Home » 2019 » October » 10

Daily Archives: October 10, 2019

سری لنکا نے پاکستان کو ٹی ٹوئنٹی سیریز میں وائٹ واش کردیا

لاہور: سری لنکا نے پاکستان کو تیسرے ٹی ٹوئنٹی میں بھی شکست دے کر سیریز میں وائٹ واش کردیا۔

نو آموز سری لنکن ٹیم نے ٹی ٹوئنٹی کی نمبر ون ٹیم گرین شرٹس کے خلاف 0-3 سے فتح حاصل کرلی، قومی ٹیم کے لیے ٹی ٹوئنٹی سیریز ڈراؤنا خواب ثابت ہوئی، ہوم گراؤنڈ پر بدترین کارکردگی کی وجہ سے پاکستانی ٹیم کو ٹی ٹوئنٹی سیریز میں کلین سوئپ کی ہزیمت کا سامنا کرنا پڑ گیا۔

کم تجربہ کار کھلاڑیوں کے سامنے قومی ٹیم کی بیٹنگ لائن ایک بار پھر مکمل طور پر فیل ہوگئی،سیریز میں پے در پے ناکامیوں کے باعث پست حوصلہ بلے بازوں کے  ہاتھ پاؤں پھول گئے اور 148 رنز کے جواب میں  قومی ٹیم مقررہ اوورز میں 6 وکٹوں پر 134 رنزہی بنا سکی۔

ہدف کے تعاقب میں پاکستان کا آغاز مایوس کن رہا، جارح مزاج بیٹسمین فخرزمان پہلی ہی گیند پر بولڈ ہوگئے جس کے بعد بابر اعظم اور حارث سہیل نے دوسری وکٹ پر 76 رنز جوڑے لیکن وہ مطلوبہ رن ریٹ کے حساب سے اسکور میں اضافہ نہ کر سکے جس سے بیٹنگ لائن پر دباؤ بڑھ گیا، بابر اعظم نے 32 گیندوں پر 27 رنز بنائے جس میں صرف ایک چوکا شامل تھا جب کہ 94 کے مجموعے پر حارث سہیل بھی چلتے بنے، انہوں نے 50 گیندوں کا سامنا کرتے ہوئے 52 رنز بنائے جس میں ایک چھکا اور 4 چوکے شامل تھے۔

حارث سہیل کے آؤٹ ہونے کے بعد پاکستان کو 29 گیندوں پر 54 رنز درکار تھے اور خیال یہ کیا جارہا تھا کہ کپتان سرفراز احمد دانشمندی کا مظاہرہ کرتے ہوئے اپنے پاور ہٹرز آصف علی اور افتخار احمد کا استعمال کریں گے تاہم وہ خود بیٹنگ کے لیے آئے اور عماد وسیم کے ساتھ مل کر مشن امپاسیبل شروع کردیا، عماد وسیم کپتان کی امیدوں پر پانی پھیر گئے اور 5 گیندوں پر 3 رنز بنا کر چلتے بنے۔

اگلے ہی اوور میں آصف علی چھکا لگانے کی کوشش میں باؤنڈری لائن پر کیچ تھما بیٹھے جب کہ اسی اوور کی آخری گیند پر کپتان سرفراز احمد بھی میدان چھوڑ گئے، وہ 17 رنز ہی بنا سکے، ساتویں وکٹ پر افتخار احمد اور وہاب ریاض نے 23 رنز کا اضافہ کیا جو بے سود ثابت ہوا اور قومی ٹیم کا سفر 134 رنز پر اختتام پذیر ہوگیا۔آئی لینڈرز کی جانب سے ڈی سلوا نے عمدہ بولنگ کرتے ہوئے 3 شکار کیے جب کہ کمارا نے 2 اور راجیتھا نے ایک وکٹ حاصل کی۔ہاسارنگا کو میچ اور سیریز کے بہترین کھلاڑی کا ایوارڈ دیا گیا.

قذافی اسٹیڈیم میں کھیلے گئے سیریز کے آخری میچ میں سری لنکن کپتان نے ٹاس جیتا اور پہلے بیٹنگ کو ترجیح دی۔ ابتدا میں گرین شرٹس کے بولرز نے قدرِ اچھی بولنگ کرتے ہوئے 58 رنز پر 4 کھلاڑیوں کو پویلین بھیج دیا جس کے بعد پانچویں وکٹ پر کپتان شناکا اور فرنینڈو نے ذمہ دارانہ بیٹنگ کر کے مجموعے کو 134 تک پہنچایا، اس دوران فرنینڈو نے اپنی نصف سنچری بھی مکمل کی جب کہ فیلڈرز نے کیچز بھی چھوڑے

