- الإعلانات -

لہسن اور ادرک کی قلت کا بحران ٹل گیا

ملک میں لہسن اورادرک کی قلت کا بحران ٹل گیا، پلانٹ پروٹیکشن ڈپارٹمنٹ نے امپورٹ رولز کیخلاف ورزی پر روکےگئے لہسن اورادرک کے سیکڑوں کنٹینرزریلیز کرنے کا فیصلہ کر لیا۔

پلانٹ پروٹیکشن ڈپارٹمنٹ کے حکام کے مطابق امپورٹرز کو آئندہ امپورٹ پرمٹ اور فائیٹو سرٹیفکیٹ دونوں شرائط پوری کرنے کی وارننگ دیتے ہوئے یہ فیصلہ کیا گیا ہے۔

حکام کےمطابق قواعد و ضوابط کی لازمی عوام کی صحت کے لیے ضروری ہے اور اس کا ہر قیمت پر خیال رکھا جائے گا، بندرگاہوں پر سیکڑوں کنٹینرز 10 دن قبل روک دیے گئے ، جن میں مختلف ممالک سے امپورٹڈ پھلوں کے کنٹینرز بھی شامل ہیں۔

امپورٹرز کے مطابق بندرگاہوں پر پڑے کنٹینرز پر جرمانہ اور ریفریجریشن کے اخراجات دینے پڑ رہے تھے۔