انٹر ٹینمنٹ

’سڑک آپ کے باپ کی نہیں‘، سوشل میڈیاصارفین نے اکشے کمار کو آڑے ہاتھوں لے لیا

ممبئی: بالی ووڈ کے ایکشن ہیرو اکشے کمار کو سوشل میڈیا پر موٹر سائیکل پر سواری کرتے ہوئے تصویر شیئر کرنا مہنگا پڑگیا صارفین نے انہیں شدید تنقید کا نشانہ بناڈالا۔

اکشے کمار کا شمار بالی ووڈ کے ان اداکاروں میں ہوتا ہے جو روایتی کمرشل فلموں سے ہٹ کرایسی فلموں میں کام کرنا پسند کرتے ہیں جس میں لوگوں کو معاشرے کے سدھار کے حوالے سے کوئی پیغام دیاجائے اور صرف فلموں میں ہی نہیں وہ بہت سی ایسی مہمات کا حصہ بھی ہیں جو لوگوں میں شعور اجاگر کرنے کے لیے کام کرتی ہیں۔

گزشتہ برس اکشے کمار نے اپنے سوشل میڈیا اکاؤنٹ پر چند ویڈیوز شیئر کی تھیں جس میں وہ لوگوں کو موٹر سائیکل چلاتے وقت ہیلمٹ پہننے کا سبق دیتے نظر آرہے تھے، اور ہیلمٹ نہ پہننے کی صورت میں وہ لوگوں کو اس کے خطرناک نتائج سے آگاہ کرتے ہوئے کہہ رہے تھے کہ ’’سڑک تمہارے باپ کی نہیں ہے‘‘۔

تاہم شاید اکشے کمار اپنا پڑھایا ہوا سبق خود ہی بھول گئے۔ بالی ووڈ کے کھلاڑی نے چند روز قبل اپنے انسٹاگرام پرایک تصویر شیئر کی تھی جس میں وہ بغیر ہیلمٹ پہنے موٹر سائیکل چلاتے نظر آرہے ہیں، بس یہ تصویر شیئر کرنے کی دیر تھی کہ لوگوں نے انہیں آڑے ہاتھوں لیتے ہوئے شدید تنقید کا نشانہ بناڈالا۔

سوشل میڈیا صارفین نے اکشے کمار کو ہیلمٹ نہ پہننے پر ان کی پرانی ویڈیوز کا حوالہ دیتے ہوئے کہا ’’ہیلمٹ کہاں ہے؟‘‘، ’’بڑا گیان پھیلاتا تھا (دانشوری بھگارتاتھا) اب ہیلمٹ کہاں ہے بھائی۔‘‘ جب کہ ایک صارف نے تو اکشے کمار کے الفاظ ان ہی کو لوٹاتے ہوئے کہا ’’ہیلمٹ کہاں ہے؟ روڈ آپ کے باپ کی نہیں ہے، ایسا ہی کہتے ہیں نہ آپ۔‘‘

مہوش حیات کا نیا آئٹم سانگ ’’گینگسٹر گڑیا‘‘سوشل میڈیا پر مقبول

کراچی: خوبرو پاکستانی اداکارہ مہوش حیات کا نیا آئٹم سانگ ’’گینگسٹر گڑیا‘‘ سوشل میڈیا پر مقبول ہورہاہے۔

اداکارہ مہوش حیات اداکاری میں تو اپنی صلاحیتوں کا لوہا منوا چکی ہیں تاہم فلموں میں آئٹم نمبرز کے لیے فلمسازوں کی پہلی پسند بھی مہوش حیات ہی ہوتی ہیں۔ مہوش فلم ’’نامعلوم افراد‘‘ میں ’’بلی‘‘ اور ’’چھلاوا‘‘میں ’’چڑیا‘‘ جیسے آئٹم نمبرز پر پرفارم کرچکی ہیں۔ جہاں ان کے آئٹم نمبرز مداحوں میں مقبول ہوئے، وہیں انہیں آئٹم نمبرز پر پرفارم کرنے کے لیے شدید تنقید کا نشانہ بھی بنایا گیا لیکن وہ مہوش حیات ہی کیا جو تنقید سے ڈر جائیں۔

