- الإعلانات -

مسٹر بین کے انتقال کی جھوٹی خبر انٹرنیٹ پر دوبارہ وائرل

رپورٹس کے مطابق یہ نویں مرتبہ ہے جب مشہور برطانوی اداکار روان ایٹکنسن کی موت کی جھوٹی خبر کو سوشل میڈیا پر پھیلایا گیا۔

لندن: (ویب ڈیسک) سوشل میڈیا پر مشہور اداکار روان ایٹکنسن کی موت کی خبر نشر کر کے ایک مرتبہ پھر سنسنی پھیلا دی گئی، جس سے ان کے مداح شدید غم وغصے میں ہیں۔ ہوا یوں کہ سماجی رابطوں کی ویب سائٹ فس بک کے ذریعے روان ایٹکنسن کے انتقال کی جھوٹی خبر نشر کی گئی۔ ان کے مداحوں نے جیسے ہی یہ خبر پڑھی تو ان کے پاؤں سے زمین نکل گئی۔ اس خبر کے مطابق مسٹر بین کے کردار سے مشہور برطانوی اداکار امریکی شہر لاس اینجلس میں ایک ٹریفک حادثے میں ہلاک ہو گئے ہیں۔ اس خبر کو سماجی رابطوں کی ویب سائٹ فیس بک اور ٹویٹر کے ذریعے پھیلایا گیا تھا۔ روان ایٹکنسن کے مداحوں کو جب اس خبر کے جھوٹے ہونے کا پتہ چلا تو ان کی جان میں جان آئی لیکن اس خبر کو کھولنے کی صورت میں انھیں نقصان بھی اٹھانا پڑا کیونکہ اس نیوز میں کمپیوٹر وائرس تھا۔ خیال رہے کہ روان ایٹکنسن کو کو سوشل میڈیا کے ذریعے اب تک 9 بار ہلاک کیا جا چکا ہے۔