Home » Author Archives: Admin (page 3625)

Author Archives: Admin

اقوم متحد رہ کر دہشتگرد تنظیموں کو شکست دے گی۔ ترک صدر

ترک صدر طیب اردگان کا کہنا ہے دہشتگردوں کے سامنے کبھی نہیں جھکیں گے اور انہیں پر صورت شکست دیں گے۔ استبول میں خود کش حملے کے بعد ایک تقریب سے خطاب کرتے ہوئے انہوں نے کہا اقوم متحد رہ کر دہشتگرد تنظیموں اور انکے پیچھے قوتوں کو شکست دے گی۔ وزیر داخلہ ایفکان اعلیٰ کا کہنا ہے خود کش حملہ آور داعش کا ترک شہری تھا۔ ہفتے کو استقلال اسٹریٹ پر ہونے والے خود کش حملے میں پانچ غیر ملکی ہلاک ہو گئے تھے۔

ایم ایچ 370 موزمبیق سے ملنے والے ٹکڑے آسٹریلیا منتقل

موزمبیق کے ساحل سمندر سے ملنےوالے ملبے کے دو ٹکڑوں کو معائنے کے لیے آسٹریلیا منتقل کر دیا گیا ہے، جو حادثے کا شکار ہونے والی پرواز فلائٹ ایم ایچ 370 کے ہو سکتے ہیں۔

ایک ملبے کا ٹکڑا امریکہ کے ایک غیرپیشہ ور کھوجی کو فروری میں ملا اور دوسرا ملبے کا ٹکڑا دسمبر میں جنوبی افریقہ کے ایک سیاح کو ملا ۔

مارچ 2014 کو ملائشیا ایئر لائنز کی کوالالمپور سے بیجنگ جانے والی پرواز ایم ایچ 370 لاپتہ ہوگئی تھی۔ لاپتہ ہونے والے طیارے میں 239 مسافر سوار تھے ۔

آسٹریلین ٹرانسپورٹ سیفٹی بیورو نے بی بی سی کی اس بات کی تصدیق کی ہے کہ انھیں اتوار کو موزمبیق سے ملنے والے ملبے کے ٹکڑے مل گئے ہیں اور ’ملائیشیا کی تفتیشی ٹیم کے ساتھ مل کر کام کیا جائے گا۔‘

ملائیشیا کے وزیر ٹرانسپورٹ کا کہنا ہے کہ اس بات کا ’قوی امکان‘ ہے کہ موزمبیق سے بوئنگ 777 کا ملنے والا ملبہ ملائشیا ایئرلائنز کی حادثے کا شکار ہونے والی پرواز فلائٹ ایم ایچ 370 کا ہے۔

آسٹریلیا کی سربراہی میں سمندر میں طیارہ کی تلاش کی جا رہی ہے کیونکہ شبہہ ظاہر کیا جا رہا ہے کہ حادثہ سمندر کے اس حصے میں ہوا ہے جوآسٹریلیا کے قریب ہے۔

بوئنگ کے ماہرین تفتیشی کام میں مدد دے رہے ہیں۔

جس جگہ سے یہ ٹکڑا ملا ہے وہ ملبے کے سمندری بہاؤ کے ساتھ مماثلت رکھتا ہے جو یہ شاید دکھا پائے کہ ایم ایچ 370 سے ٹوٹے پھوٹے حصے کس جگہ سے آئے جس سے حادثے کی ممکنہ جگہ کی نشاندہی ہو سکتی ہے۔

شمالی کوریا نے ایک بار پھر سمندر میں میزائل داغے

جنوبی کوریا کی یونہاپ خبر رساں ایجنسی کے مطابق شمالی کوریا نے کم فاصلے پر مار کرنے والے میزائل اپنے ساحلی علاقے میں داغے ہیں۔

اس سے تین دن پہلے جنوبی کوریا نے کہا تھا کہ سنہ 2014 کے بعد پہلی بار شمالی کوریا نے درمیانی فاصلے پر مار کرنے والا میزائل سمندر میں داغا تھا۔

