- الإعلانات -

رونالڈو کے عمل نے کرینہ کو ماضی یاد کروا دیا

پرتگال کے اسٹار فٹبالر کرسٹیانو رونالڈو کے عمل نے جہاں پوری دنیا کی توجہ اپنی جانب مبذول کروائی وہیں بالی وڈ اداکارہ کرینہ کپور بھی اس معاملے پر ردعمل دیے بغیر نا رہ سکیں۔ چند روز قبل فٹبالر نے پریس کانفرنس کے آغاز پر سافٹ ڈرنک کی بوتلیں کیمرے کے آگے سے ہٹا دی تھیں اور ان کی جگہ پانی کی بوتلوں کو ترجیح دی تھی۔

اس حوالے سے اداکارہ کرینہ کپور نے مقبول ترین فلم ‘جب وی میٹ’ کا ایک ڈائیلاگ اپنی انسٹاگرام اسٹوری پر شیئر کیا ہے۔ ڈائیلاگ میں کرینہ (گیت) کہتی ہے کہ ‘کولا سوڈا سب اپنی جگہ پر ہیں لیکن پانی کا کام پانی ہی کرتا ہے’۔

کرینہ کپور کی اسٹوری سوشل میڈیا پر خوب وائرل ہو رہی ہے جبکہ صارفین اپنے دلچسپ تبصرے بھی پیش کر رہے ہیں۔