- الإعلانات -

وزیرخزانہ اسحاق ڈار کا عالمی بینک کے صدر کو خط

وزیرخزانہ اسحاق ڈار نے عالمی بینک کے صدر کو خط لکھا ہے جس میں سندھ طاس معاہدے پر ثالثی عدالت بنانے کا عمل روکنے پر شدید تحفظات کا اظہار کیا ہے۔

وزیر خزانہ نے عالمی بینک کے 12 دسمبر کو بھیجے گئے خط پر جواب بھیجا ہے،وزیر خزانہ نے خط میں کہا ہے کہ عالمی بینک کے فیصلے سے سندھ طاس معاہدے کے تحت پاکستان کے مفادات متاثر ہوں گے۔

خط میں یہ بھی کہا گیا ہے کہ ثالثی عدالت کے چیئرمین کے تقرر پر غیر ضروری طور پر طویل تاخیر کی گئی۔

خط میں مطالبہ کیا گیا ہے کہ عالمی بینک سندھ طاس معاہدے کے تحت اپنی ذمہ داریاں پوری کرے اور فوری ثالثی عدالت کے چیئرمین کا تقرر کرے۔