Home » Author Archives: Admin (page 3580)

Author Archives: Admin

پانی کے نئے منصوبوں پر تین ارب خرچ ہونگے

اسلام آباد  پانی و بجلی ڈویژن کے پانی کے شعبہ کے جاری منصوبوں پر28 ارب 31 کروڑ 63 لاکھ 70 ہزار روپے اور نئے منصوبوں پر 3 ارب 40 کروڑ روپےخرچ کئے جائیں گے ¾ مجموعی طور پر جاری اور نئی سکیموں کے لئے 31 ارب 71 کروڑ 63 لاکھ 70 ہزار روپے مختص کئے گئے ہیں۔ پی ایس ڈی پی کے مطابق خیبر پختونخوا میں 20 چھوٹے ڈیموں کی تعمیر کے لئے 40 کروڑ روپے، ضلع گوادر کی تحصیلاورماڑہ میں بسول ڈیم کی تعمیر کے لئے 70 کروڑ روپے، کوئٹہ میں منگی ڈیم کی تعمیرکے لئے 65 کروڑ روپے، جامشورو سندھ میں دراوٹ ڈیم کی تعمیر کے لئے ایکارب روپے، چکوال میں گبیر ڈیم کی تعمیر کے لئے 50 کروڑ روپے، گومل زام ڈیم کی تعمیر کے لئے 15 کروڑ روپے، کچھی کینال منصوبے کے لئے 5 ارب روپے، کرمتنگی ڈیم کے لئے ایک ارب روپے، نئی گاج ڈیم کی تعمیر کے لئے 3 اربروپے، منگلا ڈیم توسیعی منصوبے کے لئے ایک ارب روپے، ست پارہ ڈیم کیلئے 18 کروڑ روپے، قلات میں چھوٹے ڈیموں کی تعمیر کے لئے 5 کروڑ روپے، لسبیلہ میں وندر ڈیم کی تعمیر کیلئے 50 لاکھ روپے، بلوچستان میں بادن زئی ڈیم کی فزیبلٹی کے لئے 10 کروڑ روپے، دوسی ڈیم گوادر کی تعمیر کے لئے 5 کروڑ روپے، موسیٰ خیل میں خزانہ ڈیم کی تعمیر کے لئے پانچ کروڑ روپے سمیت مختلف منصوبوں کے لئے مجموعی طور پر 31 ارب 71 کروڑ 63 لاکھ 70 ہزار روپے مختص کئے گئے ہیں۔

معیشت کو درپش خطرات ٹل چکے،افراط زر کی شرح 2.82 رہی،ڈار

اسلام آباد  وزیر خرانہ اسحاق ڈار نے کہا ہے کہ افراط زر کی شرح 2.82 رہی جو گذشتہ دس سال میں سب سے کم ہے۔

قومی اسمبلی میں خطاب کرتے ہوئے وزیر خزانہ اسحاق ڈار نے بتایا کہ ملک میں زرمبادلہ کے ذخائر سنہ 2013 ء میں6 ارب ڈالر تھے جو اب 21 ارب 60 کروڑ ڈالر تک پہنچ گئے ہیں جن میں سے سٹیٹ بینک کے پاس 16 ارب 80 کروڑ اور نجی بینکوں کے پاس 4 ارب 80 کروڑ ڈالرز ہیں۔وزیر خرانہ اسحاق ڈار نے کہا کہ معیشت کو درپش خطرات ٹل چکے ، ہم نے ملک کو دیوالیہ یونے سے بچایا اور اب بین الاقوامی ادارے پاکستان کا نام عزت اور وقار سے لے رہے ہیں۔ انہوں نے کہا کہ ہر بجٹ میں ہماری کارکردگی پچھلے سال سے بہتر رہی ہے، رواں سال معاشی ترقی کی شرح 4.7 فیصد ہے اور یہ مزید بہتر ہوتی اگر کپاس کی فصل کو نقصان نہ ہوتا ،جس کی وجہ سے قومی پیداوار میں کمی واقع ہوئی، جب کہ رواں مالی سال 3104 ارب کی ٹیکس وصولی کاہدف حاصل کر لیں گے۔

اجناس کو ذخیرہ والی مشینری اور آلات کو ٹیکس فری کر دیا گیا

اسلام آباد حکومت نے نئے مالی سال کے بجٹ میں اجناس کو ذخیرہ والی مشینری اور آلات پر بھی سیلز ٹیکس ختم کرنے کا اعلان کر دیاہے ۔
تفصیلات کے مطابق اسحاق ڈار نے قومی اسمبلی میں خطاب کرتے ہوئے کہا کہ خام مال اور مشینری پر عائد کسٹم ڈیوٹی میں کمی کی تجویز ہے ،کسٹم ڈیوٹی کم کرنے سے صنعتی شعبے کو 18 ارب روپے کا فائدہ ہوگا۔اسحاق ڈار کا کہناتھا کہ اجناس کو ذخیرہ والی مشینری اور آلات پر بھی سیلز ٹیکس ختم کرنے کا فیصلہ کیا گیاہے ۔

