دنیا

سعودی ولی عہد کی کوششوں سے روس و یوکرائن جنگ کے 10 قیدی رہا، ریاض پہنچ گئے

سعودی ولی عہد کی کوششوں سے روس و یوکرائن جنگ کے 10 قیدی رہا، ریاض پہنچ گئے

سعودی ولی عہد شہزادہ محمد بن سلمان کی ثالثی کی کامیاب کوششوں کے بعد روس یوکرائن جنگ کے 10 قیدیوں کو رہا کر دیا گیا ہے، انھیں روس سے لے کر ایک طیارہ دارالحکومت ریاض پہنچا ہے۔

غیرملکی خبر رساں ادارے کے مطابق سعودی عرب کے ولی عہد ان قیدیوں کی رہائی کے لیے ماسکو اور کیف کے ساتھ براہ راست رابطے میں تھے، محمد بن سلمان کی کوششوں کے باعث قیدیوں کی رہائی کا سمجھوتا پایہ تکمیل تک پہنچا ہے۔

معاہدے کے تحت 5 برطانوی شہریوں، ایک مراکشی، ایک سویڈش، ایک کروشیئن اور دو امریکیوں کی رہائی عمل میں آئی ہے، ان غیرملکیوں کو یوکرائن کے علیحدگی پسند علاقوں میں حالیہ مہینوں کے دوران میں گرفتار کیا گیا تھا، برطانیہ اور امریکا نے قیدیوں کی رہائی پر سعودی ولی عہد کا شکریہ ادا کیا۔

جواب دیں

آپ کا ای میل ایڈریس شائع نہیں کیا جائے گا۔