبر کو روسی شہر ولادی ووستوک میں ہوگا۔

گوگل ’اینڈرائڈ کیو‘ نامی نیا سسٹم بنانے میں مصروف

انٹرنیٹ ٹیکنالوجی میں گرو کی اہمیت رکھنے والی کمپنی گوگل نئے آپریٹنگ سسٹم بنانے میں مصروف ہے، جس کا کمپنی پہلے ہی بیٹا ورژن متعارف کرا چکی ہے۔

گوگل ان دنوں اپنے نئے آپریٹنگ سسٹم ’اینڈرائڈ کیو‘ بنانے میں مصروف ہے اور کمپنی کا دعویٰ ہے کہ یہ سسٹم ماضی میں متعارف کرائے گئے تمام سسٹمز سے زیادہ بہتر ہوگا۔

گوگل ’اینڈرائڈ کیو‘ سے قبل 16 آپریٹنگ سسٹم متعارف کرا چکا ہے جو اسمارٹ موبائلز میں استعمال ہوتے ہیں۔

خیال کیا جا رہا ہے کہ گوگل نئے ’اینڈرائڈ کیو‘ کو رواں برس ستمبر یا اکتوبر میں متعارف کرائے گی، کمپنی نے رواں برس مارچ میں آزمائشی بنیادوں پر اس آپریٹنگ سسٹم کو متعارف کرایا تھا۔

اینڈرائڈ کیو کے ذریعے کیمرا کو بہتر بنایا جائے گا—فوٹو: گوگل 9 ٹو 5
اینڈرائڈ کیو کے ذریعے کیمرا کو بہتر بنایا جائے گا—فوٹو: گوگل 9 ٹو 5

اس آپریٹنگ سسٹم کا سب سے بہترین فیچر کیمرا کو بہتر بنانا ہے اور نئے سسٹم کے ذریعے گوگل رات کے وقت یا روشنی کی کمی کے وقت تصاویر کھینچنے اور ویڈیوز بنانے پر کام کر رہا ہے۔

گوگل 9 ٹو 5 کے مطابق اینڈرائڈ کیو کا سب سے اہم فیچر پکسل فونز کے کیمرے کو دیگر کمپنیوں کے موبائل فونز کے کیمروں سے بہتر بنانا ہے۔

اس سسٹم میں کمپنی 6 پوائنٹ 3 کا کیمرا دے گی جو گوگل کے پہلے کیمرے 6 پوائنٹ 2 سے زیادہ اپڈیٹ ہوگا۔

نئے آپریٹنگ سسٹم کے ذریعے کیمروں میں رات کے وقت میں بھی دن کی طرح تصاویر بنانے اور ویڈیوز ریکارڈ کرنے کا فیچر رکھا جائے گا۔

گوگل کے آنے والے پکسل فون کے کیمرے نئے فیچرز سے لیس ہوں گے—فوٹو: گوگل 9 ٹو 5
گوگل کے آنے والے پکسل فون کے کیمرے نئے فیچرز سے لیس ہوں گے—فوٹو: گوگل 9 ٹو 5

ساتھ ہی کیمرے میں نائٹ موڈ کے علاوہ ’پورٹریٹ، سلو موشن، پینوراما، پلے گراؤنڈ اور لینز‘ سمیت دیگر فیچرز شامل کیے جائیں گے۔

گوگل نے جہاں اینڈرائڈ کیو کو پلے اسٹور پر محدود صارفین کے لیے آزمائشی بنیادوں پر متعارف کرایا ہے، وہیں کمپنی نے اسی فیچر کے تحت کیمرے کے ان فیچرز کو بھی محدود صارفین کے لیے متعارف کرادیا ہے۔

خیال کیا جا رہا ہے کہ گوگل کے آنے والے پکسل فونز میں جہاں ایںڈرائڈ کیو آپریٹنگ سسٹم کو شامل کیا جائے گا، وہیں ان میں کیمرے کے بھی نئے فیچرز کو شامل کیا جائے گا۔