فرنینڈو ایک اینڈ پر ڈٹ کر کھڑے رہے اور وکٹ کے چاروں جانب کھل کر اسٹروکس کھیل کر تیزی سے رنز میں اضافہ کرتے رہے، وہ 48 گیندوں پر 78 رنز بنا کر ناٹ آؤٹ رہے ان کی اننگز میں 8 دلکش چوکے اور 3 شاندار چھکے شامل تھے۔ سری لنکا کی جانب سے گناتھیلکا 8، سمارا اوکراما 12، راجا پکسیا 3، پریرا 13، شناکا 12، مدوشانکا 1 اور ڈی سلوا 6 رنز بنا کر آؤٹ ہوئے۔

گرین شرٹس کے سب سے کامیاب بولر محمد رہے جنہوں نے 4 اوورز کے کوٹے میں 27 رنز کے عوض 3 وکٹیں حاصل کیں جب کہ عماد وسیم اور وہاب ریاض نے ایک ایک وکٹ حاصل کی۔

pak-vs-sri

 

تاجروں کے ایف بی آر سے مذاکرات ناکام، ملک گیر ہڑتال کا اعلان

اسلام آباد:وفاقی دارالحکومت کے ریڈزون میں داخلے کی کوشش پرپولیس نے تاجروں پر لاٹھی چارج کیا جس کے جواب میں مظاہرین نے اہلکاروں پر پتھراؤ شروع کردیا جب کہ ایف بی آر حکام سے مذاکرات ناکام ہونے پر انجمن تاجران نے 28 اور 29 اکتوبرکو ملک گیر ہڑتال کا اعلان کردیا۔

ملک بھر سےآنے والے تاجروں کی  بڑی تعداد  ریلی کی صورت میں آبپارہ چوک سے سیرینا چوک پہنچی تو پولیس نے انہیں آگے بڑھنے سے روک دیا، مظاہرین نے خاردار تاریں اور تمام رکاوٹیں ہٹا دیں اور حکومت کی معاشی پالیسیوں کے خلاف شدید نعرے بازی کی۔

ریڈ زون میں داخل ہونے کی کوشش کے دوران پولیس اور مظاہرین آمنے سامنے آگئے جب کہ پولیس نے مظاہرین پر لاٹھی چارج شروع کردیا جس کے جواب میں مظاہرین نے پولیس پر پتھراؤ شروع کردیا، صورتحال مزید بگڑنی پر پولیس کی اضافی نفری کو بھی طلب کرلیا گیا۔

تاجر نادرا چوک پر دھرنا دے کر بیٹھ  گئے جس کے بعد ایف بی آر کی ٹیم اور تاجر عہدیداروں کے درمیان مذاکرات ہوئے جو ایک گھنٹہ جاری رہنے کے باوجود بے نتیجہ ثابت ہوئے، مذاکرات ناکام ہونے کے بعد تاجر نمائندہ وفد دھرنے میں لوٹ آیا اور آئندہ کا لائحہ عمل کا اعلان کرتے ہوئے کہا کہ قیادت نے فیصلہ کر لیا ہے کہ شناختی کارڈ کی شرط کو نہیں مانتےاورحکومت جو مرضی کر لے ہم شناختی کارڈ نہیں دیں گے، 28 اور 29 اکتوبر پورے ملک میں شٹرڈاوٴن کیا جائے گا جب کہ 15 اکتوبر سے روزانہ ایک گھنٹے کی ہڑتال کی جائے گی۔

 

ہانگ کانگ چین کا اندرونی معاملہ ہے کسی کو مداخلت کا اختیار نہیں، عمران خان

بیجنگ: وزیر اعظم عمران خان نے کہا ہے کہ ہانگ کانگ چین کا اندرونی معاملہ ہے کسی ملک کو دوسرے ملک کے معاملات میں مداخلت کا کوئی حق نہیں۔

وزیر اعظم عمران خان کے دورہ چین کا مشترکہ اعلامیہ جاری کیا گیا جس کے مطابق وزیر اعظم عمران خان نے ہانگ کانگ کے معاملے کو چین کا اندرونی معاملہ قرار دیا ہے اور کہا کہ کسی ملک کو دوسرے ملک کے اندرونی معاملات میں مداخلت کا اختیار نہیں۔

مشترکہ اعلامیے کے مطابق چینی قیادت نے پاکستان کی سالمیت، سیکیورٹی اور علاقائی خود مختاری پر یک جہتی کے عزم کا اعادہ کیا جب کہ وزیر اعظم نے چینی قیادت کو مقبوضہ کشمیر کی صورتحال سے آگاہ کیا۔

وزیر اعظم عمران خان نے چینی قیادت کو مقبوضہ کشمیر پر پاکستانی موقف اور تحفظات سے بھی آگاہ کیا اور کہا کہ مقبوضہ کشمیر کا مسئلہ اقوام متحدہ کی قراردادوں کے مطابق حل ہونا چاہیے جس پر چینی قیادت نے کہا کہ چین کشمیر کی صورتحال مزید پیچیدہ بنانے والے کسی بھی یک طرفہ اقدام کی مخالفت کرتا ہے۔