حال ہی میں مہوش حیات کافلم ’’باجی‘‘ کے لیے فلمایا گیا نیا آئٹم سانگ ’’گینگسٹرگڑیا‘‘ لوگوں کی توجہ کا مرکز بناہوا ہے جس میں مہوش گینگسٹر بنیں اپنے رقص اور قاتل اداؤں سے لوگوں کولُبھاتی نظر آرہی ہیں۔

گانے کی خاص بات یہ ہے کہ اسے بالی ووڈ کی نامور گلوکارہ سنیدھی چوہان نے گایا ہے جب کہ اس کی اوریجنل کمپوزیشن طحہٰ ملک نے کی ہے۔ گانے کے بول عثمان خالد بٹ نے لکھے ہیں اور کوریوگرافی بھی انہوں نے ہی کی ہے۔

واضح رہے کہ اداکارہ میرا کی فلم ’’باجی‘‘ رواں ماہ 28 جون کو نمائش کے لیے پیش کی جائے گی، فلم میں اداکاہ میرا اور عثمان خالد بٹ کے علاوہ اداکار محسن عباس حیدر اور ماڈل و اداکارہ آمنہ الیاس بھی اداکاری کے جوہر دکھاتی نظر آئیں گی، فلم کا انتظار شائقین بے صبری سے کررہے ہیں۔

عاطف اسلم کا بھارت کی سڑکوں پر ’’تاجدار حرم‘‘ پڑھنے والے شخص کو سلام

لاہور: بین الاقوامی شہرت یافتہ گلوکار عاطف اسلم کو بھارت کی سڑکوں پر ’’تاجدار حرم‘‘ پڑھنے والے شخص کی  آواز نے اپنا گرویدہ بنا لیا۔

عالمی شہرت یافتہ گلوکار عاطف اسلم اپنی خوبصورت آواز کی وجہ سے اپنی مثال آپ ہیں۔ اُن کی آواز نے نہ صرف پاکستان بلکہ پڑوسی ملک بھارت میں بھی سحر طاری کر رکھا ہے یہاں تک کہ عاطف اسلم کے گیتوں کے بغیر بھارتی فلموں کو ادھورا سمجھا جاتا ہے۔

عاطف اسلم کی خاص بات یہ ہے کہ وہ اپنے با کمال فن استعمال کرتے وقت دوسرے کے فن کو بھی قدر کی نگاہ سے دیکھتے ہیں۔ یہی وجہ ہے کہ وہ پاکستان میں چھپے ٹیلنٹ کو سامنے لانے کے لئے بھی جدو جہد کرتے ہیں۔ لیکن یہ بات بھی سچ ہے کہ ٹیلنٹ کبھی چھپتا نہیں خواہ وہ دنیا کے کسی کونے میں ہی کیوں نہ ہو اور یہی ہوا کہ عاطف اسلم کو بھارت کی سڑکوں پر گھومتے شخص کی آواز بھی متاثر کرنے میں کامیاب ہو گئی۔

عاطف اسلم نے سماجی رابطے کی ویب سائٹ انسٹا گرام پر ایک ویڈیو شیئر کی جس میں ایک شخص بھارتی شہر حیدرآباد دکن کی سڑکوں پر  ’تاج دارِ حرم‘ کا کلام نہایت ہی خوبصورت انداز کے ساتھ پڑھتا نظر آرہا ہے۔ کلام کو مزید خوبصورت بنانے کے لئے یہ شخص اپنی دھن میں مگن ڈفلی بھی بجا رہا ہے۔

