- الإعلانات -

بچے کی حوالگی کا معاملہ ،حمیرا ارشد کی عدالت میں پیشی

لاہور کی سیشن عدالت میں گلوکارہ حمیرا ارشد اور احمد بٹ میں بیٹے کی تحویل کےلیے دائر کیس کی سماعت ہوئی ، وکلا کی ہڑتا ل کے باعث فیصلہ محفوظ کرتے ہوئے کیس کی سماعت ایک روز کے لیے ملتوی کر دی گئی۔

ایڈیشنل سیشن جج غلام عباس سیال کی عدالت میں حمیرا ارشد اپنے وکیل کے ہمراہ پیش ہوئیں ،حمیرا ارشدکی جانب سےمتعدد دلیلیں پیش کی گئیں۔

میڈیا سے گفتگو میں حمیرا ارشد کا کہنا تھا کہ احمد بٹ ان پر لگاتا ر الزامات لگا رہے ہیں اگر وہ منشیات میں ملوث ہو تیں تو 12 سال بعد اعتراض کیو ں کیا جارہا ہے جبکہ احمد بٹ کا کہنا تھا کہ وہ حمیرا کی عزت کرتے تھے لیکن انجام ایسا ہو گا معلوم نہیں تھا۔

عدالت کی جانب سے آج فیصلہ سنایا جاناتھا لیکن وکلاء کی ہڑتال کے باعث فیصلہ محفوظ کر کے سماعت ایک روز کے لئے ملتو ی کر دی گئی۔