دریں اثنا دونوں ممالک کے درمیان قائم مشترکہ تعاون کی کمیٹی کا اجلاس نومبر میں اسلام آباد میں ہوگا جس میں مختلف شعبہ جات میں دو طرفہ تعاون بڑھانے پر بات چیت کی جائے گی۔

مولانا فضل الرحمان کا آزادی مارچ کی تاریخ تبدیل کرنے کا اعلان

اسلام آباد: جمعیت علمائے اسلام (ف) کے سربراہ مولانا فضل الرحمان نے آزادی مارچ کی تاریخ تبدیل کرنے کا اعلان کرتے ہوئے کہا ہے کہ آزادی مارچ 27 کو نہیں بلکہ 31 اکتوبر کو اسلام آباد میں داخل ہوگا۔

اسلام آباد میں میڈیا سے غیر رسمی بات کرتے ہوئے جے یو آئی (ف) کے امیر مولانا فضل الرحمان کا کہنا تھا کہ آزادی مارچ 27 کو نہیں 31 اکتوبر کو اسلام آباد میں داخل ہوگا، 31 اکتوبر سے قبل کوئی جلوس اسلام آباد میں داخل نہیں ہوگا۔

مولانا فضل الرحمان کا کہنا تھا کہ 27 اکتوبر کے جلوس کشمیریوں سے اظہار یکجہتی کے لیے نکالےجائیں گے جب کہ  27 اکتوبر کے بعد تمام جلوس 31 اکتوبر کو اسلام آباد میں داخل ہوں گے۔

وزیراعظم سے ملاقات؛ پاکستان کی علاقائی سلامتی کیلیے حمایت جاری رکھیں گے، چینی صدر

بیجنگ: وزیراعظم عمران خان نے چینی صدر شی جن پنگ سے ملاقات میں مسئلہ کشمیر کی حمایت پر شکریہ ادا کرتے ہوئے کہا ہے کہ پاکستان چینی مفادات پراس کی بھرپور حمایت کرتا رہے گا۔

وزیر اعظم عمران خان اور چینی صدر شی جنگ پنگ کے درمیان ہونے والی ملاقات کے بعد جاری کردہ اعلامیے کے مطابق چینی صدر نے وزیراعظم عمران خان اور وفد کے اعزاز میں ظہرانہ دیا، آرمی چیف جنرل قمر جاوید باجوہ کے علاوہ وزیرخارجہ، وزیر منصوبہ بندی، وزیرریلوے، مشیر تجارت اور ڈی جی آئی ایس آئی بھی وزیراعظم کے ہمراہ تھے، دونوں رہنماوں نے خوشگوار ماحول میں دوطرفہ تعلقات، خطے کی صورتحال اور بین الاقوامی مسائل پر بات چیت کی۔ دونوں رہنماؤں نے باہمی تعلقات مزید مضبوط اور اور وسیع تر کرنے پر اتفاق کیا۔

ملاقات کے دوران وزیراعظم عمران خان نے چینی صدر کو مقبوضہ کشمیر میں بھارتی جارحیت سے آگاہ کیا مقبوضہ وادی میں انسانی حقوق کی بدترین پامالی کی جارہی ہے، دو ماہ سے لاکھوں کشمیریوں کے مسلسل لاک ڈاؤن نے انسانیت سوز صورتحال پیدا کر رکھی ہے، خطے میں امن کے لیے مقبوضہ کشمیر سے کرفیو فوری ہٹایا جائے۔

وزیر اعظم نے کہا کہ چین پاکستان کا آئرن برادر، ثابت قدم اتحادی اور شراکت دار ہے، چین نے ہمیشہ قومی مفادات پر پاکستان کا بھرپور ساتھ دیا، پاکستان چینی مفادات پراس کی بھرپور حمایت کرتا رہے گا، چین پاکستان کی اقتصادی ترقی اور اہداف کے حصول میں اہم کردار ادا کررہا ہے، چینی صدر کا بیلٹ اینڈ روڈ منصوبہ پاکستان اور خطے کی اقتصادی صورتحال میں تبدیلی اور خوشحالی لائے گا، سی پیک منصوبوں کی بروقت تکمیل ہماری حکومت کی اولین ترجیح ہے۔