عاطف اسلم بھی اس شخص کی روح کو متاثر کرنے والی آواز پر خاموش نہ رہ سکے، انہوں نے ویڈیو کے ساتھ تعریف کرتے ہوئے سبحان اللہ کہا اور کہا کہ کیا روح داری تاج دارِ حرم ہے۔ عاطف نے  گزارش کی کہ اگر کوئی اس شخص کو حیدر آباد دکن میں دیکھے تو اسے میرا سلام کہے۔

‘زندگی کھلی کتاب ہونے کی وجہ سے بریک اپ پر بہت تکلیف ہوئی’

 بولی وڈ اداکارہ کترینہ کیف کچھ ماہ قبل یہ بات کہہ چکی ہیں کہ انہیں رنبیر کپور سے تعلق ختم ہونے پر کوئی پچھتاوا نہیں بلکہ اس بریک اپ کے بعد وہ زیادہ مضبوط ہوئیں مگر اب انہوں نے اعتراف کیا ہے کہ وہ ان کے لیے انتہائی تکلیف دہ دور تھا۔

رنبیر کپور سے کترینہ کیف نے کیریئر کے ابتدائی دور میں محبت کی تھی اور دونوں کے درمیان کچھ سال تک تعلقات بھی رہے، تاہم کبھی بھی دونوں نے اس کا اعتراف نہیں کیا تھا۔

گزشتہ سال دسمبر میں ایک انٹرویو کے دوران کترینہ کیف نے کہا تھا ’میں رنبیر سے ہوئے اپنے بریک اپ کو کسی نعمت سے کم نہیں سمجھتی، کیوں کہ ایسا ہونے کے بعد ہی مجھے اپنی اہمیت اپنی سوچ اور اپنی خواہشات کا اندازہ ہوا‘۔

کترینہ نے یہ بھی کہا کہ انہیں اپنے بریک اپ پر کسی قسم کا کوئی افسوس نہیں۔

اب ایک نئے انٹرویو میں انہوں نے کہا کہ وہ کبھی اس بریک اپ بات نہیں کرتی مگر میڈیا نے انہیں اس پر مجبور کیا۔

ان کا کہنا تھا ‘جہاں تک میرے انداز کی بات ہے تو میں کبھی اپنے تعلق کے بارے میں بات نہیں کرتی، میں اس بارے میں بات اس لیے کی کیونکہ میڈیا کو اس میں دلچسپی تھی، میں ہر بار اپنی طرف آنے والی گولی سے نہیں بچ سکتی اور ایسا کرنا اچھا بھی نہیں لگتا، تو بہترین بات یہی ہے کہ جس حد تک کم ہوسکے اتنا شیئر کولوں اور میرا یہ بھی ماننا ہے کہ حقیقت کو تسلیم کرنا چاہیے، ہم (رنبیر اور کترینہ) اب بھی ایک دوسرے کے لیے احترام رکھتے ہیں اور یہ کبھی تبدیل نہیں ہوگا’۔

انسٹاگرام فوٹو
انسٹاگرام فوٹو

ان کا کہنا تھا کہ ایک اسٹار ہونے کی وجہ سے انہیں اس پر بہت تکلیف ہوئی مگر اس وجہ سے انہیں بہتر فرد بننے میں بھی مدد ملی ‘جب ہم دونوں الگ ہوئے، تو میری ایک بہن بھی اس طرح کی صورتحال سے گزر رہی تھی، اس وقت مجھے احساس ہوا کہ میری زندگی چونکہ دوسروں کے لیے کھلی کتاب ہے تو اس لیے میری انا کو زیادہ تکلیف ہوئی، ہم دونوں نے ایک جیسا درد محسوس کیا، مطالعے کے ذریعے میں نے سکون پایا، میرے دوست بھی بہت معاون ثابت ہوئے، مجھے زندگی کے اس باب پر کوئی پچھتاوا نہیں، میں اس تجربے سے گزر کر پہلے سے زیادہ باشعور ہوگئی ہوں’۔

