- الإعلانات -

سونے کی قیمتوں میں کمی کا رجحان

ریاض : سعودی مارکیٹ میں جمعے کو بھی سونے کے نرخوں میں کمی ریکارڈ کی گئی ہے، سعودی ذرائع ابلاغ کے مطابق جمعے کو 24 قیراط ایک گرام سونے کی قیمت223.41 ریال ہوگئی جبکہ جمعرات کو 226.18 ریال تھی۔

مملکت میں21 قیراط سونے کی مانگ دیگر کے مقابلے میں زیادہ ہے۔21 قیراط ایک گرام کی قیمت جمعے کو195.48 ریال رہی جبکہ جمعرات کو اس کی قیمت197.91 ریال تھی۔

سعودی عرب میں18 قیراط سونے کی قیمت بھی کم ہوئی ہے، جمعرات کو169.64 ریال تھی ۔ جمعے کو کم ہو کر اس کی قیمت 167.56 ریال ہوگئی۔

ایک اونس سونے کی قیمت6948.75 ریال ہوگئی جبکہ جمعرات کو7035 ریال تھی۔ سونے کی گنی (8 گرام 21 قیراط) کی قیمت جمعرات کو 1583.27 ریال تھی جو جمعہ کو گھٹ کر1563.86 ریال ہوگئی ہے، عالمی منڈی میں بھی جمعے کو سونے کے نرخ دو ماہ کے مقابلے میں کم ہوئے ہیں۔