اس موقع پر چینی صدر نے کہا کہ چین کے پاکستان کے ساتھ تعلقات مضبوط اور مستحکم ہیں،مستقبل میں پاک چین تعلقات مزید گہرے اور مضبوط ہوں گے ، پاکستان کی خودمختاری اورعلاقائی سلامتی کےلیے غیرمتزلزل حمایت جاری رکھیں گے، انہوں نے سماجی و معاشی ترقی پر مبنی حکومتی ایجنڈے اور سی پیک منصوبوں میں تیزی لانے پر پاکستان کی کوششوں کو سراہا، انہوں نے کہا کہ سی پیک منصوبے سے قومی اور علاقائی معاشی ترقی کے عمل میں مدد ملے گی۔ معاشی اصلاحات کے ذریعے پاکستان مستحکم معاشی ترقی کی راہ پر گامزن ہے۔ اس کے علاوہ دونوں رہنماؤں نے پر امن اور مستحکم افغانستان کے خطے کی معاشی ترقی میں کردار پر اتفاق کیا۔

ورلڈ بینک کا کراچی میں صاف پانی کی فراہمی کیلیے 10 کروڑ ڈالر دینے کا اعلان

کراچی: عالمی بینک نے کراچی میں گھر گھر پینے کے صاف اور معیاری پانی کی فراہمی کے منصوبے کے لیے سندھ حکومت کو 10 کروڑ ڈالر دینے کا اعلان کیا ہے۔

یہ بات ورلڈ بینک مشن کے ایک وفد نے وزیر بلدیات سندھ ناصر حسین شاہ سے ان کے دفتر میں ملاقات اور اجلاس کے دوران کہی۔ اجلاس میں ورلڈ بینک کے وفد میں مائیکل ہینی، اینڈریاس رھوڈ، فرحان سمیع، ثناء اکرام شامل تھے جبک سیکریٹری لوکل گورنمنٹ سندھ روشن علی شیخ، ایم ڈی واٹر بورد اسد اللہ خان، پروجیکٹ ڈائریکٹر ایوب شیخ اور ڈائریکٹر انویسٹمنٹ شکیل قریشی بھی اس موقع پر موجود تھے۔

وزیر بلدیات کو بتایا گیا کہ اس منصوبے کے تحت واٹر بورڈ کی صلاحیتوں کو مزید بہتر بنایا جائیگا تاکہ کراچی کے تمام شہریوں کو پینے کے صاف اور معیاری پانی کی گھر گھر فراہمی کو یقینی بنایا جاسکے، منصوبے کے تحت واٹر بورڈ کی جانب سے کراچی میں پانی کی فراہمی، نکاسی آب، سیوریج سسٹم کو بھی مزید بہتر بنایا جائے گا منصوبے کے پہلے فیز میں 100 ملین ڈالر کی لاگت سے واٹر بورڈ کی ریفارم شامل ہے۔

منصوبے کے مطابق واٹر بورڈ کی ریفارم، پانی کی فراہمی اور نکاسی آب کے نظام کو دیرپا، مضبوط اور مستقل بنیادوں پر بنایا جائے گا جس پر 77 ملین ڈالر خرچ ہوں گے جب کہ کمپوننٹ میں پروجیکٹ اسٹڈیز اور دیگر حوالوں سے 16 ملین ڈالر خرچ کیے جائیں گے۔

ناصر حسین شاہ نے کہا کہ یہ کراچی کے شہریوں کے لیے گھر گھر پینے کے صاف اور معیاری پانی کی فراہمی کا ایک اہم منصوبہ ہے لہذا حکومت اور ورلڈ بینک مل کر اس منصوبے سے متعلہ تمام امور کی مسلسل نگرانی کو یقینی بنائے گی اور پروجیکٹ کی شفافیت اور معیار کو برقرار رکھنے میں اقدامات و اپنا کردار ادا کریں گے۔

سیکریٹری بلدیات روشن علی شیخ نے کہا کہ پروجیکٹ کی ایڈمنسٹریٹو منظوری دے دی گئی ہے جبکہ منصوبے کے لیے پروجیکٹ ڈائریکٹر سمیت اس کی ٹیم کا تقرر کردیا گیا ہے۔ انھوں نے پروجیکٹ ڈائریکٹر کو ہدایت کی کہ ایک ہفتے کے اندر اپنا ورک پلان جمع کرادیں جس میں مقررہ وقت، اہداف اور دیگر پلان کی تفصیلات بھی شامل ہوں۔