چند ماہ قبل ایک انٹرویو کے دوران کترینہ کیف نے کہا تھا کہ گرچہ سلمان خان ان کے سب سے بہترین دوست ہیں، مگر بعض مرتبہ وہ کئی دنوں، ہفتوں اور یہاں تک کہ کئی ماہ تک بات بھی نہیں کرتے، تاہم پھر بھی وہ ایک دوسرے کے بہترین دوست ہیں۔

انسٹاگرام فوٹو
انسٹاگرام فوٹو

شادی اور بچوں کے حوالے سے پوچھے گئے سوال کے جواب میں ان کا کہنا تھا کہ اگرچہ ماضی میں انہوں نے شادی کرنے اور ڈھیر سارے بچے پیدا کرنے کی منصوبہ بندی بھی بنائی تھی، تاہم ان کی خواہش مکمل نہ ہوسکی۔

کترینہ کیف نے یہ نہیں بتایا کہ وہ کس سے شادی کرنا چاہتی تھی اور ان کی خواہش کیوں پوری نہ ہوسکی۔

مستقبل میں محبت کے حوالے سے اداکارہ نے کہا کہ انہیں لگتا ہے کہ انہیں جب بھی ضرورت ہوگی، انہیں محبت مل جائے گی۔

انسٹاگرام فوٹو
انسٹاگرام فوٹو

کترینہ کیف نے وضاحت کی کہ انہیں کہیں بھی، کبھی بھی، کسی سے بھی محبت ہوسکتی ہے اور اس کے لیے کوئی انتظار نہیں کرنا پڑتا۔

اداکارہ نے مثال دی کہ ہوسکتا ہے کہ کبھی کسی ایئرپورٹ پر ان کے ہاتھ سے کتاب گر جائے اور وہ اسے اٹھانے کے لیے نیچے جھکیں تو عین اس وقت کوئی شخص آکر انہیں کتاب اٹھانے میں مدد دے اور اسی لمحے ان دونوں کی نظریں ایک دوسرے سے ٹکرائیں اور پھر ان میں محبت ہوجائے۔

سنی دیول کی بھارتی الیکشن میں جیت خطرے میں پڑنے لگی

نئی دہلی: بھارتی الیکشن میں بی جے پی کے ٹکٹ پر گورداس پور لوک سبھا کی سیٹ جیتنے والے اداکارسنی دیول کی کرسی خطرے میں پڑنے لگی۔

ناموربالی ووڈ اداکارسنی دیول حال ہی میں بھارتی الیکشن میں بی جے پی کے ٹکٹ پرپنجاب کے حلقے گورداس پورسے سیاسی اکھاڑے میں اترے اوراپنے حریفوں کومات دیتے ہوئے الیکشن میں کامیابی حاصل کرلی، تاہم اب ان کی سیٹ خطرے میں پڑگئی ہے۔

بھارتی میڈیا رپورٹ کے مطابق سنی دیول نے اپنی انتخابی مہم کے دوران الیکشن کمیشن کی جانب سے طے کیے گئے اخراجات سے زیادہ پیسے خرچ کیے۔ انتخابی مہم کے دوران امیدواروں پرنظررکھنے والے ادارے واچ ڈوگ کوسنی دیول کے زائد اخراجات کے حوالے سے شکایت موصول ہوئی ہے، لہذٰا اس معاملے پرالیکشن کمیشن سنی دیول کے خلاف کارروائی کرکے انہیں نوٹس جاری کرسکتا ہے جس کے باعث  سنی دیول کی جیتی ہوئی سیٹ بھی خطرے میں پڑسکتی ہے۔

بھارتی الیکشن کمیشن کی طرف سے مقررکردہ ماڈل ضابطہ اخلاق کے قواعدو ضوابط کے مطابق لوک سبھا کا کوئی بھی امیدوار اپنی انتخابی مہم میں 70 لاکھ روپے سے زائد اخراجات نہیں کرسکتا جب کہ الیکشن کمیشن کو موصول ہونے والی دستاویزات کے مطابق سنی دیول نےانتخابی مہم کے دوران تقریباً86  لاکھ روپے خرچ کیے۔

