Home » Author Archives: Admin (page 4115)

Author Archives: Admin

انگور کا روزانہ استعمال جسمانی وزن میں کمی

انگور کا روزانہ استعمال جسمانی وزن میں کمی کے لیے مفید ہے۔

یہ بات امریکا میں ہونے والی ایک طبی تحقیق میں سامنے آئی۔

ہاورڈ اسکول آف پبلک ہیلتھ اور ایسٹ اینجلا یونیورسٹی کی مشترکہ تحقیق میں کہا گیا ہے کہ انگوروں کا استعمال درمیانی عمر میں توند پر جمع ہونے والی چربی کی روک تھام اور جسمانی وزن میں کمی کے لیے مفید ثابت ہوسکتا ہے۔

تحقیق میں بتایا گیا ہے کہ روزانہ کچھ مقدار میں انگور کھا کر یہ فائدہ حاصل کیا جاسکتا ہے۔

محققین کے مطابق اس کی وجہ انگوروں میں پائے جانے والے قدرتی جز فلیونوئڈز ہوسکتا ہے۔

یہ جز بلڈ پریشر اور کولیسٹرول کی سطح میں کمی لانے کی صلاحیت بھی رکھتا ہے جس سے امراض قلب اور کینسر کا امکان کم ہوجاتا ہے۔

اس تحقیق کے دوران 24 برسوں میں ایک لاکھ سے زائد افراد کا جائزہ لیتے ہوئے انہیں تین گروپس میں تقسیم کیا گیا۔

ان کی غذائی عادات کے معائنے سے معلوم ہوا کہ جن افراد نے فلیونوئڈز سے بھرپور غذاﺅں کا استعمال کیا وہ اپنا جسمانی وزن متوازن رکھنے میں کامیاب رہے بلکہ اس میں کمی لائے۔

یہ جز انگور، بلیو بیری، اسٹرابری، چیری، بلیک بیری وغیرہ میں پایا جاتا ہے۔

محققین کا کہنا ہے کہ نتائج سے معلوم ہوتا ہے کہ فلیونوئڈز سے بھر پور غذا کا درمیانی عمر میں استعمال جسمانی وزن کو مستحکم رکھنے میں کامیاب رہتا ہے۔

سب سے زیادہ آمدنی امریکا اور کینیڈا سے ہوئی”فیس بک”

فیس بک نے گزشتہ سال آپ سے کتنی آمدنی حاصل کی؟ اس بات کا انحصار اس چیز پر ہے کہ آپ دنیا کے کس حصے سے تعلق رکھتے ہیں۔

فیس بک نے 27 جنوری کو اعلان کیا کہ گزشتہ سال اس کی آمدنی 18 ارب ڈالر تھی جو کہ 2014 کے مقابلے میں 40 فیصد گروتھ ہے۔

فیس بک نے گزشتہ سال چار ارب ڈالر صرف منافع میں کمائے جبکہ اس کے ہر ماہ سرگرم صارفین کی تعداد 1.6 ارب تک جاپہنچی۔

دنیا بھر میں اوسطاً ہر ایک فیس بک صارف نے تقریباً 12 ڈالر سوشل نیٹ ورکنگ ویب سائٹ کی آمدنی میں اضافہ کیا۔

فیس بک کی جانب سے مہیا کیے گئے اعداد و شمار میں واضح طور پر دیکھا جاسکتا ہے کہ کمپنی کو دنیا کے دیگر علاقوں کے مقابلے میں سب سے زیادہ آمدنی امریکا اور کینیڈا سے ہوئی۔

ایپل نے ورچوئل رئیلٹی ماہرین کومائیکروسافٹ سے توڑ کر اپنے ساتھ شامل کیا

ایپل نے اپنے ایک اور خفیہ منصوبے پر کام شروع کردیا ہے اور اس بار وہ ورچوئل رئیلٹی ٹیکنالوجی کے حوالے سے کام کررہی ہے۔