واشنگٹن اور سیول مشترقہ فوجی مشقیں کر رہے ہیں اور شمالی کوریا ان مشقوں کو اس پر حملہ کرنے کی تیاری سمجھتا ہے۔

یاد رہے کہ پچھلے ہفتے امریکہ نے شمالی کوریا پر مزید پابندیاں عائد کی تھیں۔ یہ پابندیاں شمالی کوریا کی جانب سے چھ جنوری 2016 کو کیے گئے جوہری تجربے اور سات فروری کے سیٹلائٹ لانچ کے بعد لگائی گئیں۔

جنوبی کوریا کی فوج معلوم کرنے کی کوشش کر رہی ہے کہ شمالی کوریا نے کس قسم کے میزائل داغے ہیں۔ اطلاعات کے مطابق یہ میزائل شمال مشرق شہر ہیم ہنگ سے داغے کیے گئے تھے۔ جمعہ کے روز شمالی کوریا نے دو بیلسٹک میزائل کا تجربہ کیا۔

امریکی حکام کے مطابق شمالی کوریا کی جانب سے فائر کیے گئے میزائلوں نے 800 کلومیٹر کا فاصلہ طے کیا۔

امریکی محکمہ دفاع کی لیفٹیننٹ کرنل مشیل بیلڈاذا نے کہا ’ہم شمالی کوریا سے درخواست کرتے ہیں کہ وہ علاقے میں کشیدگی میں اضافہ نہ کرے۔

77 غیر ملکی باشندوں نے اسلام قبول کرلیا مزید جانیئے

سعودی عرب میں گذشتہ ایک ماہ کے دوران طائف اور قطیف شہروں میں 77 غیر ملکی باشندوں نے اسلام قبول کرلیا ¾ طائف میں 66 اور قطیف میں 11 افراد دائرہ اسلام میں داخل ہوئے۔عرب ٹی وی کے مطابق سعودی عرب کے شعبہ دعوت وارشاد کے باہمی تعاون سیکشن کے ڈائریکٹر ڈاکٹر محمد السواط نے بتایا کہ جمادی الاول میں مجموعی طورپر 77 غیرملکیوں نے اسلام قبول کیا۔ڈاکٹر السواط نے بتایا کہ دائرہ اسلام میں داخل ہونے والے شہری اسلامی تعلیمات اور اسلام کے اخلاق حسنہ سے متاثر ہوئے ¾ان میں سے ایک شخص سعودی عرب کے ایک اسپتال میں عملے کے حسن سلوک سے متاثر ہو کر دائرہ اسلام میں داخل ہوا۔القطیف کے رضاکار سینٹر کے ڈائریکٹر راشد بن سعید الھاجری نے بتایا کہ جمادی الاول میں مجموعی طورپر 1031 دعوتی وتبلیغی پروگرام منعقد کیے گئے جن سے 11 ہزار 89 افراد نے استفادہ کیا ¾اس کے علاوہ 2800 دعوتی مراکز میں اسلامی تعلیمات سے متعلق لٹریچر تقسیم کیا گیا۔

ماڈل قندیل بلوچ کے بارے میں ایک فتویٰ سامنے آیا

اپنے متنازع بیانات اور تصاویر سے شہرت حاصل کرنے والی ماڈل قندیل بلوچ کے بارے میں ایک فتویٰ سامنے آیا ہے جو مولانا رفیع عثمانی کی جانب سے جاری کیا گیا ہے۔سماجی رابطوں کی ویب سائٹ ٹوئٹر پر جاری اس فتوے کے مطابق قندیل بلوچ نامی ایک اداکارہ فحاشی و عریانی اور اپنے جسم کی سرعام نمائش کررہی ہے جو کہ امت مسلمہ کیلئے لمحہ فکریہ ہے۔ موصوفہ ایک ماڈل ہیں اور سوشل میڈیا کے ذریعے نازیبا قسم کی ویڈیوز پوسٹ کررہی ہیں، جو کسی صورت قابل قبول نہیں ہے۔یاد رہے کہ قندیل بلوچ کی ان حرکات پر شدید ردعمل سامنے آرہا ہے۔