الیکشن کمیشن کو یہ اختیار بھی حاصل ہے کہ قواعدو ضوابط کی خلاف ورزی پر الیکشن کمیشن کا ادارہ امیدوار کی پارلیمنٹ کی رکنیت کو معطل کرکے دوسرے نمبر پر آنے والے امیدوار کو فاتح قرار دے سکتاہے۔

واضح رہے کہ سنی دیول نے گورداس پور کی سیٹ پر کانگریس کے امیدوار سنیل جاکھڑ کو 80 ہزارووٹوں سے شکست دے  کرکامیابی حاصل کی تھی۔ گورداس پور کی یہ سیٹ سنی دیول سے قبل اداکار وسیاستدان ونود کھنہ کے پاس تھی۔

بھارت میں سابق مس انڈیا یونیورس بھی ہراسانی کا شکار

کولکتہ: بھارت کی سابق مس انڈیا یونیورس اوشوشی سین گپتا پر 15 لڑکوں نے حملہ کرکے نہ صرف انہیں ڈرایا دھمکایا بلکہ ڈرائیور کو بھی باہر نکال کر مارا پیٹا، اس واقعے کے بعد اوشوشی نے بھارت کا اصل چہرہ بے نقاب کرکے بھارتی پولیس کو بروقت مدد نہ کرنے پرشدید تنقید کا نشانہ بنایاہے۔

2010 میں مس انڈیا یونیورس کا خطاب جیتنے والی اوشوشی سین گپتا نے اپنے ساتھ پیش آئے خوفناک واقعے کے بارے میں بتاتے ہوئے پوری دنیا کے سامنے بھارت کا اصل چہرہ بے نقاب کیا ہے کہ کس طرح بھارت میں خواتین غیر محفوظ ہیں اور پولیس بھی خواتین کی مدد کرنے میں پس وپیش سے کام لیتی ہے۔

اوشوشی نے فیس بک پر اپنے ساتھ پیش آئے حادثے کی تفصیلات بتاتے ہوئے کہا منگل کی رات تقریباً پونے بارہ بجے وہ کولکتہ کے ہوٹل سے کام ختم کرنے کے بعد اوبر کی کار سے واپس اپنے گھر جارہی تھیں کہ تقریباً 15 نوجوان لڑکوں نے ان کی کار پر حملہ کردیا اور مسلسل کار کا دروازہ پیٹتے ہوئے ڈرائیور کو باہر آنے کا کہہ رہے تھے۔ بلآخر ان لڑکوں نے ڈرائیور کو گھسیٹ کر باہر نکال کرپیٹنا شروع کردیا اس موقع پر میں کار سے باہر نکلی اور لڑکوں پر چلانا شروع کردیا  اور ان کی ویڈیو بھی بنائی۔

اوشوشی نے کہا کہ وہ بھاگ کر نزدیکی پولیس اسٹیشن گئیں اور وہاں موجود پولیس آفیسر سے مدد مانگی لیکن اس نے یہ کہہ کر مدد کرنے سے انکار کردیا کہ یہ علاقہ اس کی عملداری میں نہیں آتا، تاہم بہت زیادہ منت کرنے کے بعد وہ آفیسر ان کے ساتھ چلنے کے لیے تیار ہوا، پولیس آفیسر کو دیکھ کر وہاں موجود لڑکے آفیسر کو دھکا دے کر بھاگ گئے۔

میں نے اور میرے ساتھ موجود میری ساتھی نے ڈرائیور سے درخواست کی کہ ہمیں گھر چھوڑ دے اورجب ہم اپنے گھر پہنچے تو یہ دیکھ کر خوفزدہ ہوگئے کہ 6 لڑکے موٹر سائیکلوں پر ہمارا پیچھا کررہے تھےانہوں نے  ہماری کار روکی اور کار پر پتھر مار کر شیشہ توڑ دیا اس کے علاوہ وہ میرا فون بھی چھین کر توڑنا چاہ رہے تھے جس میں ان کے حملے کی ویڈیو موجود تھی، بعد ازاں وہ لڑکے وہاں سے بھاگ گئے۔