ایپل نے اس ٹیکنالوجی پر کام کرنے کے لیے سینکڑوں افراد پر مشتمل ایک خفیہ ٹیم بھی تشکیل دے دی ہے۔

اس ٹیم میں ورچوئل رئیلٹی ماہرین کو شامل کیا گیا ہے جنھیں ایپل نے مخالف کمپنیوں جیسے مائیکروسافٹ وغیرہ سے توڑ کر اپنے ساتھ شامل کیا ہے۔

رپورٹس کے مطابق ایپل کی یہ ٹیم ایک ورچوئل رئیلٹی ہیڈسیٹس کے نمونے کی تیاری کے لیے کئی ماہ سے کام کررہی ہے۔

ابھی یہ واضح نہیں کہ یہ ڈیوائس آئی فون میں توسیع ہوگی جیسے سام سنگ کا گئیر وی آر اور گوگل کا کارڈ بورڈ یا یہ اوکیلوس رفٹ یا ایچ ٹی سی وائیو کی طرح ایک خودمختار ڈیوائس ہوگی۔

ایپل اپنے اکثر منصوبوں کو برسوں تک خفیہ رکھتی ہے اور ان کے بارے میں کسی کو علم بھی نہیں ہوتا۔

جس کی مثال ایپل کے مبینہ کار کی تیاری کا منصوبہ ہے جسے پراجیکٹ ٹائٹن کا نام دیا گیا ہے۔

رپورٹس کے مطابق اس پراجیکٹ کے تحت ایپل کی جانب سے ایک الیکٹرک کار کی تیاری پر کام کیا جارہا ہے تاہم کمپنی نے ابھی تک اس کا اعتراف نہیں کیا ہے۔

تاہم ایپل کے سی ای او ٹم کک نے رواں ہفتے کے دوران کہا تھا کہ ورچوئل رئیلٹی میں چند دلچسپ اپلیکشنز موجود ہیں جن پر کام کیا جاسکتا ہے

انڈیا میں انتہائی عدم برداشت پائی جاتی ہے”شاہ رخ خان”

گزشتہ سال ’انتہائی عدم برداشت‘ پر اپنے خیالات کی وجہ سے تنازع کا سبب بننے والے بولی وڈ سپر اسٹار نے جمعہ کو اس موضوع پر سوالات کو نظر انداز کر دیا۔

بچوں کیلئے تعلیمی و تفریحی تھیم پارک کے باضابطہ اعلان کی تقریب میں موجود شاہ رخ سے جب پوچھا گیا کہ آیا ’عدم برداشت‘ پر ان کے تبصرے سے معاشرے میں شعور اجاگر ہوا؟ تو کنگ خان نے کہا کہ ’میرے خیال میں ہر موضوع کیلئے ایک مخصوص پلیٹ فارم ہوتا ہے۔ یہاں ہم بچوں کیلئے آئے ہیں، لہذا بہتر ہو گا کہ اس سوال کا مناسب پلیٹ فارم پر جواب دیا جائے‘۔

خیال رہے کہ شاہ رک نے اپنے ’متنازع‘ تبصرے میں کہا تھا کہ انڈیا میں انتہائی عدم برداشت پائی جاتی ہے۔ ان کے تبصرے پر فلمی برادری کے کئے حلقوں اور متعدد سیاست دانوں نے تنقید کا نشانہ بنایا تھا۔