اینڈرائڈ کیو کو پکسل فون کے محدود صارفین کے لیے متعارف کرایا جا چکا ہے—فوٹو: اینڈرائڈ سینٹرل
اینڈرائڈ کیو کو پکسل فون کے محدود صارفین کے لیے متعارف کرایا جا چکا ہے—فوٹو: اینڈرائڈ سینٹرل

حکومت کا جج ارشد ملک کی مبینہ ویڈیو کا فرانزک آڈٹ کرانے کا اعلان

لاہور: وفاقی حکومت نےمسلم لیگ (ن) کی جانب سے احتساب عدالت کے جج ارشد ملک کی مبینہ ویڈیو کا فرانزک آڈٹ کرانے کا اعلان کیا ہے۔

لاہور میں پریس کانفرنس کرتے ہوئے وزیراعظم کی معاون خصوصی برائے اطلاعات فردوس عاشق اعوان نے کہا کہ (ن) لیگ نے جج ارشد ملک کے حوالے سے جو ویڈیو میڈیا میں جاری کی ہے اس کا فرانزک آڈٹ کرایا جائے گا  تاکہ ٹیپ کی اصلیت اور حقیقت کی تصدیق ہو سکے جب کہ فرانزک آڈٹ کے بعد جو بھی نتائج آئے وہ عوام کے سامنے پیش کریں گے  اور قوم سے کچھ نہیں چھپایا جائے گا۔

فردوس عاشق اعوان نے کہا کہ مبینہ ویڈیو میں جس شخصیت کو ’سورس‘ ظاہر کیا گیا وہ  ناصر بٹ ہے جو نوازشریف کا کاروباری رفیق اور قریبی دوست ہے، اس  شخص کا اصل چہرہ یہ ہے کہ وہ مشہور زمانہ قاتل، غنڈوں کا سرغنہ، منشیات فروش کا اہم فرد ہے جو قتل کرکے باہر فرار ہوا اور (ن) لیگ جب اقتدارمیں آئی تو ناصر بٹ کے مقدمات ختم کر کےاسے پاکستان واپس لائے۔

معاون خصوصی نے کہا کہ مریم نوازنے معزز جج کے حوالے ویڈیو جاری کرکےایک جج پر نہیں پوری عدلیہ پر انگلیاں اٹھائی ہیں، یہ اداروں کو بدنام کرنے کی مذموم سازش ہے، ایسے اقدامات بغض پاکستان اور ملک سے عداوت کے مترادف ہے،  مریم نواز نے جج پر الزام لگا کر باشعور عوام کی ہمدردیاں سمیٹنے کی بھونڈی کوشش ہے اور (ن) لیگ کی ڈوبتی کشتی کو سہارا دینے کی ناکام کوشش ہے، میڈیا پر تماشا لگانے کے بجائے ٹیپ عدالت میں لے کر جائیں اور اگر دامن صاف ہے تو شریف خاندان کے سب افراد کو پاکستان بلائیں اور عدالتوں میں پیش ہوں۔