اوشوشی نے یہاں ایف آئی آر درج کرانے میں پیش آئی مشکلات اور بھارتی پولیس کے رویے کی قلعی کھولتے ہوئے کہا کہ پولیس نے لاتعداد سوالات پوچھنے کے بعد میری شکایت تو درج کرلی لیکن اوبر کے ڈرائیور کی شکایت درج کرنے سے انکار کردیا اس کا کہنا تھا کہ انہیں ایک ہی کیس میں دو ایف آئی آر درج کرنے کی اجازت نہیں ہے یہ قانون کے خلاف ہے۔

اوشوشی نے بھارت کو خواتین کے لیے غیر محفوظ ملک قراردیتے ہوئے کہا کہ اس رات کے حادثے نے انہیں گہرا صدمہ پہنچایا ہے۔ دوسری جانب سابق مس انڈیا یونیورس پر حملہ کرنے والے لڑکوں میں سے سات لڑکوں کو گرفتار کیا جاچکا ہے۔

شیشہ پارلر کی ویڈیو: ثانیہ مرزا اور وینا ملک کی سوشل میڈیا پر تکرار

ورلڈکپ میں پاکستان کی بھارت کے ہاتھوں بدترین شکست کے بعد کھلاڑیوں کی شیشہ پارلر کی وائرل ویڈیو پر ایسا تنازع کھڑا ہوا جو تھمنے کا نام نہیں لے رہا اور اسی حوالے سے سوشل پر ثانیہ مرزا اور وینا ملک کی تکرار بھی ہوئی۔

اداکارہ وینا ملک نے ایک ٹوئٹ میں قومی کرکٹ ٹیم کے کھلاڑی شعیب ملک کی اہلیہ ثانیہ مرزا کو مخاطب کرتے ہوئے لکھا کہ ’ دراصل ثانیہ میں بچے کے لیے پریشان ہوں، آپ لوگ اسے شیشے پارلر لے گئے کیا یہ خطرناک نہیں؟

وینا ملک نے کہا کہ ’میں جتنا جانتی ہوں اس حساب سے جنک فوڈز کھلاڑیوں کے لیے مضر صحت ہے آپ کو تو یہ لازمی پتہ ہونا چاہیے بطور ایک والدہ اور خود کھلاڑی ہونے کی حیثیت سے‘۔

VEENA MALIK

@iVeenaKhan

Sania, I am actually so worried for the kid. You guys took him to a sheesha place isn’t it Hazardious? Also as far as I know Archie’s is all about junk food which isn’t good for athletes/Boys. You must know well as you are mother and athlete yourself? https://twitter.com/MirzaSania/status/1139950267619692544 

2,292 people are talking about this

چونکہ ثانیہ مرزا بھارتی ٹینس اسٹار ہیں اور شعیب ملک کی اہلیہ بھی تو یہ ناممکن ہی تھا کہ وہ وینا ملک کی ٹوئٹ کا جواب نہ دیتیں۔

ثانیہ مرزا نے وینا ملک کو جواب دیتے ہوئے ٹوئٹ میں لکھا کہ ’وینا ملک میں اپنے بچے کو شیشہ پارلر نہیں لے کر گئی اور یہ آپ کا یا کسی کا مسئلہ نہیں، میں اپنے بچے کا خیال کسی سے بھی کئی زیادہ کرتی ہوں‘۔

Sania Mirza

@MirzaSania

Veena,I hav not taken my kid to a sheesha place. Not that it’s any of your or the rest of the world’s business cause I think I care bout my son a lot more than anyone else does 🙂 secondly I am not Pakistan cricket team’s dietician nor am I their mother or principal or teacher