ذہنی طور پر 3 سال پہلے قافلے میں شامل ہو چکا تھا, انیس ایڈووکیٹ

مصطفیٰ کمال نے ایک اور وکٹ گرا دی ، انیس ایڈووکیٹ بھی ان کے قافلے میں شامل ہوگئے ۔ انیس ایڈووکیٹ نے مصطفیٰ کمال کے ساتھ پریس کانفرنس کرتے ہوئے کہا کہ مجھے یقین تھا کہ ایک وقت آئے گا کہ جب لوگ ہماری آواز سنیں گے ۔ کراچی کے جس خوف زدہ ماحول کو ختم کیا اور ایم کیو ایم کے کارکنوں کے ضمیر کو جھنجھوڑا وہ قابل تعریف ہے ، انہوں نے کہا کہ میں ماضی میں بھی اپنے لیڈروں کی جانب سے کئے جانے والے غلط فیصلوں کی مذمت کرتا ہوں ، میں الطاف حسین کی لمبی عمر کی دعا کرتا ہوں کہ خدا انہیں لمبی عمر دے ۔ انہوں نے کہا کہ الطاف حسین نے عوام کو فوج سے لڑا دیا اور آج وہ لوگ دربدر ہیں ، ہم نے الطاف حسین کیلئے قربانیاں دیں مگر انہوں نے ہمارے لئے کچھ نہیں کیا ، آج الطاف حسین اس حال پر ہیں کہ ان کے آنسو پونچھنے والا کوئی نہیں ، آج بھی میں انہیں سمجھانا چاہتا ہوں کہ ابھی وقت نہیں گزرا ، ابھی ان کے قدموں تلے سے زمین کھسک رہی ہے ، انہیں مہاجر قوم کی قیادت کرنے کا کوئی حق حاصل نہیں ، انہوں نے کہا کہ الطاف حسین نے 20 ہزار مہاجروں کی جانیں لیں مگر اس کے بعد بھی کچھ حاصل نہیں ہوا ، ان میں اکثریت نوجوانوں کی تھی ۔ انہوں نے کہا کہ اللہ معاف کرنے والا ہے آپ سے جو غلطیاں ہوئیں آپ ان کا ازالہ کیجیئے تاکہ آپ کو معافی مل سکے ، انہوں نے کہا کہ میں 1998 سے پاکستان سے باہر تھا اور یہ میری غلطی تھی کہ میں اپنا وطن چھوڑ کر باہر چلا گیا ، انہوں نے کہا کہ الطاف حسین فرعونیت والے ذہن کے مالک ہیں جو اللہ تعالیٰ کو پسند نہیں ، میں انہیں کہنا چاہتا ہوں کہ اب ان کے ہاتھ میں کچھ نہیں ہے ، انہیں چاہیئے کہ خود کو سدھاریں ۔ مصطفیٰ کمال نے اس موقع پر کہا کہ لوگوں میں یہ تاثر تھا کہ ہم اسٹیبلشمنٹ کے لوگ ہیں اور ایم کیو ایم حقیقی پارٹ ٹو بنا رہے ہیں ، انہوں نے کہا کہ جس دور کی ہمارے مخالف بات کر رہے ہیں کہ ان کے پاس ہزاروں لوگ موجود تھے اس دور میں کوئی نائن زیرو پر کھڑا ہونے کی ہمت نہیں کرتا تھا ۔ انیس ایڈووکیٹ نے کہا کہ خدا کے واسطے کراچی کے بچوں کو معاف کیجیئے ، لوگوں کو ان کے رشتہ داروں کے پاس جانے دیجیئے ، کیونکہ ابھی تو پارٹی شروع ہوئی ہے.