احساس پروگرام اورروڈ ٹومکہ منصوبے کا افتتاح۔۔۔سیکرٹری مذہبی امورکوخراج تحسین

پاکستان تحریک انصاف نے احساس پروگرام کا آغاز کرکے یقینی طورپرایک غریب شخص کے احساس کرنے کاثبوت دیاہے ،اس پروگرام پر عملدرآمد سے ملک بھر میں غربت کاخاتمہ ہوگا، بیروز گارنوجوانوں کوقرض دیئے جائیں گے، گوکہ بظاہرحالات یہ بتارہے ہیں کہ وقت مشکل ہے لیکن اس مشکل وقت کے بعد اچھے وقت کی امید ہے ،کیونکہ گزشتہ حکومتوں کی کارکردگی دیکھی جائے تومحسوس ہوتا ہے کہ انہوں نے اپناذاتی مفاد زیادہ اور ملکی وقومی مفاد کوپس پشت ڈال کررکھا، وزیراعظم عمران خان نے نادار افراد کا معیار زند گی بلند کرنے کے لئے احساس پروگرام کے تحت غربت میں کمی کی حکمت عملی کا ;200;غاز کر دیا ہے ۔ انہوں نے اسلام ;200;باد میں پروگرام کی افتتاحی تقریب سے خطاب کرتے ہوئے کہا کہ حکومت احساس پروگرام کے تحت ہر ماہ سماجی تحفظ کے لئے ملک میں نئے پروگرام شروع کرے گی ۔ حکومت مختلف فلاحی منصوبوں کا ;200;غاز کررہی ہے جن کا مقصد ملک کے خدوخال کو ریاست مدینہ کے اصولوں پر استوار کرنا ہے ۔ عمران خان نے پاکستانی شہریوں کے بے نامی اثاثوں کی نشاندہی کرنے والے افراد کیلئے تین سے دس فیصد انعام کا اعلان کیا ۔ انہوں نے کہا کہ ایسی بے نامی املاک سے حاصل کردہ رقم احساس پروگرام کے فنڈز میں شامل کی جائے گی ۔ اس پروگرام سے ایک کروڑ ساٹھ لاکھ افراد کو فائدہ ہوگا جبکہ ہر ماہ اسی ہزار افراد بلاسود قرضے حاصل کرسکیں گے ۔ دوسری جانب وزیراعظم عمران خان نے اسلام ;200;باد میں ملک کے ہوائی اڈوں پر بہترین انتظامات یقینی بنانے سے متعلق اعلیٰ سطح کے ایک اجلاس کی صدارت کرتے ہوئے کہا ہے کہ بیرون ملک مقیم پاکستانیوں ‘ سرمایہ کاروں اور غیر ملکی سیاحوں کے لئے ہوائی اڈوں پر سہولیات کی فراہمی حکومت کی اولین ترجیح ہے ۔ انہوں نے ائیرپورٹس پر عالمی معیار کی سہولتوں کی فراہمی اور امیگریشن اور کسٹم کا عمل زیادہ سے زیادہ ;200;سان بنانے پر زور دیا ۔ وزیراعظم نے سیکرٹری ایوی ایشن کو ہوا بازی کی نئی پالیسی کے تحت ہوائی اڈوں کے قواعد و ضوابط اور انتظام جلد الگ کرنے کی ہدایت کی ۔ انہوں نے کہا کہ ہوائی اڈوں کے بہترین انتظام اور بین الاقوامی معیار کی سہولتوں کی فراہمی کیلئے دلچسپی کا اظہار کرنے والی غیر ملکی کمپنیوں کا خیر مقدم کیا جائے گا ۔ وزیراعظم کو پی ;200;ئی اے کی کارکردگی سے ;200;گاہ کیا گیا ۔ انہیں پاکستان کے ہوائی اڈوں پر مسافروں کو بہترین سہولتوں کی فراہمی اور انتظامات کو بہتر بنانے کی ;200;ئندہ حکمت عملی سے متعلق بھی تفصیلی بریفنگ دی گئی ۔ ادھروزیراعظم عمران خان نے روڈٹومکہ کے تاریخی منصوبے کا افتتاح کردیا ہے ،یہ پاکستان کی تاریخ میں پہلاموقع ہے کہ عازمین حج کی امیگریشن اوردیگرامورپاکستان میں ہی کلیئر ہوں گے، اس سلسلے میں سیکرٹری مذہبی امورمیاں مشتاق نے وزیراعظم کوبریفنگ دی، میاں مشتاق کی خدمات اوراُن کی کاوشوں کووزیراعظم نے بہت سراہا، یہ منصوبہ پاک سعودی عرب کے گہرے تعلقات کاغماز ہے ،اب عازمین حج کوجدہ میں لمبی قطاروں میں نہیں لگناپڑے گا اس کاتمام ترکریڈٹ وزیراعظم عمران خان کوجاتاہے ،منصوبے کے تحت پاکستانی عازمین حج کے کسٹم کلیئرنس اورامیگریشن کے تمام مراحل ان کی روانگی سے قبل پاکستانی ایئرپورٹس پر ہی مکمل کئے جائیں گے تاکہ انہیں سعودی عرب کے ہوائی اڈوں پر طویل انتظارنہ کرنا پڑے ۔ سعودی ولی عہدشہزادہ محمدبن سلمان کے پاکستان کے حالیہ دورے کے دوران وزیراعظم عمران خان نے ان سے روڈٹومکہ منصوبے میں پاکستان کوشامل کرنے کی درخواست کی تھی ۔ روڈٹو مکہ پروگرام اس سال اسلام ;200;باد کے ہوائی اڈے سے شروع کیا گیا ;200;زمائشی منصوبہ ہے جسے ;200;ئندہ برسوں میں ملک کے دیگر ہوائی اڈوں تک وسعت دی جائے گی ۔ روڈ ٹو مکہ منصوبہ پاکستانی عازمےن حج کےلئے نہایت اہمےت کا حامل ہے ۔ اس سہولت کی فراہمی مےں سعودی ولی عہد کا کردار قابل تعرےف ہے ۔ وزےراعظم عمران خان نے پاکستان اورسعودی عرب کے تعلقات کو نئی بلندیوں تک پہنچا دیا ہے ۔

