- الإعلانات -

کلبھوشن یادیوکو سزائے موت۔۔۔!

ماہِ رواں کی دس تاریخ کو گزشتہ سال پاکستان میں پکڑے جا نے والے بھارتی خفیہ ایجنسی ’’ را ‘‘ کے ایجنڈ کل بُھوشن یادیوکو سزا ئے موت کی سزا سُنا دی گئی ہے، پاکستانیوں کو یہی اُمید تھی اور یہی ہر پاکستانی کا مطالبہ تھاکہ بھارتی ایجنٹ کو ہر صورت میں سزا ئے موت دی جا ئے اور ایسا ہی ہوگیاہے جیسا کہ ہر پاکستانی کی دلی آرزو تھی، آج اگر ایسا نہ کیا جاتاجیساکہ فیصلہ ہوا ہے تو پاکستانی عوام کے ذہن پر کچھ اور اثرات مرتب ہوتے یہ بہت اچھا ہوا کہ ن لیگ کی حکومت نے بھارت سے اپنے تمام تر سیاسی و ذاتی اور معاشی و معاشرتی تعلقات اور ہر قسم کی مصالحتی اور مفاہمتی پالیسیوں کو بلائے طاق رکھتے ہوئے خالصتاََ مُلکی سا لمیت اور خود مختار ی کو ملحوظِ خاطر رکھتے ہوئے فوجی عدالت سے بھارتی جاسوس کل بُھوشن یادیو کو سزا ئے موت کے فیصلے کو خندہ پیشانی سے تسلیم کرلیاہے یقیناًپاکستانی فوجی عدالت کے اِس فیصلے نے جہاں مُلکی اور عا لمی تاریخ میں ایک نئے باب کا اضافہ کردیاہے تووہیں بھارتی حکمرانوں کے پیٹ میں بھی مروڑ اُٹھنے شروع ہوگئے ہیں مگر پھر بھی بھارتی حکمران اپنی اِس حالتِ دیوانگی سے بے خبر ہوئے جا رہے ہیں جن کے دماغ میں بس اپنے بیٹے کل بُھوشن یادیو کو موت کے منہ سے نکالنے کابھوت سوار ہے جو کہ ناممکن ہی لگتا ہے کہ اَب بھارتی پاکستان مخالف پرو پیگنڈے سے پاکستان کے چُنگل سے اپنے بیٹے کلبُھوشن کو نکال لے بھاگیں ۔بہر حال ،یہ تو ہمیشہ ہی سے دنیا میں پا ئی جا نے والی اقوام اور ممالک کی تاریخ رہی ہے کہ جب کبھی کسی دوسرے ملک کا کوئی بھی جا سوس کہیں پکڑاگیاہے تواُسے موت کی سزا سے کم یا زیادہ کی سزا نہیں ہوئی ہے اَب یہ اور بات ہے کہ کبھی کسی نے کسی مُلک کے جا سوس کو پکڑا اور کسی سے اپنے اچھے روابط برقرار رکھنے کے خاطر بغیر کسی دباؤ کے چھوڑدیا ہو ،مگرکسی بھی مُلک نے کسی بھی لمحے یہ پریکٹس نہیں بنائی کہ وہ ہمیشہ ہی ایسا کرے گا اور کسی کو یہ بھی زیب نہیں دیتا ہے کہ کوئی کسی دوسرے مُلک میں اپنے جاسوس کے پکڑے جا نے پر آگ بگولہ ہوجا ئے ، اورقصوروار ہوکر بھی جنگ کی دھمکی دے کل بُھوشن کو اپنی ضد اور اَنا کہ مسئلہ بناکر نہ صرف بھارت بلکہ دنیا بھر میں بھی دردر پہ جا کر سینہ کوبی کرتے ہوئے یہ کہہ رہاہے کہ ’’اپنے بیٹے کلبُھوشن کو بچانے کیلئے ہر حد تک جا ئیں گے،چاہے پاک بھار ت تعلقات خراب ہی کیوں نہ ہوجا ئیں، بھارتی بیٹے کلبُھوشن کو بچا نے کے لئے پاک بھارت جنگ سے بھی بھارت دریغ نہیں کرے گا‘‘جیسے دھمکی آمیز الفاظ استعمال کررہاہے ۔