VEENA MALIK

@iVeenaKhan

Sania, I am actually so worried for the kid. You guys took him to a sheesha place isn’t it Hazardious? Also as far as I know Archie’s is all about junk food which isn’t good for athletes/Boys. You must know well as you are mother and athlete yourself? https://twitter.com/MirzaSania/status/1139950267619692544 

4,139 people are talking about this

انہوں نے لکھا کہ ’دوسری بات یہ کہ میں پاکستان کرکٹ ٹیم کی ماہر غذائیت نہیں اور نہ ہی ماں، پرنسپل یا ٹیچر ہوں ‘۔

بعدازاں ثانیہ مرزا نے ایک اور طنزیہ ٹوئٹ کرتے ہوئے کہا کہ ’مجھے معلوم ہے کہ کب وہ سوتے، جاگتے اور کھاتے ہیں آپ کی فکر کا شکریہ، یہ قابل معنی ہے‘۔

Sania Mirza

@MirzaSania

To know when they sleep,wake up and eat ..
thank you for your concern though .. means a lot ✌🏽

VEENA MALIK

@iVeenaKhan

Sania, I am actually so worried for the kid. You guys took him to a sheesha place isn’t it Hazardious? Also as far as I know Archie’s is all about junk food which isn’t good for athletes/Boys. You must know well as you are mother and athlete yourself? https://twitter.com/MirzaSania/status/1139950267619692544 

1,106 people are talking about this

اس پر وینا ملک نے ثانیہ مرزا کو کرارا جواب دیتے ہوئے کہا کہ ’سُن کر خوشی ہوئی کہ آپ بچے کو ساتھ لے کر نہیں گئیں اور میں نے کہاں نشاندہی کی کہ آپ پاکستان کرکٹ ٹیم کی ماہر غذائیت یا پھر ماں ہیں؟

VEENA MALIK

@iVeenaKhan

Great to hear that u didn’t took ur kid their. Oh did I mentioned you are a dietician or mother of the Pak team? I said u are an athlete and u must know how much fitness is important for athletes.Also aren’t u a wife of cricketer? U should take care of his wellbeing.Isn’t it? https://twitter.com/MirzaSania/status/1140702012113334278 

902 people are talking about this

وینا ملک نے لکھا کہ ’میں نے کہا تھا کہ آپ کھلاڑی ہیں اور آپ لازمی جانتی ہیں کہ ایک کھلاڑی کیلئے فٹنس کتنی زیادہ اہم ہوتی ہےم، اس کے علاوہ کیا آپ ایک کرکٹر کی اہلیہ نہیں؟ کیا آپ کو ان کی صحت کا خیال نہیں رکھنا چاہیے؟

وینا ملک کا کہنا تھا کہ ’آپ کی ٹوئٹ یہ واضح کرتی ہے کہ میرا میرے ملک کے لیے اور کرکٹ ٹیم کے لیے فکرمند ہونا آپ کو بہت زیادہ پریشان کرگیا ہے‘۔

VEENA MALIK

@iVeenaKhan

Have some guts & don’t delete ur tweets.Fortunately the technology has progressed so much that people can’t deny their acts.Oh the magazine’s cover u mentioned had morphed images.Also I can bringup all the controversies U have ever had bt I would rather not divert the discusion.

View image on Twitter

VEENA MALIK

@iVeenaKhan

Also your tweet shows that me being worried for my country and cricket team has triggered you so much. Thank you for opening up to the world and showing your true colors!
Much Love Veena Malik 💞✨

510 people are talking about this

انہوں نے ثانیہ مرزا کو آڑے ہاتھوں لیتے ہوئے مزید لکھا کہ ’بہت شکریہ آپ نے دنیا کے سامنے اپنے آپ کو نمایاں، کیا اب آپ نے اپنے حقیقی رنگ دکھائے ہیں‘۔

’باہوبلی‘ ہیرو نے انوشکا سے شادی پر خاموشی توڑ دی

بھارت کی سب سے زیادہ کمائی کرنے والی فلموں میں شمار ہونے والی ایکشن پیرڈ ڈرامہ فلم ’باہو بلی 2‘کے ہیرو پربھاس اور ہیروئن انوشکا شیٹھی کے درمیان تعلقات کی خبریں کافی عرصے سے چل رہی ہیں۔