مودی کاجنگی جنون اوربھارتی بزدل فوج

بھارتی جنگی جنون کسی طرح تھمنے میں نہیں آرہا، مودی نے پہلے ہی خطے کا امن وامان تہہ وبالاکرکے رکھاہواہے ،اب اس نے اپنے دفاعی بجٹ میں مزیداضافہ کردیاہے،بھارت کی انہی حرکات کی وجہ سے خطے میں اسلحے کی ایک نئی دوڑ شروع ہوجاتی ہے مگر بھارت جتنابھی زورلگالے وہ خطے کاسردار کبھی بھی نہیں بن سکتا، لاکھوں دہشت گرد فو ج کے ذریعے آج تک تحریک آزادی کشمیر کوتونہیں دباسکاتو یہ اس کی محض خام خیالی ہے کہ وہ اسلحہ جمع کرکے اپنی برتری قائم رکھ سکے،اسلحہ چلانے کے لئے فوج کابہادرہونابھی ضروری ہے لیکن بھارتی فوج بزدلی کے اعلیٰ ترین درجوں پرفائز ہے ،بھارت کی وزیر خزانہ نرملا سیتا رمن نے 422 ارب امریکی ڈالر مالیت کا سالانہ بجٹ پیش کرتے ہوئے کہا ہے کہ ان کی حکومت نے گزشتہ پانچ برسوں میں ملک کی معیشت میں ایک لاکھ کروڑ ڈالر کا اضافہ کیا ہے ۔ ;39;اس وقت ملک کی معیشت تین لاکھ کروڑ ڈالر کے قریب پہنچ چکی ہے اور ;200;ئندہ پانچ برسوں میں ہم اسے پانچ لاکھ کروڑ ڈالر تک پہنچائیں گے ۔ اس بجٹ میں انکم ٹیکس کی بنیادی شرح میں کوئی تبدیلی نہیں کی گئی ہے ۔ وزیرِ خزانہ نے بجٹ میں دفاع کےلئے 318931 کروڑ روپے مختص کیے ہیں ۔ یہ رقم گزشتہ بجٹ کے مقابلے تقریب;200; ;200;ٹھ فیصد زیادہ ہے ۔ اس کے علاوہ دفاعی سروسز سے منسلک افراد کی پنشن کے لیے 112079 کروڑ روپے علیحدہ رکھے گئے ہیں ۔ کانگریس کے رہنما اور سابق وزیرِ خزانہ پی چدمبرم نے بجٹ کے بارے میں اپنا ردعمل دیتے ہوئے کہا کہ یہ پہلا ایسا بجٹ ہے جس کے بارے میں ہ میں تفصیلات کا نہیں پتا ہے ۔ ;39;مجھے نہیں پتا ہے کہ دفاع کا بجٹ کیا ہے ۔ ;39;انتخاب جیتنے کے بعد وزیر اعظم نریندر مودی کی حکومت کا یہ پہلا بجٹ ہے ۔