شاہ رخ کے علاوہ عامر بھی گزشتہ سال ملک میں بڑھتی عدم برداشت کا ذکر کر چکےہیں

سلمان خان نے 20کروڑ روپے ٹیکس کی مد میں جمع کرائے

ممبئی: بالی ووڈ سپر اسٹار سلمان خان فلم انڈسٹری کے ٹاپ ہیروز کی لسٹ میں سر فہرست ہونے کے ساتھ ٹیکس ادا کرنے والے اداکاروں میں بھی سب سے آگے ہیں۔سلمان خان نے ٹیکس کی ادائیگی میں بولی ووڈ اسٹار اکشے کمار کو بھی پیچھے چھوڑ دیا ہے۔2015 کے مالی سال میں سلمان خان نے 20کروڑ روپے ٹیکس کی مد میں جمع کرائے جبکہ اکشے کمار16کروڑ روپے کے ساتھ دوسرے نمبر پر رہے۔انڈسٹری کے دیگر ٹیکس ادا کرنے والے اداکاروں میں میگا اسٹار امیتابھ بچن، شاہ رخ خان اور رنبیر کپورکے نام شامل ہیں۔ممبئی کے آئی ٹی ڈپارٹمنٹ کی جانب سے پیش کیے جانے والے اعدادوشمار کی فہرست کے مطابق گزشتہ سال رنبیر کپور نے 15کروڑ اور شاہ رخ خان نے ٹیکس کی مد میں 14کروڑ روپے جمع کرائے۔

کاجول اور شاہ رخ کی جوڑی کو ماضی کی طرح پذیرائی نہیں مل سکی

ممبئی:  بالی ووڈ اداکار شا ہ رخ خان اورکاجول کی فلم “دل والے” نے باکس آفس پر خوب بزنس تو کما یا لیکن ایوارڈز اور پزیرائی لینے کی قطارمیں وہ پیچھے رہی لیکن پھر بھی سب سے زیادہ پسند کی جانے والی اس جوڑی نے بالی ووڈ میں درجہ بندی کرنے والے انڈیکس ٹائمز سیلیبکس میں شا ہ رخ خان اور کاجول سرفہرست رہے۔بھارتی میڈیا رپورٹس کے مطابق بالی ووڈ اداکارشا ہ رخ خان اورکاجول نے اپنی فلم “دل والے” کی ریلیزسے پہلے ہی مداحوں کے دل جیت لیے تھے تاہم فلم کی ریلیز کے بعد باکس آفس پرتوکامیاب رہی لیکن وہ اتنی داد وصول نہیں کر پائے جتنی انڈسٹری کی جانب سے توقع کی جارہی تھی۔ کنگ خان اورکاجول کی اس فلم کی ناکامی کے بعد پھربھی سب سے آگے ہیں۔بالی ووڈ میں اداکاروں کے درمیان ہر ماہ درجہ بندی کرنے والے اداراے ٹائمز سلیبیکس کے مطابق بالی ووڈ کنگ خان فلم دل والے ، رئیس اور فین کی خبروں کے حوالے سے سب کی نظروں میں تھے اسی لیے گزشتہ ماہ مداحوں کی جانب سے اداکاروں میں سب سے زیادہ پسند کیے جانے والے اداکارقرارپائے جب کہ دوسرے نمبردبنگ خان اور تیسرے پررنویرسنگھ رہے۔دوسری جانب کاجول بھی 5 سال بعد فلم انڈسٹری میں قدم رکھنے کے حوالے سے زبان زد عام پر تھیں جے بعد انہوں نے مداحوں میں خاصی پزیرائی حاصل کی جب کہ دوسرے نمبر پر پرینکا چوپڑا اور تیسرے نمبر پر دیپیکا پڈوکون رہیں۔واضح رہے کہ فلم ’دل والے‘ باکس آفس پر350 کروڑسے زائد کا بزنس کرنے میں کامیاب ہوئی تاہم فلم میں کاجول اور شاہ رخ کی جوڑی کو ماضی کی طرح پذیرائی نہیں مل سکی جب کہ فلم میں کاجول کا کرادر بھی ایسا جاندار نہیں تھا کہ وہ فلم بینوں کی دلچسپی کا باعث بن سکتا

