- الإعلانات -

دلیپ کمار طبیعت ناساز ہونے پر ہسپتال منتقل

ممبئی۔ بالی وڈ کے معروف اداکار دلیپ کمار کی طبیعت ناساز ہونے پر انہیںہسپتال منتقل کر دیا گیا ہے۔برطانوی نشریاتی ادارے کے مطابق دلیپ کمار اور ان کی اہلیہ سائرہ بانو کے مینجر مرشد نے بتایا کہ دلیپ کمارکو ممبئی کے لیلاوتی ہسپتال لے جایا گیا ہے۔مینجر مرشد کے مطابق دلیپ کمار کو ہلکا بخار ہے اور سانس لینے میں دقت ہو رہی تھی۔ دلیپ کمار ابھی دو تین دن کے لیے ہسپتال میں رہیں گے اور وہ عام وارڈ میں داخل ہیں۔واضح رہے کہ 93 سالہ دلیپ کمار نے 1944ءمیں فلم ’جوار بھاٹا‘ سے اپنے کریئر کا آغاز کیا تھا۔ ان کا فلمی کریئر چھ دہائیوں سے زیادہ عرصے پر محیط ہے ۔گذشتہ سال بھارتی حکومت نے انھیں دوسرے سب سے بڑے شہری اعزاز ’پدم وبھوشن‘ سے نوازا تھا۔