اَب جس سے یہ صاف ظاہر ہے کہ آج بھارت جس شخص کلبُھوشن یادیو کو اپنا بیٹا قرار دے رہاہے انداز ہ کیجئے کہ یہ شخص بھارت کے لئے پاکستان میں را کے ایجنٹ کی حیثیت سے پاکستان مخالف سرگرمیوں کے حوالوں سے کتنا کام کرچکا ہے اور بھارت اپنے اِس بیٹے سے کتنا خوش ہے ؟ کہ آج جب اِسے پاکستان میں فوجی عدالت / ملٹری کورٹ سے موت کی سزا سُنا ئی گئی ہے تو بھارت اپنے بیٹے کی جان بخشی کیلئے ہر حد تک جا نے کو تیار ہے حالانکہ اِس موقع پر بھارت کو کل بُھوشن یادیو سے لا تعلقی کا اظہار کرنا چا ہئے تھا اور بھارت کو شرمندہ ہونا چا ہئے تھا مگر ہٹ دھرمی کی انتہایہ ہے کہ کم بخت بغیرت بھارت چوری اور سینہ جوڑی پر اُترآیا ہے اُلٹا ایک کل بُھوشن یادیو کو بچا نے کیلئے پاکستان کو عبرت ناک انجام سے دوچار کرنے کیلئے جنگ کی دھمکی دے رہاہے ۔جبکہ یہ حقیقت روزِ روشن کی طرح عیان ہوچکی ہے کہ پاکستان میں پاکستان مخالف سرگرمیوں کے حوالے سے بھارتی خفیہ ایجنسی را کیلئے فرنٹ مین کا رول ادا کرنے والے بھارتی بحریہ کے حاضر سروس آفیسر جس کا نمبر 41885 ہے اور نام جس کا کمانڈرکلبُھوشن سدھیر یادیو المعروف مسٹر حُسین مبارک پٹیل ہے جِسے گزشتہ سال 3امارچ 2016کو ایک خفیہ اطلاع پر ہنگامی آپریشن کے دوران بلوچستان کے علاقے ماشکیل سے پاکستان مخالف دہشت گردی و تخریب کاری اور جا سوسی کی سرگرمیوں میں رنگے ہاتھوں تمام شواہد کے ساتھ کے ملوث پاکر گرفتار کیا تھا اور کل بُھوشن یادیو بھی با حالتِ ہوش و حواس اِس بات کا کھلے الفاظ میں اعتراف کرچکاہے کہ وہ بھارتی ایجنسی را کا سرگرم جاسوس ہے اور بھارتی پڑوسی ملک پاکستان کی سا لمیت کو اپنی مکروہ اور غیرقانونی پاکستان مخالف سرگرمیوں سے شدید نقصان پہنچاتا رہاہے اور اِس کا عزمِ خاص رہاتھا کہ یہ پاکستان رہ کر بھارت کی فنڈنگ سے اپنی پاکستان مخالف سرگرمیوں سے ہمیشہ پاکستان کو دہشت گردی اور تخریب کارکا نشا نہ بناتا رہے گا اور پاکستان کو غیر مستحکم کرتا رہے گامگر اِس کا یہ گھناؤنا اور مکروہ خواب و عزم اور منصوبہ اُس وقت خاک میں مل گیاجب اِس کی ایک آپریشن کے دوران عبرت ناک انداز سے گرفتاری ہوئی تو اِس بھارتی جاسوس کا سارا پلان چکنا چور ہوگیااور آج یہ پاکستان کی ملٹری کورٹ سے موت کی سزا سُنا ئے جانے کے بعد اپنی زندگی کے آخری دن گن رہاہے۔اَب جِسے پاکستان کے قومی اداروں کو بغیر کسی بھارتی اور عالمی دبا کے ہر حا ل میں حقیقی رنگ دینا پڑے گا ورنہ پاکستان سمیت دنیا بھر میں پاکستانی عوام اور اداروں کا امیج کچھ اور انداز سے اُبھر کر سامنے آئے گا ۔
قربِ قیامت۔۔۔۔۔۔ شوق موسوی
دیانت کا وہ درس دیں گے ہمیں
جو خود بد دیانت ہیں مکار ہیں
نثار اُس پہ یہ بات جس نے کہی
یہ قربِ قیامت کے آثار ہیں