- الإعلانات -

انندیتا داس اور انوپم کھیر کا جلد کراچی آمد

کراچی :  جیو کی سپرہٹ فلم رام چند پاکستانی، کی ہیروئین اور بھارتی فلموں کی نام ور اداکارہ نندیتا داس اور بالی وڈ کے معروف اداکار انوپم کھیر، آئندہ ماہ کراچی پہنچیں گے۔ وہ اپنے دورئہ پاکستان کے دوران، عالمی شہرت یافتہ سماجی رہنما عبدالستار ایدھی سے بھی ملاقات کریں گے۔ تفصیلات کے مطابق بھارتی فلموں کی معروف اداکارہ نندیتا داس اور انوپم کھیر 4فروری کو تین روزہ دورے پر کراچی پہنچ رہے ہیں۔ دونوں فن کار اس سے قبل بھی کراچی آچکے ہیں۔ اس سلسلے میں نندیتا داس کا کہنا ہے کہ میں نے جیو کی فلم میں کام کرکے بہت انجوائے کیا تھا، شوٹنگز کے دن آج بھی مجھے اچھی طرح یاد ہے، میں تھر کی سرزمین کو کیسے فراموش کرسکتی ہوں، جہاں ہم نے فلم ’’رام چند پاکستانی‘‘ کی شوٹنگ کی تھی۔ کراچی والوں نے مجھے بہت محبتوں سے نوازا تھا، ایک مرتبہ پھر کراچی لٹریچر فیسٹیول میں محبتیں سمیٹنے آرہی ہوں۔ اداکار انوپم کھیر کا کہنا ہے کہ میں ائرپورٹ سے سیدھا عبدالستار ایدھی سے ملنے جائوں گا اور ان کی طبیعت معلوم کروں گا۔