ویسٹ انڈیز نے ورلڈ ٹی ٹوئنٹی کے لیے باقاعدہ اسکواڈ کا اعلان کردیا

انٹیگا: ویسٹ انڈیز نے ورلڈ ٹی ٹوئنٹی کے لیے باقاعدہ اسکواڈ کا اعلان کردیا ، ڈیرن سیمی ٹیم کی قیادت کریں گے جبکہ باؤلنگ پر پابندی کے شکار سنیل نرائن کو بھی 15 رکنی اسکواڈ میں شامل کیا گیا ہے۔ہندوستان جانے والی دنیا کی نمبر ایک ٹی ٹوئنٹی ٹیم میں شامل 11 کھلاڑی ایسے ہیں جو چار سال قبل سری لنکا میں ورلڈ ٹی ٹوئنٹی جیتنے والی ٹیم کا حصہ تھے۔ویسٹ انڈیز کرکٹ بورڈ نے سنیل نرائن کو پابندی کے باوجود ٹیم میں شامل کرکے حیران کن فیصلہ کیا ہے۔27 سالہ سنیل نرائن کو گزشتہ برس نومبر میں سری لنکا کے خلاف ون ڈے سیریز میں مشکوک باؤلنگ ایکشن کی نشاندہی پر آئی سی سی نے بین الاقوامی مقابلوں میں باؤلنگ سے معطل کردیا تھا۔سنیل نرائن کو گزشتہ سال ون ڈے ورلڈکپ کے لیے بھی ابتدائی طورپر ٹیم میں شامل کیا گیا تھا تاہم انھیں ایکشن کی درستی کی خاطر ٹیم سے ان کا نام واپس لیا گیا تھا۔ویسٹ انڈیز کا ورلڈ ٹی ٹوئنٹی اسکواڈ 22 فروری سے 6 مارچ تک تربیتی کیمپ کے لیے متحدہ عرب امارات میں جمع ہوگا جہاں سے 7 مارچ کو ہندوستان روانہ ہوگا۔ورلڈ ٹی ٹوئنٹی کے پہلے گروپ میں ویسٹ انڈیز کے ساتھ انگلینڈ، جنوبی افریقہ، سری لنکا اور ایک کوالیفائر ٹیم شامل ہوگی۔اسکواڈ میں شامل کھلاڑیوں کے نام یہ ہیں۔ڈیرن سیمی(کپتان)، سیموئیل بدری، کرس گیل، سلیمان بین، ڈیرن براوو، ڈیون براوو، آندرے فلیچر، جیسن ہولڈر، سنیل نرائن، کیرون پولارڈ، دنیشن رام دین، آندرے رسل، مارلن سیموئلز، لینڈل سمنز اور جیروم ٹیلرورلڈ ٹی ٹوئنٹی 8 مارچ سے 3 اپریل تک ہندوستان میں کھیلا جائے گا.

چھو ٹے اکمل کی جگہ بڑے اکمل کو کھلائے جانے کا امکان

کراچی:  ٹی ٹوئنٹی ورلڈ کپ2016 کے قومی ٹیم کے سکواڈ میں عمر اکمل کو ٹیم سے باہر اور کامران اکمل کو کھلائے جانے کا امکان ہے۔نجی ٹی وی چینل نے ذرائع کے حوالے سے دعویٰ کیا ہے کہ ٹیم مینجمنٹ مڈل آرڈر بلے باز عمر اکمل کے رویے سے کافی نالاں ہے اور انہیں ورلڈ کپ سکواڈ سے ڈراپ کرنا چاہتی ہے جبکہ ان کی جگہ انہی کے بڑے بھائی کامران اکمل جو کہ کافی عرصے سے ٹیم سے باہر ہیں کو ٹیم میں شامل کیے جانے کا امکان ہے۔ کامران اکمل کی شمولیت کے حوالے سے قومی ٹی 20 ٹیم کے کپتان شاہد آفریدی نے بھی رضامندی ظاہر کردی ہے

Google Analytics Alternative