اپوزیشن کی رہبرکمیٹی کا اجلاس

اپوزیشن جماعتوں کی رہبرکمیٹی چیئرمین شپ کے حوالے سے کسی حتمی فیصلے تک نہ پہنچ سکی، اب انہوں نے جن مظاہروں اور یوم سیاہ کا اعلان کیاہے اس میں بھی وقت ہی بتائے گاکہ وہ کتنے کامیابی سے ہمکنار ہوتے ہیں ، کمیٹی نے چیئرمین سینیٹ صادق سنجرانی کو ہٹانے کیلئے قراداد 9 جولائی کو جمع کرانے اور حکومت کیخلاف ملک بھر میں 25 جولائی سے احتجاجی مظاہرے شروع کرنے کا فیصلہ کیاہے ۔ اجلاس میں اس خدشے کا اظہار کیا گیا کہ ملک میں ایک نیا سیاسی ڈھانچہ تشکیل دیاجارہا ہے جو انتہائی باعث تشویش ہے ۔ گزشتہ روز اسلام آباد میں حکومت مخالف احتجاجی تحریک چلانے سے متعلق اپوزیشن کی رہبر کمیٹی کا پہلا اجلاس ہوا ۔ اجلاس میں 25 جولائی کو یوم سیاہ منانے کی حکمت عملی بھی مرتب کرلی گئی جس کے تحت تمام بڑے شہروں میں احتجاجی مظاہرے ہونگے ۔ رہبر کمیٹی نے پی پی پی کے شریک چیئرمین آصف علی زرداری ودیگر سیاسی رہنماءوں کے پروڈکشن آرڈر جاری کرنے کا بھی مطالبہ کیا ۔

اوپن مارکیٹ میں ایک ہفتے کے دوران ڈالر 4 روپے سستا

کراچی: اوپن مارکیٹ میں گزشتہ ایک ہفتے کے دوران ڈالر 4 روپے سستا ہوا۔

ڈالر کی ہفتہ وار رپورٹ جاری کردی گئی جس کے مطابق اوپن مارکیٹ میں ڈالر 4 روپے سستا ہوا،  گزشتہ ایک ہفتے کے دوران ڈالر اوپن مارکیٹ میں 161 سے کم ہوکر 157 روپے کا ہوگیا۔

انٹربینک میں ڈالر گزشتہ ایک ہفتے کے دوران 3.13 روپے سستا ہوا، انٹر بینک میں ڈالر 160.05 سے کم ہوکر 156.92 روپے کا ہوگیا۔

معاشی ماہرین کا کہنا ہے کہ قطر سے پاکستان کو 50 کروڑ ڈالراور 10 کروڑ ڈالر ترسیلات آنے سے روپے کی قدر میں2 فیصد اضافہ ہوا۔

رومانٹک فلم ’پرے ہٹ لو‘ کا پہلا گانا ’ایک پل‘ ریلیز

 آنے والی پاکستانی رومانٹک سسپنس فلم ’پرے ہٹ لو‘ یوں تو عیدالاضحیٰ پر ریلیز کی جائے گی، تاہم فلم کے ٹریلر نے شائقین کو ابھی سے ہی بے قرار کر رکھا ہے۔

فلم کے ٹٰریلر کے بعد اب اس کا پہلا گانا بھی جاری کردیا گیا جو دیکھتے ہی دیکھتے وائرل ہوگیا۔

’ایک پل‘ دراصل شادی بیاہ کا گانا ہے اور اس گانے کو پاکستان میں جاری شادی سیزن کے وقت پر ریلیز کیا گیا جو دیکھتے ہی دیکھتے وائرل ہوگیا۔

گانے کو حدیقہ کیانی اور بھارتی گلوکار ہرش دیپ کور نے گایا ہے اور اس میں شہریار منور اور مایا علی سمیت فلم کی دیگر کاسٹ کو بھی دکھایا گیا ہے۔

گانے میں میرا نے شاندار ڈانس پرفارمنس سے شائقین کے دل جیت لیے۔

خیال رہے کہ فلم میں میرا کے علاوہ فواد خان، ماہرہ خان اور ندیم سمیت دیگر اداکار بھی مختصر کرداروں میں دکھائی دیں گے۔