وزیراعظم عمران خان کا عزم۔۔۔ کرپشن فری پاکستان

کرپشن صرف پاکستان کا ہی نہیں بلکہ یہ ایک بین الاقوامی مسئلہ ہے چاہے کوئی ملک ترقی یافتہ ہو یا پسماندہ اپنے اپنے حساب سے ہر جگہ کرپشن کا بازار گرم ہے ۔ اس کو کنٹرول کرنا ضروری ہے ۔ وزیراعظم عمران خان چونکہ خود کرپشن سے پاک ہیں اسی وجہ سے ان کی منزل بھی کرپشن سے پاک پاکستان ہے وہ اس حوالے سے چین سے متاثر ہیں کہ جیسے انہوں نے کرپٹ افراد کا صفایا کیا ہے اسی طرح انہوں نے بھی خواہش کا ظہار کیا کہ کاش میں 500 کرپٹ افراد کو جیل بھیج سکوں ۔ ہم اس سلسلے میں حکومت کی مکمل حمایت کرتے ہیں لیکن وزیراعظم کو چاہیے کہ وہ کرپشن کیخلاف آپریشن حکومتی صفوں سے کریں تاکہ اپوزیشن کو بھی کوئی اعتراض نہ ہو ۔ وزیراعظم عمران خان نے بیجنگ میں عالمی تجارت کے فروغ کے لئے قائم چائنا کونسل کے اجلاس سے خطاب کرتے ہوئے کہا ہے کہ چین کے صدر شی جن پنگ نے وزارتی سطح کے 400افرادکو سزائیں دیکر جیل بھجوایا کاش میں بھی پاکستان میں 500 کرپٹ لوگوں کو جیل بھیج سکتاہمارے نظام میں کرپشن روکنا ایک مشکل اور پیچیدہ عمل ہے لیکن حکومت اس پر کام کر رہی ہے پاکستان میں کرپشن ہے جس کی وجہ سے سرمایہ کاری نہیں آتی جبکہ سرخ فیتہ کاروبار اور ترقی کی راہ میں سب سے بڑی رکاوٹ ہے پاکستان سرمایہ کاری کے لئے محفوظ ترین ملک ہے ہم ہاءوسنگ تیل کوئلے ٹیکسٹائل، آئی ٹی فنانس زراعت سیاحت کوئلے کی صنعت اور دیگر سیکٹرز میں چینی سرمایہ کاری کے خواہشمند ہیں چین کے ساتھ آزادانہ تجارت کا معاہدہ کرنے جا رہے ہیں ، راہداری منصوبے میں وزارتوں کا عمل دخل روکنے کیلئے سی پیک اتھارٹی قائم کی گئی ہے ۔ پہلے چین نے پاکستان سے سیکھا اب پاکستان چین سے سیکھ رہا ہے ۔ چین نے گزشتہ پانچ سال میں کرپشن کے خاتمہ کے لئے وزارتی سطح کے400 افراد کو سزائیں دے کر جیلوں میں ڈالا، ہم بھی بدعنوان افراد کے خلاف ایسی کارروائی کر نا چاہتے ہیں لیکن ہمارا نظام سست ہے، سرخ فیتے کی رکاوٹ بھی کرپشن کی وجہ سے ہوتی ہے امید ہے کہ آہستہ آہستہ صورتحال بہتر ہو جائے گی پاکستان میں کرپشن پر قابو پانے میں کچھ وقت لگے گاملک میں سرمایہ کاری نہ آنے کی سب سے بڑی وجہ کرپشن ہے اور چین کی کمیونسٹ پارٹی کی کامیابیوں سے سیکھ رہے ہیں ۔ قبل ازیں عمران خان کا عظیم عوامی ہال آمد پر چین کے وزیراعظم لی کی چیانگ نے پرتپاک استقبال کیا عمران خان کے اعزاز میں باضابطہ استقبالیہ تقریب عظیم عوامی ہال میں منعقد ہوئی اس موقع پر دونوں وزرائے اعظم نے پر تپاک مصافحہ کیا اور بعد ازاں پاکستانی وفد کا چین کے وزیراعظم کے ساتھ تعارف کرایا گیا ۔ اس موقع پر دونوں ممالک کے ترانے بھی بجائے گئے اور چین کی مسلح افواج کے چاق و چوبند دستے نے وزیراعظم کو سلامی پیش کی اور وزیراعظم عمران خان نے گارڈ آف آنر کا معائنہ کیا ۔ بعدازاں دونوں رہنماءوں کے مابین گریٹ ہال میں تفصیلی دوطرفہ مذاکرات ہوئے ۔ وزیراعظم نے کہاکہ سی پیک کے منصوبوں کی تیز رفتاری سے تکمیل ان کی حکومت کی اولین ترجیح ہے ۔ لی کی چیانگ نے علاقائی سالمیت اور خودمختاری کے تحفظ کیلئے پاکستان کی حمایت کے عزم کا اعادہ کیا، انہوں نے سی پیک منصوبوں میں پیش رفت کے لیے اقدامات پر عمران خان کا شکریہ ادا کیا اور کہا کہ اقتصادی راہداری کا دوسرا مرحلہ پاکستان کی مستحکم معاشی ترقی کا اہم ذریعہ ثابت ہوگا اور پاکستان میں چینی سرمایہ کاری میں اضافہ کے لیے راہ ہموار کرے گا ۔ دونوں سربراہان حکومت کی ملاقات پر جاری اعلامیے کے مطابق دو طرفہ اقتصادی شراکت داری کو مزید مضبوط کرنے کے عزم کا اعادہ کیا گیا ۔ پاکستان اور چین کے درمیان سماجی و اقتصادی تعاون کو فروغ دینے کے مختلف معاہدوں اور مفاہمت کی یادداشتوں پر بھی دستخط ہوئے ۔ فریقین نے مقبوضہ کشمیر میں انسانی حقوق کی سنگین صورتحال اور انسانی بحران سمیت علاقائی سلامتی کی صورتحال پر بھی تبادلہ خیال کیا ۔ دونوں رہنماوں نے کئی معاہدوں اور مفاہمت کی یادداشتوں پر دستخط کی تقریب میں بھی شرکت کی ۔ علاوہ ازیں وزیراعظم عمران خان سےمختلف شعبوں سے تعلق رکھنے والی چینی کمپنیوں کےسربراہان نے منگل کو یہاں علیحدہ علیحدہ ملاقاتیں کیں اور پاکستان میں سرمایہ کاری میں گہری دلچسپی کا اظہار کیا ۔ وزیر اعظم سے ملاقاتیں کرنے والوں میں گژوبا گروپ کے چیئرمین لیوزی ژیانگ، لانگ مارچ ٹائر کمپنی کے چیف ایگزیکٹو آفیسر لی کنگ وین، اورینٹ ہولڈنگز گروپ لمیٹڈ کے بورڈ کے چیئرمین جیانگ ژومنگ اورمیٹلرجیکل گروپ کارپوریشن کے چیئرمین گاو وین کنگ شامل تھے ۔ دونوں وزرائے اعظم نے اپنے تعلقات کومزیدمستحکم بنانے اورمختلف سطحوں پر تبادلوں اور تذویراتی روابط کے قیام پراتفاق کیاہے ۔ دونوں فریقوں نے عوام کی فلاح وبہبود یقینی بنانے کے 27منصوبوں کے معاہدوں پردستخطوں کے لئے پاکستان میں آئندہ ماہ چین پاکستان راہداری کے بارے میں مشترکہ تعاون کی کمیٹی کا9واں اجلاس بلانے پربھی اتفاق کیا ۔ چین نے دہشت گردی کے خلاف جنگ میں غیرمتزلزل کوششوں اور عظیم قربانیوں کی تعریف کی اور دہشت گردی کے خلاف مہم میں پاکستان کی کوششوں کی حمایت کی ہے ۔ دونوں ممالک نے پاکستان اوربھارت کے درمیان تعلقات کے علاوہ افغانستان اورخلیج کے علاقے کی صورتحال پربھی تبادلہ خیال کیا ۔ جبکہ پاک فوج کے سربراہ جنرل قمر جاوید باجوہ نے چین کی پیپلز لبریشن آرمی کے کمانڈر جنرل ہان ویگو اور سینٹرل ملٹری کمیشن کے وائس چیئرمین سے ملاقات کی جس میں مقبوضہ کشمیر کی صورتحال سمیت علاقائی سلامتی کی صورتحال پر تبادلہ خیال کیاگیا جبکہ دوطرفہ دفاعی تعاون بڑھانے پر بھی اتفاق کیا گیا، دونوں ملکوں کی فوجی قیادت نے اس بات پر اتفاق کیا کہ پاک بھارت جاری کشیدگی دور نہ ہونے سے خطے کے امن واستحکام پرسنگین نتاءج ہوں گے ۔ اس موقع پر آرمی چیف نے کہاکہ پاکستان امن چاہتا ہے لیکن قوم کے وقار اور اصولوں پر سمجھوتے کی قیمت پر نہیں بھارت مقبوضہ کشمیر میں انسانی حقوق کی فراہمی یقینی بنائے ۔ آئی ایس پی آر کے مطابق جنرل قمرجاوید باجوہ کو پیپلز لبریشن آرمی کے ہیڈکوارٹرز کے دورہ کے موقع پر گارڈ آف آنر پیش کیا گیا ۔ چین کی فوجی قیادت نے کشمیر پر پاکستان کے اصولی موقف کو سراہا اور امن کے لیے پاکستان کے اقدامات کی تعریف کی ۔ آرمی چیف نے مسئلہ کشمیر پرامن حل نہ ہونے کی صورت میں کشمیر میں جاری صورتحال کے ممکنہ نتاءج سے آگاہ کرتے ہوئے کہا کہ بھارت کو اقوام متحدہ کی قراردادوں کا احترام کرتے ہوئے کشمیر میں انسانی حقوق کی فراہمی یقینی بنانے کی ضرورت ہے ۔