مردان پی ٹی آئی کے جلسے میں فائرنگ چار افراد جانبحق متعدد زخمی

مردان مردان میں پاکستان تحریک انصاف کے جلسے پر فائرنگ سے چار افراد جاں بحق اور متعدد زخمی ہوگئے۔ ذرائع  کے مطابق مردان میں پی ٹی آئی کا جلسہ ہو رہا تھا جس پر مخالفین نے فائرنگ کر دی جس سے بھگڈر مچ گئی۔ فائرنگ سے مہمند ایجنسی سے پی ٹی آئی کے منتخب کونسلر بھی جاں بحق ہوئے۔ پولیس نے موقع پر پہنچ کر امدادی کارروائیاں شروع کر دیں۔ ملزمان فرار ہونے میں کامیاب ہوگئے۔

اسلام آباد میں نیشنل انسٹی ٹیوٹ آف ہیومن رائٹس قائم کرنے کے لیے 150ملین مختص

اسلام آباد حکومت نے نئے بجٹ میں 150ملین روپے اسلام آباد میں نیشنل انسٹی ٹیوٹ آف ہیومن رائٹس قائم کرنے کے لیے مختص کئے ہیں۔ وزیر خزانہ اسحاق ڈار نے قومی اسمبلی میں اپنی بجٹ تقریر کے دوران کہا کہ یہ حکومت کا پہلا ادارہ ہوگا جس کا مقصد عوام کو حقوق انسانی سے متعلق آگہی دینا ہوگا۔اس ادارے کے لیے نئے بجٹ میں 150ملین روپے اسلام آباد میں نیشنل انسٹی ٹیوٹ آف ہیومن رائٹس قائم کرنے کے لیے مختص کرنے کی تجویز ہے۔

عوام کیلئے مزید مشکلات عام استعمال کی اشیا پر ٹیکس کی شرح بڑھا دی گئی

اسلام آباد وفاقی بجٹ میں منرل واٹر، سیمنٹ، ماربل،سٹیل، خشک دودھ، مشروبات، امپورٹیڈ چکن، جائیداد کی خرید د و فروخت سمیت متعدد اشیا پر ٹیکس کی شرح بڑھا دی گئی ۔ اس طرح اب یہ تمام اشیا مہنگی ہو جائینگی۔ یہ وو اشیا ہیں جو عام آدمی سے لیکر امرا تک استعمال کرتے ہیں اس طرح یہ بجٹ عوام کیلئے مشکلات کا باعث بنے گا۔

ملکی ڈرامے دکھانے پر بھی میڈیا پر ود ہولڈنگ ٹیکس لگا دیا گیا

اسلام آباد وفاقی بجٹ میں میڈیا ہاوسز  پر بھی ٹیکس بڑھا کر ڈیڑھ فیصد کر دیا گیا ہے۔الیکٹرانک اور پرنٹ میڈیا پر پہلے ایک فیصدود ہولڈنگ ٹیکس تھا جو اب ڈیڑھ فیصد کر دیا گیا ہے۔ بجٹ میں غیر ملکی ڈرامے دکھانے پر بھی ود ہولڈنگ ٹیکس لگا دیا گیا ہے۔بیرون ملک بنائے جانے والے اشتہارات پر 20فیصد ٹیکس لگا دیا گیا ہے۔

حکومت بجلی پوری کرنے میں ناکام مگر صارفین پر بجلی گرانے میں کامیاب

اسلام آباد بجلی صارفین کیلئے ود ہولڈنگ ٹیکس میں اضافہ کر دیا گیا۔ پہلے یہ ٹیکس دس فیصد تھا جس کو اب بڑھا کر 12.5کیا گیا ہے۔ 20ہزار سے زائد یوٹیلیٹی بلز پر بھی ود ہولڈنگ ٹیکس میں ڈھائی فیصد اضافہ کر دیا گیا ہے۔بجلی کے کمرشل بلوں پر بھی ایک فیصد ٹیکس لگا دیا گیا۔میڈیا کمپنیوں پر بھی ٹیکس بڑھا کر ڈیڑھ فیصد کر دیا گیا ہے۔بجٹ میںبلڈرز اور ڈویلپرز پر بھی فکس ٹیکس لگانے کا فیصلہ کیا گیا ہے۔

Google Analytics Alternative