فلم کا ٹریلر گزشتہ ماہ 22 جون کو ریلیز کیا گیا تھا، جسے دیکھ کر فلم کی مکمل کہانی کو سمجھنا مشکل ہے، تاہم اندازا ہوتا ہے کہ فلم شہریار منور کی شوبز کی دنیا میں جگہ بنانے کی کوشش اور ان کی جانب سے مایا علی سے ہونے والی محبت اور پھر دونوں کے درمیان علیحدگی کے گرد گھومتی ہے۔

,

ٹریلر میں شہریار منور کو شوبز کی دنیا میں کیریئر بنانے کی کوشش کرتے ہوئے دکھایا گیا ہے، ساتھ ہی انہوں نے اچانک مایا علی سے ملنے اور ان سے تعلقات استوار کرتے ہوئے بھی دکھایا گیا ہے۔

شہریار منور اور مایا علی رومانس کرتے دکھائی دیں گے—اسکرین شاٹ
شہریار منور اور مایا علی رومانس کرتے دکھائی دیں گے—اسکرین شاٹ

ساتھ ہی ٹریلر میں یہ بھی دکھایا گیا ہے کہ مایا علی دراصل شہریار منور سے محبت نہیں کرتیں اور وہ ان سے ملنے سے قبل منگنی کے رشتے میں قید ہوتی ہیں اور اسی سسپنس کی وجہ سے فلم کی کہانی نے شائقین کے انتظار کو بڑھا دیا ہے۔

ہدایت کار عاصم رضا کی اس فلم کو رواں برس عیدالاضحٰی پر ریلیز کیے جانے کا اعلان کیا گیا ہے۔

