- الإعلانات -

گلوکارہ فریحہ پرویز نے شوہر کے خلاف دعویٰ دائر کردیا

نامور گلوکارہ فریحہ پرویز نے اپنے شوہر نعمان جاوید سے خلع کے لیے دعویٰ دائر کر دیا ۔گلوکارہ فریحہ پرویز نے اپنے شوہر سے بہتر تعلقات نہ ہونے پرعلیحدگی کے لیے دعویٰ سول جج نوید اختر کی عدالت میں دائر کیا جس میں موقف اختیار کیا گیا کہ نعمان جاوید کے ساتھ تعلقات بہتر نہیں، وہ حقوق پورے نہیں کررہے جس کے باعث بقیہ زندگی ان کے ساتھ نہیں گزار سکتی۔ سول جج نوید اختر نے فریقین کو نوٹس نوٹس جاری کرتے ہوئے 12جون کو طلب کر لیا۔واضح رہے کہ فریحہ پرویزاورنعمان جاوید کے درمیان 3ماہ قبل ہی شادی ہوئی تھی جبکہ گلوکارہ کے شوہرنعمان جاوید نے کچھ عرصے قبل خودکشی کی کوشش کی تھی۔ ان کا کہنا تھا کہ وہ اپنی ازدواجی حیثیت برقرار رکھنے سے متعلق کافی فکرمند ہیں.