برطانوی میگزین نے بھارتی مظالم کے پردے چاک کردئیے

بھارت کی ہٹ دھرمی قائم ہے کہ وہ مقبوضہ کشمیر میں مظالم ڈھارہا ہے لیکن بین الاقوامی برادری ابھی تک اس حوالے سے خاطر خواہ اقدامات اٹھانے سے قاصر ہے ۔ برطانوی میگزین نے بھارتی بربریت سے پردہ واشگاف کیا ہے ۔ اس پر صدر مملکت نے ٹویٹ کرتے ہوئے کہا ہے کہ دی اکانومسٹ میں شاءع ہونے والے مضمون پرتبصرہ کرتے ہوئے کہاکہ گزشتہ چند برسوں کے دوران تنازعہ کشمیر اوراقلیتوں کے مسائل کے حوالے سے بھارتی سپریم کورٹ کاریکارڈ انتہائی مایوس کن ہے کیونکہ وہ آئین سے انحراف کی پالیسی پرعمل پیراہے ۔ بھارتی سپریم کورٹ انتظامیہ ہی کاحصہ دکھائی دیتی ہے جو اس کے غیرمنصفانہ اقدامات میں تعاون کررہی ہے جس سے بھارتی مسلمانوں ،اقلیتوں اورکشمیریوں کوشدیدمایوسی ہوئی ہے ۔ بھارتی سپریم کورٹ کے ججو ں نے مختلف امور میں مداخلت تو کی تاہم اس نے مقبوضہ کشمیر میں انسانی حقوق کی سنگین خلاف ورزیوں سے متعلق کئی امور پرشرمناک انداز میں خاموشی اختیار کی ۔ بھارت کی عدالت عظمیٰ نے مودی کی حکومت کو مقبوضہ وادی کاخصوصی درجہ ختم کرنے کے یکطرفہ اورغیرقانونی اقدام کے خلاف مختلف عرضداشتوں پرجواب داخل کرانے کےلئے ایک ماہ کا وقت دیاہے ۔ اس قسم کے حکم نامے کامطلب ہے کہ کشمیریوں کومزیدایک ماہ کےلئے بھارتی مظالم اورقیدوبندکی صعوبتیں برداشت کرناپڑیں گی اوراس دوران مظلوم کشمیریوں کو ان کے بنیادی حقوق سے بھی محروم رکھاجائے گا ۔ مضمون میں نہ صرف مقبوضہ کشمیر کے زمینی حقائق کوبے نقاب کیاگیاہے بلکہ آسام اورکشمیر کے مسلمانوں کے خلاف بھارت کی سپریم کورٹ اورمودی کے اقدامات میں محاذآرائی ظاہر کیاگیاہے ۔ مقبوضہ کشمیرکی وادی اورجموں ریجن کے مسلم اکثریتی علاقوں میں آج بھی معمولات زندگی بری طرح متاثر ہیں جہاں جاری فوجی محاصرے اورمواصلاتی روابط کی بندش کے باعث رات گئے چھاپوں ، نوجوانوں کی گرفتاریوں اور کئی افرادکوشہید کئے جانے کی اطلاعات موصول ہورہی ہیں ۔ مقبوضہ وادی میں لوگوں کو ضروری اشیاء کی قلت کا سامنا ہے ۔ مواصلاتی روابط کی بندش کا مقصد جموں وکشمیر کے عوام کومشترکہ طورپرسزادیناہے اورماہرین کی جانب سے تحفظات کے اظہار کے باوجودبھارتی سپریم کورٹ نے اپنی آئینی ذمہ داری ادانہیں کی ۔ بھارت کی طرف سے کشمےر مےں مواصلاتی ذراءع کی معطلی سے کشمےرےوں کی روز مرہ کی زندگی اور فلاح وبہبود پر تباہ کن اثرات مرتب ہورہے ہےں ۔