مقبوضہ وادی کے بےگناہ مظلوم کشمیری

یہ ایک حقیقت ہے کہ ظلم،جبر، تشدد اورخونِ ناحق ہمیشہ ردعمل کو جنم دیتا ہے ۔ بھارتی حکمران سمجھتے ہیں کہ وہ ظلم کے ہتھکنڈوں سے آزادی کے بڑھکتے شعلوں کو ٹھنڈا کر رہے ہیں ، لیکن بھارتی فوج کا ظلم آزادی کے شعلوں کو مزید تیز ترکر رہا ہے ۔ یہی معاملہ برہان وانی شہیدکا تھا ۔ بھارتی فوج کے مظالم نے اسے شعلہ مستعجل اور پھر آتش فشاں بنا دیا ۔ کشمیر کی تحریک آزادی گلے کی ایسی ہڈی بن چکی ہے جسے بھارت نگل سکتا ہے اور نہ اگل سکتا ہے ۔ جس کی تازہ مثال ابوالقاسم اوربرہان مظفر وانی کی شہادت اور اس کے بعد کی پیدا شدہ صورت حال ہے ۔ مقبوضہ جموں کشمیر کے ضلع پلوامہ کے علاقے ترال کے گاؤں داد سارا میں ایک اعلیٰ تعلیم یافتہ متوسط گھرانے میں برہان نے آنکھ کھولی ۔ شہیدکے والد مظفر وانی گورنمنٹ سیکنڈری اسکول لوری گرام ترال کے ہیڈ ماسٹر اور حساب کے استادتھے ۔ والدہ میمونہ ظفرسائنس گریجوایٹ اوراتوارکے روزگاؤں کی خواتین کوقرآن پڑھاتی ہیں ۔ ان دونوں کے چار بچے تھے ۔ بڑا بیٹا خالد مظفر وانی ایم کام میں تھا ۔ چھوٹا بیٹا برہان وانی میٹرک میں تھا ۔ 18سالہ بہن ارم مظفروانی انٹرکی طالبہ اور16سالہ چھوٹابھائی نویدعالم وانی میٹرک کاطالب علم تھا ۔ اب سے آٹھ برس پہلے دو ہزار دس کے کسی ایک دن دو نوں بھائی خالد مظفر ، برہان مظفر اور ان کا ایک دوست موٹرسائیکل پر جا رہے تھے کہ پولیس کے اسپیشل آپریشن گروپ کے اہلکاروں نے انھیں بلاوجہ روکا تلاشی کا مطالبہ کیا تینوں نے نہایت ہی خاموشی اور شرافت سے تلاشی دی لیکن پولیس اہلکاروں نے ان کی خاموشی کو بزدلی سمجھتے ہوئے پیٹنا شروع کردیا ۔ ناز و نعم میں پلاخالد بے ہوش ہوگیا جبکہ برہان اور اس کا دوست وہاں سے فرار ہوگئے ۔ برہان شہیدکے والدمظفروانی کہتے ہیں ’’بھارتی فوجیوں کے مظالم کی داستانیں سن کرکم عمربرہان بے چین ہوجایاکرتاتھا ۔ وہ بھارت فورسزکے مظالم کے کئی واقعات اپنی آنکھوں سے بھی دیکھ چکاتھالہندا درندہ صفت فوجیوں کے خلاف اس کے دل میں نفرت کالاواپک رہاتھا ۔ بڑے بھائی خالد کی بھارتی فوج کے ہاتھوں شہادت کے بعد وہ بہت بے چین رہنے لگاتھا ۔ پھرایک دن موسم سرما کی صبح وہ اچانک گھرسے غائب ہوگیا ۔ یہ سولہ اکتوبر کا دن تھا اورصرف دس دن بعداس کا دسویں کلاس کاسالانہ امتحان تھا ۔ نویں جماعت میں میرے بیٹے نے پورے کشمیر میں اوّل پوزیشن حاصل کی تھی ۔ وہ ایک خاموش طبع، حساس، دیندار اور ہونہارطالب علم اورایک اچھا کرکٹر تھا ۔ کچھ عرصے بعدہ میں اطلاع ملی کہ وہ حرب المجاہدین میں شامل ہوچکا ہے ۔ اگلے پانچ برس تک برہان سیکورٹی فورسزکوتگنی کاناچ نچاتارہا ۔ اس دوران وہ مقبوضہ وادی کاسب سے مقبول جہادی کمانڈربن چکا تھا ۔ اس کی حیثیت ایک افسانوی کردارجیسی تھی ۔ نوجوان کشمیری نسل نے اسے اپنارول ماڈل قرار دیا اورپورے کشمیر میں بچے بچے کی زبان پراس کا نام تھا ۔ پانچ برس کے دوران برہان وانی شہید نے قابض بھارتی فوجیوں کے خلاف کئی خطرناک، کامیاب آپریشن کئے اورمعرکے لڑے، جن میں بیسیوں فوجیوں کے علاوہ اعلی عہدوں کے حامل بہت سے افسرمارے گئے ۔ بھارت دنیا کا واحدملک ہے جو سر کاری سطح پردہشت گردی کو فروغ دیتا،پروان چڑھاتا، دہشت گردتیار کرتا اوراپنے پڑوسی ممالک میں ایکسپورٹ کرتا ہے دوسری طرف بھارتی حکمرانوں کی ڈھٹائی اور بے شرمی کی انتہا ہے کہ وہ مقبوضہ جموں کشمیر میں آزادی کی جنگ لڑنے والوں کو دہشت گردقراردیتے ہیں حالانکہ مقبوضہ جموں کشمیر میں جاری جدوجہد دہشت گردی نہیں بلکہ آزادی کی تحریک ہے ۔ یہاں تک کہ اہل کشمیر کا آزادی کا حق جواہر لال نہرو نے بھی تسلیم کیا تھا اور یو این او نے بھی تسلیم کر رکھا ہے ۔ چنانچہ اہل کشمیر نے حق خودارادیت تسلیم کروانے کےلئے ہر کوشش کرڈالی لیکن نتیجہ وہی ڈھاک کے تین پات ہی رہا ۔ سواہل کشمیر نے ’’تنگ آمد بجنگ آمد‘‘ کے فارمولے پر عمل کرتے ہوئے1988ء میں مسلح جدوجہدکا آغاز کیا ۔ بھارت اس تحریک کو دبانے اورکچلنے کےلئے ہر حربہ و ہتھکنڈہ استعمال کرچکا ہے ۔ بھارتی مظالم کا اندازہ ایمنسٹی انٹرنیشنل کی درج ذیل رپورٹ سے کیاجاسکتاہے جس میں بتایاگیاتھاکہ ’’مقبوضہ جموں کشمیر میں روارکھے جانے والے بھارتی مظالم کی مثال انسانی تاریخ میں نہیں ملتی ۔ بیٹوں کو ماءوں بہنوں کے سامنے ننگا کرکے ماراجاتا ،ان کے جسموں پر کھولتا ہوا پانی ڈال دیا جاتاہے جس سے ان کی کھال اتر جاتی ہے بعدازاں ان کے زخموں پر مرچیں چھڑک دی جاتی ہیں جس سے وہ تڑپ تڑپ اور سسک سسک کر موت کے اندھیروں میں گم ہو جاتے ہیں ۔ ‘‘2007ء میں ایمنسٹی نے اپنی رپورٹ جاری کرتے ہوئے کہا ’’مقبوضہ جموں کشمیر میں گرفتار شدہ افراد پر وحشیانہ تشدد کے علاوہ ان کی خوراک اور پانی بند کر دیاجاتا ہے،انہیں سونے نہیں دیا جاتا،بجلی کے جھٹکے لگائے جاتے اور جسموں میں سوراخ کر دیئے جاتے ہیں ۔ ‘‘اس کے بعدہی بھارتی حکومت نے برہان وانی شہید کے سرکی قیمت دس لاکھ مقررکردی ۔ 8جولائی کو برہان وانی ککرناگ میں اپنے دیگر دو جہادی ساتھیوں کے ہمراہ ایک مقامی دوست فاروق احمدکے گھر میں موجود تھا کہ بھارتی افواج نے فاروق احمدکے گھرکامحاصرہ کر لیا ۔ اس مقابلہ میں برہان نے اپنے دوساتھیوں سمیت جام شہادت نوش کیا ۔ 21سالہ برہان وانی کی شہادت پر بھارتی حکومت کو جس شدید ترین ردعمل کا سامنا کرنا پڑرہا ہے اس کی مثال مقبوضہ جموں کشمیر کی گذشتہ تاریخ میں نہیں ملتی ۔ وانی کی شہادت کا بدلہ لینے کے لئے بیسیوں مجاہد میدان میں آ چکے ہیں ۔ ’’ہندوستان ٹائمز‘‘ کے بقول برہان وانی کی مقبولیت کا اندازہ اس سے کیا جا سکتا ہے کہ سری نگر میں 40بار اس کی نماز جنازہ ادا کی گئی اور مجاہدین نے کلاشنکوفوں سے سلامی دی ۔ حالات صاف بتا رہے ہیں کہ اب بھارت کےلئے تحریک آزادی پر قابو پانا ناممکن ہو چکا ہے ۔ برہان وانی کی شہادت کے بعد بھی کئی نامور کمانڈر جام شہادت نوش کر چکے ہیں ۔ حقیقت ہے کہ بھارتی فوج کے مظالم تحریک آزادی کو تیزدم کر رہے،تازہ ایندھن اورگرم خون مہیاکررہے اور تحریک آزادی کشمیر کمزور ہونے کی بجائے مضبوط ہورہی ہے ۔ جب ایک نوجوان بھارتی فوج کے ہاتھوں شہید ہوتا ہے تو کئی نوجوان اسلحہ تھام کر انتقام لینے کےلئے میدان میں آجاتے ہیں ۔ اس کی تائید ہیومن راءٹس واچ نے بھی کی ۔ ایک بھارتی فوجی نے اپنی ڈائری میں ایک واقعہ لکھا’’ بھارتی میڈیا اوربھارتی حکمران کہتے ہیں مقبوضہ جموں کشمیر میں بھارتی فوج دہشت گردوں کے خلاف لڑ رہی ہے مگر ایسا نہیں ہم جموں کشمیر میں جنہیں مارہے ہیں وہ بیگناہ لوگ ہیں باقی رہے ہم فوجی ہم تو حکم کی تعمیل پر مجبور ہیں ہ میں جو کہا جاتا اور تربیت میں سکھایا جاتاہے ہم وہ کرتے ہیں ۔ ‘‘

Google Analytics Alternative