- الإعلانات -

کم کرڈیشیئن ویسٹ نے مقدمہ واپس لے لیا,معافی نامے کے بعد معاملے کو رفع دفع کر دیا

امریکی ماڈل اور ٹی وی سٹار کم کرڈیشیئن ویسٹ نے ایک ویب سائٹ کے خلاف ہتکِ عزت کا مقدمہ واپس لے لیا ہے۔

ویب سائٹ نے کہا تھا کہ پیرس میں کم کرڈیشیئن نے اپنے لوٹے جانے کی جھوٹی افواہ پھیلائی تھی۔ ان کے وکیل نے کہا ہے کہ طرفین نے اس مسئلے کو حل کر لیا ہے۔

ریئلٹی سٹار نے ویب سائٹ ’گاسپ سائٹ میڈیا ٹیک آؤٹ‘ کو عدالت میں لے جانے کی بات کی تھی لیکن انھوں نے معافی نامے کے بعد معاملے کو رفع دفع کر دیا ہے۔

ویب سائٹ نے کہا تھا کہ 35 سالہ اداکارہ نے رواں ماہ کے اوائل میں بندوق کے زور پر فرانسیسی دارالحکومت کے ایک لگژری اپارٹمنٹ میں اپنے لوٹے جانے کی جھوٹی خبر پھیلائی تھی۔

کم کرڈیشیئن نے انشورنس کمپنی کو بتایا تھا کہ اُن کے لاکھوں ڈالر کے زیوارت بھی چوری ہو گئے ہیں۔

پولیس کا کہنا ہے کہ رواں ماہ کے اوائل میں مسلح ڈاکوؤں نے پولیس کی وردی میں کم کرڈیشیئن کو پیرس کے ایک فلیٹ میں بندوق کے زور پر لوٹ لیا تھا اور زیورات کا ڈبہ لے کر فرار ہو گئے تھے۔ جس میں تقریبا 67 لاکھ ڈالر کے زیورات تھے۔