دونوں کی جانب سے ’باہو بلی 2‘ میں کام کرنے کے دوران تعلقات استوار ہوئے اور پھر یہ تعلقات رومانس تک پہنچے اور گذشتہ کچھ عرصے سے خبریں ہیں کہ وہ جلد ہی شادی کے بندھن میں بندھ جائیں گے۔

گذشتہ برس چہ مگوئیاں تھیں کہ پربھاس اور انوشکا شیٹھی 2018 کے آخر تک شادی کے بندھن میں بندھ جائیں گے۔ پربھاس کے چچا نے گذشتہ برس بتایا تھا کہ ان کے بھتیجے 2018 کے آخر تک شادی کے بندھن میں بندھ جائیں گے، تاہم ایسا نہیں ہوا۔

دونوں کو متعدد بار ایک ساتھ دیکھا گیا ہے—فوٹو: نیوز نیشن
دونوں کو متعدد بار ایک ساتھ دیکھا گیا ہے—فوٹو: نیوز نیشن

لیکن گذشتہ چند ماہ سے بھارتی میڈیا میں ایک بار پھر پربھاس اور انوشکا شیٹھی کی شادی کی خبریں وائرل ہیں۔ اطلاعات ہیں کہ دونوں رواں برس کے آخر تک شادی یا پھر منگنی کے بندھن میں بندھ جائیں گے۔

اپنی شادی اور منگنی کی خبروں پر کچھ دن قبل ہی انوشکا شیٹھی نے خاموشی توڑتے ہوئے پربھاس کو اپنا بہترین دوست قرار دیا تھا۔

اداکارہ کا کہنا تھا کہ یہ سچ ہے کہ پربھاس ان کے بہترین دوست ہیں، تاہم ان دونوں نے شادی کے حوالے سے ابھی کوئی پروگرام نہیں بنایا۔

اداکارہ نے میڈیا میں اپنی شادی کی خبروں کو جھوٹا قرار دیا تھا اور کہا تھا کہ وہ پربھاس کی صرف بہترین دوست ہیں۔

دونوں کی فلم باہو بلی 2 نے ریکارڈ کمائی کی تھی—اسکرین شاٹ
دونوں کی فلم باہو بلی 2 نے ریکارڈ کمائی کی تھی—اسکرین شاٹ

انوشکا شیٹھی کے بعد اب پربھاس نے بھی شادی کی خبروں پر خاموشی توڑتے ہوئے وضاحت کی ہے کہ جب بھی وہ شادی کری گے تو میڈیا کو بتا کر ہی کریں گے۔

بولی وڈ ہنگامہ کے مطابق پربھاس ان دنوں اپنی آنے والی فلم ’ساہو‘ کی تشہیر میں مصروف ہیں اور انہوں نے اسی دوران میڈیا سے بات چیت کے دوران اپنی شادی پر بھی بات کی۔

پربھاس کا کہنا تھا کہ انوشکا شیٹھی اور انہوں نے اس طرح کا کوئی فیصلہ نہیں کیا اور وہ جب بھی ایسا فیصلہ کریں گے تو سب کو اطلاع کریں گے۔

اداکار نے بھی شادی کی خبروں کو جھوٹا قرار دیا، تاہم بھارتی میڈیا میں چہ مگوئیاں جاری ہیں کہ دونوں ممکنہ طور پر رواں برس کے آخر تک رشتے میں بندھ جائیں گے۔

انوشکا شیٹھی تامل، تیلگو اور بنگالی فلموں میں بھی کام کر چکی ہیں—فوٹو: انسٹاگرام
انوشکا شیٹھی تامل، تیلگو اور بنگالی فلموں میں بھی کام کر چکی ہیں—فوٹو: انسٹاگرام
Google Analytics Alternative