پاکستان

پاکستان میں سیلاب کے باعث 528 بچے جاں بحق ہوگئے،یونیسیف

سندھ میں سیلاب متاثرہ خواتین بااثر زمینداروں کی قید میں

مطابق یونیسیف حکام کی جانب سے جاری بیان کے مطابق عبداللہ فادل نے سندھ میں سیلاب سے متاثرہ علاقوں کا 2 روزہ دورہ ختم کرنے کے بعد لوگوں کی سنگین صورتحال سے متعلق بتا یا کہ پاکستان میں سیلاب کے باعث 528 بچے جاں بحق ہوگئےہیں۔

تفصیلات کے مطابق یونیسیف حکام کی جانب سے جاری بیان کے مطابق عبداللہ فادل نے سندھ میں سیلاب سے متاثرہ علاقوں کا 2 روزہ دورہ ختم کرنے کے بعد لوگوں کی سنگین صورتحال سے متعلق بتا یا کہ سیلاب سے متاثرہ علاقوں میں غذائی قلت کا شکار بچے ڈائریا، ملیریا اور ڈینگی بخار سے لڑ رہے ہیں جبکہ متعدد کو جِلدی امراض نے آن گھیرہ ہے اور لوگ اب ان مسائل سے جونج رہے ہیں۔

ان کا کہنا تھا کہ ایک کروڑ 60 لاکھ بچے حالیہ سیلاب سے متاثر ہوئے ہیں اور کم از کم 34 لاکھ لڑکیوں اور لڑکوں کو فوری طور پر زندگی بچانے والی سپورٹ کی ضرورت ہے، بچے اپنے اہلِ خانہ کے ساتھ کھلے آسمان تلے زندگی گزار نے پر مجبور ہیں، انہیں پینے کے پانی اور کھانا میسر نہیں، ان کا کوئی ذریعہ معاش نہیں، انہیں دیگر خطرات جیسے تباہ شدہ عمارتیں، سیلابی پانی میں ڈوبنے اور سانپ جیسے جان لیوہ اور بچھوؤں کا بھی سامنا ہے۔
عبداللہ فادل نے مزید بتایا کہ حکومتی اعداد و شمار کے مطابق پاکستان میں تباہ کن سیلاب کے باعث کم از کم 528 بچے جاں بحق ہو چکے ہیں، ہر بچے کی موت ایک علمیہ ہے، اس سے بچا جاسکتا تھا، یہ حقیقت افسوسناک ہے کہ امداد میں بڑے پیمانے پر اضافہ نہ کیا گیا تو مزید بچے اپنی جان کی بازی ہار بیٹھیں گے۔
زیادہ تر مائیں خود بھی خون کی کمی اور غذائی قلت کا شکار ہیں اور ان کے بچوں کا وزن بہت کم ہے۔
مائیں تھکن سے چور یا بیمار ہیں اور اپنا دودھ نہیں پلاسکتیں، لاکھوں فیملیز اپنے گھر چھوڑنے پر مجبور ہوئیں، اور اب ایسی صورتحال میں رہنے پر مجبور ہیں جس سے جلا دینے والے سورج سے بہت کم تحفظ مل سکتا ہے کیونکہ کئی علاقوں میں پارہ 40 ڈگری سے زیادہ ہے۔
زیادہ تر افراد اونچی زمین پر سر چھپانے کی جگہ ڈھونڈنے پر مجبور ہیں، جہاں پر بچے خطرے کا شکار ہیں کیونکہ نچلی زمین تاحد نگاہ زیر آب ہے جبکہ مزید خطرہ سانپوں، بچھوؤں اور مچھروں سے ہے۔
عبداللہ فادل نے کہا کہ اہم انفرااسٹرکچر جس پر بچے بھروسہ کرتے ہیں وہ تباہ ہوچکا ہے، جس میں ہزاروں اسکول، پانی اور صحت کا نظام شامل ہے، حالیہ سیلاب کے نتیجے میں بچے کھونے کی تعداد مسلسل بڑھ رہی ہے، یونیسیف ہر وہ اقدام کررہا ہے جس سے متاثرہ بچوں اور فیمیلز کو پانی سے جنم لینے والی بیماریوں اورغذائی قلت سے بچایا جاسکے۔
بیان کے مطابق ریلیف اور ریسکیو آپریشن جاری رکھنا اب بھی بہت مشکل ہے، کافی کمیونٹیز سے سیلابی پانی کی وجہ سے رابطہ منقطع ہے، یونیسیف حکومتی اور دیگر اداروں کے ساتھ کام کررہا ہے، اس بات کو یقینی بنا رہے ہیں کہ متاثرہ بچوں کو جلد سے جلدامداد مل سکے، یہ بات واضح رہے کہ ضرورت بہت بڑی ہے، اس چیلنج پر ردعمل کو لازمی بڑھانا ہوگا۔
کافی تعداد میں بچے پہلے ہی اپنے گھر، سامان اور پیاروں کو کھونے کی وجہ سے صدمے اور تکلیف میں ہیں، یونیسیف صدمے کا شکار بچوں اور خواتین کو نفسیاتی خدمات فراہم کررہا ہے۔
عبداللہ فادل کا مزید کہنا تھا کہ سیلاب کی وجہ سے بے گھر ہونے والے بچوں نے ہمیں بتایا کہ وہ اداس، اکتاہٹ کا شکار اور خوف زدہ ہیں، ہم نے بچوں کی زندگیوں میں معمول کے احساس کو واپس لانے میں مدد کے لیے سیکھنے کی عارضی جگہیں قائم کی ہیں تاکہ انہیں صدمے سے نکالنے اور تعلیم بحال کرنے میں مدد فراہم کی جاسکے۔
یونیسیف کے نمائندے کا کہنا تھا کہ پاکستان میں لڑکیاں اور لڑکے موسمیاتی تباہی کی قیمت ادا کر رہے ہیں جو ان کی وجہ سے نہیں ہوئی، ہمیں آنے والے مہینوں اور ان لاکھوں کمزور لڑکوں اور لڑکیوں کی زندگیوں کو بہتر کرنے کی ضرورت کو بھی دیکھنا شروع کر دینا چاہیے تاکہ یہ یقینی بنایا جا سکے کہ وہ محفوظ، صحت مند، اچھی پرورش پا رہے ہیں، اور اپنے مستقبل کے لیے تیاری کر رہے ہیں۔

جواب دیں

آپ کا ای میل ایڈریس شائع نہیں کیا جائے گا۔