پاک چائنہ بزنس پاکستانی عوام کے لیے ایک عظیم تحفہ ہے, شہباز شریف

وزیر اعلیٰ پنجاب شہباز شریف نے کہا ہے کہ پا ک چین دوستی مفید معاشی تعاون میں بدل چکی ہے،سی پیک چین کے صدر ،وزیر اعظم اور حکومت کا پاکستانی عوام کے لیے ایک عظیم تحفہ ہے،اقتصادی راہداری منصوبے پاکستان کی تری اور خوشحالی کے ضامن ہیں،چینی سرمایہ کار دل کھول کر سرمایہ کارے کریں ہر ممکن سہولیات فراہم کریں گے،پاک چائنہ بزنس فورم سے دو طرفہ تجارتی تعلقات مزید مستحکم ہوئے ہیں۔ان خیالات کا اظہار انھوں نے پیر کے روز چین کے سرمایہ کاروں اور تاجروں کے وفد سے ملاقات کے دوران کیا،وفد نے صوبہ ژی جیانگ کے سی پی سی کے سیکرٹری کی قیادت میں وزیر اعلیٰ پنجاب شہباز شریف سے ملاقات کی جس میں پاکستان اور چین حصوصاً پنجاب کے درمیان معاشی اور کاروباری تعلقات پر تبادلہ خیال کیا گیا،جبکہ سرمایہ کاروں نے پنجاب میں انڈسٹریل پارک منصوبے میں سرمایہ کاری میں دلچسپی کا اظہار کیا۔ وزیر اعلیٰ پنجاب شہباز شریف کا کہنا تھا کہ پنجاب حکومت انڈسٹریل پارک منصوبے میں سرمایہ کاری میں دلچسپی کے اظہار کا خیرمقدم کرتی ہے،چینی سرمایہ کار دل کھول کر سرمایہ کاری کریں ہر ممکن سہولتیں دینگے ،پاک چائنہ بزنس فورم سے دو طرفہ تجارتی تعلقات مزید مستحکم ہوئے ہیں۔انھوں نے کہا کہ چین نے مشکل کی ہر گھڑی میں پاکستان سے دوستی کا ثبوت دیا ہے،سی پیک چین کے صدر ،وزیر اعظم اور حکومت کا پاکستانی عوام کے لیے ایک عظیم تحفہ ہے،پاکستانی قوم چین کے اس تاریخ ساز تحفے کو کھبی بھی فراموش نہیں کریگی۔اس موقع پر سیکرٹری کمیونسٹ پارٹی آف چائنہ ہوانگ ژی گینگ کا کہنا تھا کہ پنجاب حکومت کے ساتھ معاشی اور تجارتی تعلقات کو مزید بڑھائیں گے،سی پیک منصوبے پاکستان اور جائنہ دونوں ملکو ں کے بڑھتے معاشی تعاون کا مظہر ہیں۔ہوانگ ژی گینگ کامزیدکہناتھا کہ شہباش شریف کی قیادت میں پنجاب حکومت سرمایہ کاروں کو سہولتیں فراہم کررہی ہے۔

پرویز مشرف کسی معاہدے کے تحت بیرون ملک نہیں گئے, چودھری شجاعت

مسلم لیگ قائد اعظم کے صدر چودھری شجاعت حسین نے کہا ہے کہ پرویز مشرف کسی معاہدے کے تحت بیرون ملک نہیں گئے ، حکومت کا اجاز ت دینا مجبوری بن گیا تھا ، کہتے ہیں مسلم لیگ نواز میں بھی کوئی مصطفٰی کمال جمال دکھا سکتا ۔ انہوں نے اپوزیشن گرینڈ الائنس کا کیا فارمولہ دیا ۔ لاہور میں اپنی رہائش گاہ پر پریس کانفرنس میں مسلم لیگ ق کے صدر چودھری شجاعت کا کہنا تھا کہ پرویز مشرف کسی ڈیل یا معاہدے کے تحت بیرون ملک نہیں گئے ۔ چودھری شجاعت حسین کا کہنا تھا کہ ایم کیو ایم کو بطور جماعت تخریب کار نہیں کہا جاسکتا ۔ چودھری شجاعت حسین نے ایم کیو ایم کے بعد مسلم لیگ نواز کو بھی خبردار کر دیا ۔ حکومت کے خلاف گرینڈ الائنس کا فارمولہ بھی چودھری شجاعت حسین بتا دیا ۔ حکومت کے خلاف گو نواز گو کے نعرے تبھی کامیاب ہوسکتے ہیں جب اپوزیشن متحد ہوگی ۔

Google Analytics Alternative