پنجاب کابینہ کے خوش آئند فیصلے

صوبائی کابینہ پنجاب نے انتہائی اہمیت کے حامل اور بڑے فیصلے کیے ہیں جوکہ عوامی اہمیت کے حامل ہیں ۔ وزیراعلیٰ پنجاب عثمان بزدار کی زیر صدارت ہونے والے اجلاس کے فیصلوں کو انقلابی فیصلے کہا جائے تو غلط نہ ہوگا ۔ سب سے پہلے بیروزگاری کا دور دورہ ہے ایسے میں گریڈ 14 تک ملازمتوں سے پابندی اٹھانا ٹھنڈی ہوا کا جھونکا ہے ۔ وزیراعلیٰ پنجاب سردار عثمان بزدار کی زیر صدارت وزیراعلیٰ آفس میں صوبائی کابینہ کا اجلاس منعقدہوا،اجلاس میں پنجاب لوکل گورنمنٹ فنانس کمیشن کے قیام کا فیصلہ کیاگیا ۔ کابینہ نے پنجاب لوکل گورنمنٹ فنانس کمیشن کے قیام کی منظوری دی ۔ پنجاب لوکل گورنمنٹ کمےشن13ممبران پر مشتمل ہوگا ، سربراہ صوبائی وزےر خزانہ ہوں گے ۔ کمےشن صوبائی محاصل کی تقسےم کا فارمولہ وضع کرے گا ۔ پنجاب کابےنہ کے اجلاس میں گرےڈ 1سے 4تک کی منظور شدہ خالی آسامےوں کےلئے بھرتی پر پابندی اٹھانے کا فےصلہ کیاگیا ۔ وزیراعلیٰ نے محکموں کو اپنی ضرورےات کے مطابق گرےڈ1سے 4تک کی بھرتےوں کیلئے کےسز بھجوانے کی ہداےت کی ۔ وزےراعلیٰ کےس ٹو کےس جائزہ لے کر بھرتےوں کی منظوری دےں گے ۔ پنجاب کا بینہ نے سابق دور کی سستی روٹی اتھارٹی کو بند کرنے کا فیصلہ کیا اور سستی روٹی اتھارٹی بند کرنے کی منظوری دی ۔ اجلاس میں سستی روٹی سکےم مےں ہونے والی بے ضابطگےوں کا سپےشل آڈٹ کرانے کا فےصلہ کیاگیا ۔ سپےشل آڈٹ کی رپورٹ کی روشنی مےں ذمہ داروں کے خلاف کارروائی ہوگی ۔ کابےنہ کے اجلاس کو انسداد ڈینگی کیلئے کئے جانے والے اقدامات کے بارے مےں تفصےلی برےفنگ دی گئی ۔ اجلاس میں پنجاب بارڈر ملٹری پولیس اور بلوچ لیویز سروس رولز 2009 میں ترامیم کی منظوری دی گئی ۔ کابینہ نے راولپنڈی میں یونیورسٹی ;200;ف ٹیکنالوجی کے قےام کا فےصلہ کیا اور اس ضمن میں ڈرافٹ بل 2019 کی منظوری دی ۔ وزےراعلیٰ نے وزراء کو اپنے اضلاع مےں کھلی کچہرےاں لگانے کی ہداےت کرتے ہوئے کہاکہ صوبائی وزراء پرائس کنٹرول کے لئے فےلڈ مےں نکلےں اورعوام کو رےلےف دےں ۔

جوہری ہتھیاروں کی تیاری اور استعمال اسلام میں منع ہے، خامنہ ای

تہران: ایران کے سپریم لیڈر آیت اللہ علی خامنہ ای نے کہا ہے کہ اسلام میں ہلاکت خیز جوہری ہتھیاروں کی تیاری اور ان کا استعمال حرام ہے کیوں کہ ایسے ہتھیاروں سے بڑے پیمانے پر معصوم لوگوں کی ہلاکتیں ہوتی ہیں اور جس کے اثرات نسلوں تک جاری رہتے ہیں۔

بین الاقوامی خبر رساں ادارے کے مطابق ایران کے سپریم لیڈر اور روحانی پیشوا آیت اللہ خامنہ ای نے کہا ہے کہ ایران نے کبھی بھی جوہری ہتھیار بنانے یا اس کے استعمال کی خواہش ظاہر نہیں کی، جوہری ہتھیاروں کی تیاری اور استعمال اسلام میں منع ہے۔

ایران کی سب سے طاقتور شخصیت آیت اللہ خامنہ ای نے مزید کہا کہ ایٹمی اسلحہ تیار کرنا اور اس کی ذخیرہ اندوزی اسلام میں حرام ہے، ایران کے پاس جوہری ٹیکنالوجی تو ہے لیکن اس نے خود کو جوہری ہتھیاروں کی تیاری سے ہمیشہ دور ہی رکھا ہے۔

یاد رہے کہ ایران کو جوہری ہتھیاروں کی تیاری سے روکنے کے لیے عالمی قوتوں (امریکا، برطانیہ، فرانس، جرمنی، چین اور روس) نے ایران سے 2005ء میں جوہری معاہدہ طے کیا تھا، گو ایران ہمیشہ جوہری ہتھیاروں کی تیاری کے الزامات کو مسترد کرتا آیا ہے تاہم امریکا نے ایران پر جوہری ہتھیاروں کی تیاری کا الزام عائد کرتے ہوئے 2018ء میں معاہدے سے دست برداری کا اعلان کیا تھا۔

امریکا کی جانب سے عالمی جوہری معاہدے سے دست بردار ہونے اور پے در پے معاشی پابندیاں عائد کرنے پر برہمی اظہار کرتے ہوئے ایران نے بھی ردعمل میں عالمی جوہری معاہدے کی ایک شق کی خلاف ورزی کی اور یورینیم افزودگی کی مقررہ حد کو عبور کرکے زائد یورینیئم افزودہ کی تھی۔

Google Analytics Alternative